Gyɔɔn 20:17 - Naaŋmen Nɔpaalaa Gane

¹⁷ Ka a Yeezu da yeli ko o, “Ta nyɔge ma taa, bonso, N naŋ ba do a N Saa zie sɛre. Kyɛ gaa a N yɔɔmine zie, a te yeli ko ba, ‘N duoro la a N Saa ane a yɛ Saa, a N Naaŋmen ane a yɛ Naaŋmen zie.’ ”

Gyɔɔn 20:17 ပူးပေါင်းရင်းမြစ်များ

Matio Gane 12:50

Bonso, soba na zaa naŋ erɛ a N Saa naŋ be tenvelaa poɔ poboɔbo la N yɔɔ ane yɔɔpuulee ane N ma.”

Matio Gane 25:40

A naa na leɛ yeli ko ba la, ‘Yelmeŋɛ ka N yele korɔ yɛ, saŋ na zaa yɛ naŋ e a yeli ŋa kaŋ tɔ ko a N yɔɔmine ane n yɔɔpuuli bama kanzaa, maa la ka yɛ e a lɛ tere.’

Matio Gane 28:7

Yɛ pãã leɛ gaa wieouŋ zaa a te yeli ko a O potuuribo, ‘O iri yi la a kũũ poɔ. Serɛzaa O de la weɛ a gɛrɛ Galili teŋɛ, be la ka yɛ na te nyɛ O.’ A duoro N naŋ taa ka N ko yɛ la a lɛ.”

Marko Gane 12:26

A kuuni naŋ na leɛ-iri yɛlɛ yɛ naŋ yele, yɛ mɔɔ ba sɔre a Moozul gane poɔ, a tuu naŋ da dire vũũ yɛlɛ, lɛnɛɛ Naaŋmen naŋ da yeli ko o, ‘Maa la a Aboraham Naaŋmen, a Aziki Naaŋmen ane a Gyekɔb Naaŋmen’?

Marko Gane 16:19

A Daana Yeezu naŋ da wa yeli a yɛlɛ ko ba baare, ba da de O la do ne tenvelaa ka O te zeŋ Naaŋmen nuduluŋ seŋ.

Luka 10:4

Yɛ ta de ganlɔge, bee woɔ, bee nɔɔteɛ, a kyɛ ta puori neɛzaa a sobiriŋ.

Gyɔɔn 13:1

A Ista tigri naŋ da wa tara, a Yeezu da baŋ ka a saŋ taɛ la ka O na yi a teŋɛzu kyɛ a leɛ gaa a Saa zie. O naŋ da nɔnɔ a O noba naŋ be a teŋɛzu, O da nɔŋ ba la te ta a baaraa.

Gyɔɔn 13:3

Yeezu naŋ da baŋ ka a Saa de la yelzaa eŋ O nuuriŋ, kyɛ la baŋ ka O yi la Naaŋmen zie wa kyɛ leɛ gɛrɛ Naaŋmen zie,

Gyɔɔn 14:2

A N Saa yiri poɔ deri yaga bebe la. Ka a naŋ da ba waa lɛ, yɛ teɛre ka N da na baŋ yeli ko yɛ la ka N gɛrɛ la ka N te nare zie bare yɛ be?

Gyɔɔn 14:28

Yɛ woŋee la ka N da yeli ko yɛ, ‘N gɛrɛ la kyɛ na leɛ wa yɛ zie.’ Ka yɛnee da nɔŋ ma, yɛ da na kyellɛ la ne N naŋ gɛrɛ a Saa zie, bonso, a Saa taa la kpeɛ̃õ gaŋ ma.

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 16:28

A Saa zie la ka N da yi wa a teŋɛzu, kyɛ N la yire la a teŋɛzu a leɛ gɛrɛ a Saa zie.”

Gyɔɔn 17:11

Kyɛ pampana, N ba la be a teŋɛzu, kyɛ bana eŋ naŋ be la a teŋɛzu kyɛ ka N waana fo zie. N Saa Soŋ, gu ba a fo yuori fo naŋ ko ma zuiŋ, ka ka ba na waa yeni aŋa maa ne fo naŋ waa yeni lɛ.

Gyɔɔn 17:25

“Yelmennoŋ Saa, a teŋɛzu noba ba baŋ fo kyɛ maa baŋ fo la, ka a noba bama meŋ baŋ ka fõõ la toŋ ma.

Gyɔɔn 17:5

Pampana ŋa, N Saa, pãã iri N yuori a fo meŋɛ niŋesogɔ ne a yuori na N naŋ da taa fo zie kyɛ ka a tendaa wa bebe.”

Gyɔɔn 20:27

Lɛ la ka O da yeli ko a Tɔmaase, “De a fo nubiri eŋ kyɛ, kyɛ kaa nyɛ N nuuri. De a fo nu eŋ a N lambori. Ta bonnɔ, kyɛ sage de.”

Gyɔɔn 7:33

Lɛ la ka a Yeezu da yeli, “N koŋ la be a yɛ zie ka a kɔɔre yaga kyɛ ka N leɛ gaa a soba na naŋ toŋ ma zie.

Urom 8:29

Bonso, a banaŋ O naŋ da daŋ baŋ, bana la ka O da daŋ nare bare ka ba na taa a O Bidɔɔ waaloŋ, ka ka O na toɔ̃ e a bidɛndɛŋ a yideme naŋ waa yaga poɔ.

Korinti 6:18

ka N waa yɛ saa, kyɛ ka yɛ waa N bidɔbɔ ane N pɔgeyaare, a Kpeɛ̃õ Zaa Daana la yele.”

Galesiya 3:26

bonso a Kirista Yeezu poɔ, yɛ zaa waa la Naaŋmen biiri a yi yeldeebo eŋɛ.

Hiburu 11:16

Kyɛ lɛ a naŋ waa, ba da boɔrɛɛ teŋɛ naŋ seɛ a onaŋ ba naŋ bare; a tɛgɛ la, tenvelaa deni. Azuiŋ, a ba e vi ko Naaŋmen ka ba boɔle O a ba Naaŋmen. Serɛzaa, Naaŋmen narɛɛ teŋkpoŋ kaŋ bare ba.

Hiburu 8:10

A nɔ-eŋnaa ŋa la ka N na eŋ ne a Izerayɛl biiri, a bebie na puoriŋ, a Daana yelee la: N na eŋ la a N bege a ba teɛrɛ poɔ, kyɛ sɛge a eŋ ba sukyie poore, ka N waa ba Naaŋmen, kyɛ ka ba waa N noba.

1 Pit 1:3

Ka Naaŋmen, a te Daana Yeezu Kirista Saa, nyɛ puubu! A O nembaalonzoe naŋ e kpoŋ eŋɛ la ka ba leɛ dɔge te paalaa, ka te pãã taa teɛretɔroo naŋ e vore a Yeezu Kirista kũũ leɛ-iruu eŋɛ,

1 Gyn 3:2

N poyɛŋ noba, pampana, te waa la Naaŋmen biiri, kyɛ bon te naŋ na waa naŋ ba sãã sɛre. Bon te naŋ baŋ la ŋa: ka O naŋ wa sãã te na waa ŋa lɛ O naŋ waa, bonso, te na nyɛ O la a lɛ O naŋ waa.

Yel-iriwulaa Gane 21:3

N da woŋ la kɔkɔkpeɛŋaa ka o yele yɛlɛ yire a nakogi zie a yele: “Nyɛ, a Naaŋmen kpeɛbozie be la nensaalba sogɔŋ. O na kpeɛrɛ la ba poɔ a waa ba Naaŋmen; ka ba meŋ waa O noba, kyɛ Naaŋmen meŋɛ zaa na be la ba zie;

Yel-iriwulaa Gane 21:7

A banaŋ naŋ zɔɔtoɔ̃ na di la a boma ama gbandiruŋ, kyɛ N na waa la ba Naaŋmen ka ba meŋ waa N bibiiri.