Gyɔɔn 20:1 - Naaŋmen Nɔpaalaa Gane

¹ A koseɛraa bebi-dɛndɛŋ daare, bagu-pipi saŋ, zie naŋ da naŋ waa lige, Mareya Magdalina da gaa la a yaa zie. O da te nyɛ la a yaa noɔre kuuri ka ba billi bare.

Gyɔɔn 20:1 ပူးပေါင်းရင်းမြစ်များ

Matio Gane 27:56

A pɔgeba mine naŋ da poɔ ba poɔ la, Mareya Magdalina, ane Mareya, Gyimisi ne Yuzɛb ma, ane a Zɛbɛdii biiri ma.

Matio Gane 27:60

a de O te ũũ o meŋɛ ya-paalaa poɔ o naŋ nyɛ piiri zu. A pãã billi kukpoŋ pɔge a yaa noɔre kyɛ leɛ gɛrɛ.

Matio Gane 27:64

Azuiŋ, e ka ba te gu a yaa velaa, a te ta a beri ata daare, ka lɛ naane, a O potuuribo na te zu iri O la a yaa poɔ, kyɛ yeli ko a noba, ‘O leɛ-iri yi la a kũũ poɔ,’ ka a puori bɛllɛ ŋa pãã na waa faa yaga gaŋ a dɛndɛŋ bɛllɛ na.”

Matio Gane 27:66

Lɛ la ka ba gaa ne a guguribo, a te bɛ a kuuri naŋ furi a yaa noɔreŋ, kyɛ e ka a noba gu a zie velaa.

Matio Gane 28:1

A pɛnnoo bebiri naŋ da wa di yi baare, zie naŋ da wa nyaana a koseɛraa bebi-dɛndɛŋ daare, Mareya Magdalina ane o yo-tɔ Mareya da gaa la a yaa zie ka ba te nyɛ.

Matio Gane 28:2

A paretɛloŋ lɛ, ba wa berɛ ka a teŋɛ deɛ gbigri yaga zaa, bonso, a Daana maleke da sigi waɛ la a wa billi a kuuri naŋ da pɔge a yaa noɔreŋ bare, a do zeŋ a kuuri zu.

Marko Gane 15:46

Lɛ la ka a Yuzɛb de pɛmpelaa, a wa yage a Yeezu eŋɛ, a da da pɛmpelaa pilli ne. Kyɛ pãã de O te ũũ yaa kaŋ poɔ ba naŋ nyɛ piiri zu, a billi kukpoŋ pɔge a yaa noɔre.

Marko Gane 16:9

[A Yeezu naŋ da leɛ-iri yi a kuuni poɔ puoriŋ, a koseɛraa bebi-dɛndɛŋ daare bagu-pipi saŋ, O daŋ de la O meŋɛ wuli Mareya Magdalina, ona eŋɛ la ka a Yeezu da digi sefaare ayopoĩ bare.

Gyɔɔn 11:38

Lɛ la ka a Yeezu sukyiri da la dɔ̃ɔ̃ O, ka O da la gaa a yaa zie. A yaa da waa la taŋ bogi ka kuuri furi o noɔre.

Gyɔɔn 11:41

Lɛ la ka ba da billi a kuuri bare. A Yeezu pãã da gbole kaa la sazu kyɛ yeli, “N Saa, N puori fo la bareka ne fo naŋ kyɛlle woŋ a N puoruu.

Gyɔɔn 19:25

A lɛ la ka a sogyɛre da e. Kyɛ a Yeezu ma ane a O ma yɔɔ, ane Kelopa pɔgɔ Mareya ane Mareya Magdalina da are peɛle la a Yeezu dagaraa.

Gyɔɔn 20:26

A daa gbuli puoriŋ, a Yeezu potuuribo da la be la a die poɔ, ka Tɔmaase meŋ da be ba poɔ. Aneazaa ka a dendɔɛ da larɛɛ la, kyɛ a Yeezu da wa are la ba sogɔŋ kyɛ yeli, “Ka maaroŋ be yɛ zie.”

Toma 20:7

A koseɛraa bebi-dɛndɛŋ daare, te naŋ da wa lantaa ka te ŋmaa boroboro, Pɔɔl ne ba da yeli la yɛlɛ, o naŋ da boɔrɔ ka ka zie wa nyaa ka o iri gaa zuiŋ. O da yeli la yɛlɛ ka a kɔɔre te ta tensogpozentaa.

1 Kor 16:2

A koseɛraa bebi-dɛndɛŋ zaa daare, yɛ kanzaa seŋ ka o iri bonkaŋ biŋ, a seŋ o faŋ naŋ ta lɛ, ka a koŋ la ferɛ ka yɛ kyeɛre bonzaa ka maa wa wa.

Yel-iriwulaa Gane 1:10

A Vooroŋ Soŋ da wa sigi ma la a Daana bebiri daare kyɛ ka N da woŋ kɔkɔre naŋ yire gboligboli a n puoriŋ aŋa eele,