Gyɔɔn 2:19 - Naaŋmen Nɔpaalaa Gane

¹⁹ Ka a Yeezu da yeli sɔge ba, “Yɛ ŋmore a Naaŋmen die ŋa, kyɛ beri ata poɔ N na e la ka o leɛ-iri are.”

Gyɔɔn 2:19 ပူးပေါင်းရင်းမြစ်များ

Matio Gane 12:40

A ŋa lɛ Gyona naŋ da be a mane zonkpoŋ na poɔ beri ata, ŋmenaa ane tensogɔ, lɛ ka a Nensaala Bie meŋ na gaŋ a bogzeɛ poɔ beri ata, ŋmenaa ane tensogɔ.

Matio Gane 16:21

A yi a lɛ saŋ gɛrɛ, Yeezu da piili yele la weliweli korɔ a O potuuribo, ka feroo la ka O gaa Gyɛruzɛlɛm, a te nyɛ dɔgɛɛ yaga a nembɛrɛ ane a Naaŋmen bagmaalkare ane a Naaŋmen bege wulwulibo nuuri poɔ, ka ba ko O, kyɛ a beri ata daare ka O leɛ-iri yi a kũũ poɔ.

Matio Gane 27:40

kyɛ yele, “Fõõ naŋ yeli ka fo na toɔ̃ ŋmore la a Naaŋmen die, kyɛ la leɛ mɛ o beri ata poɔ, faa fo meŋɛ wɛ! Ka Fõõ wa waa Naaŋmen Bie, wa sigi a dagaraa zu.”

Matio Gane 27:63

a yeli, “Neŋkpoŋ, te leɛ-teɛre la a yeli na a zirŋmaara ŋa naŋ da yeli O vore saŋ, ‘N na leɛ-iri yi la a kuuni poɔ a beri ata puoriŋ.’

Marko Gane 14:58

“Te da woŋee la ka O yeli, ‘N na ŋmore la a Naaŋmen die ŋa ba naŋ mɛ ne nuuri, kyɛ a beri ata poɔ ka N leɛ mɛ o tɔ, ba naŋ koŋ de nuuri mɛ ne.’ ”

Marko Gane 15:29

Noba naŋ da waana tɔlɔ da toorɔ O la kyɛ gɔgrɔ ba zuri, kyɛ yele, “Ahaa! Fõõ naane da yeli ka fo na toɔ̃ ŋmore la a Naaŋmen die kyɛ leɛ mɛ o beri ata poɔ,

Marko Gane 8:31

Lɛ la ka a Yeezu da piili kanna ba, ka a ferɛɛ la ka a Nensaala Bie di dɔgɛɛ yaga, ka a nembɛrɛ ane a Naaŋmen bagmaalkare ane a Naaŋmen bege wulwulibo zagre O bare, ka ba ko O kyɛ a beri ata puoriŋ ka O leɛ-iri yi a kũũ poɔ.

Gyɔɔn 11:25

Ka a Yeezu da yeli ko o, “Maa la a kuuni poɔ leɛ-iruu ane a nyɔvore. Banaŋ naŋ sage de N yɛlɛ, ka ba naŋ kpi gba, ba na leɛ voorɔ la,

Gyɔɔn 5:19

Ka Yeezu da yeli ko ba, “Serɛzaa ka N yele korɔ yɛ, a Bidɔɔ koŋ baŋ e yelzaa ne O meŋɛ faŋ, ka a naŋ ba e yeli na O naŋ nyɛ a Saa ka O erɛ yoŋ naane. Bonso, yeli na zaa a Saa naŋ erɛ, a lɛ ne a zu la ka a Bidɔɔ meŋ maŋ e.

Toma 2:24

Kyɛ Naaŋmen da faa O la, a e ka O leɛ-iri a kuuni poɔ, bonso, kũũ da ba taa faŋ a na toɔ̃ nyɔge O taa.

Toma 2:32

A Yeezu ŋa la ka Naaŋmen da e ka o leɛ-iri, ka te zaa e a yeli ŋa dansediribe.

Toma 3:15

kyɛ ka yɛ da ko a Nyɔvore zaa soba, a Onaŋ Naaŋmen naŋ da e ka o leɛ-iri a kuuni poɔ, tenee la a yeli ŋa dansediribe.

Toma 3:26

A Naaŋmen naŋ da kaa-iri a O tontonɔ, O da daŋ toŋ o la yɛ zie, ka O wa ko yɛ maaloo kyɛ e ka yɛ zaa leɛ yi a yɛ potuoloŋ sobie poɔ.”

Toma 6:14

bonso, te woŋee la ka o yeli ka a Yeezu, a Naazɛrɛ Bie na sãã la a Naaŋmen die ŋa kyɛ leɛre a yɛlɛ na Moozul naŋ da yeli ka te tuuro.”

Urom 4:24

kyɛ ba da sɛge a la te meŋ zuiŋ. Ba na de la te banaŋ naŋ sage de a soba na naŋ da e ka a Yeezu te Daana leɛ-iri a kuuni poɔ ka te e nemmenne.

Urom 6:4

Azuiŋ, ba laŋ ũũ te la ne a Kirista, ba naŋ da so te a suobu a eŋ O kũũ poɔ, ka ka aŋa lɛ a Saa puubu naŋ da e ka a Kirista leɛ-iri a kũũ poɔ, lɛ meŋ la ka te pãã na kyɛnɛ nyɔvo-paalaa poɔ.

Urom 8:11

Ka a soba na Vooroŋ naŋ da e ka a Yeezu leɛ-iri a kuuni poɔ wa be yɛ poɔ, a soba na naŋ da e ka a Kirista leɛ-iri a kuuni poɔ na tu la a O Vooroŋ Soŋ meŋ naŋ be yɛ zie a ko yɛ enne naŋ na baŋ kpi nyɔvore.

1 Kor 15:12

Pampana ka banaŋ wa moɔle ka Naaŋmen eɛɛ la ka a Kirista da leɛ-iri a kuuni poɔ, wola la ka yɛ mine yeli ka a kuuni poɔ leɛ-iruu kyebe?

KOLO 2:12

Ba naŋ da laŋ ũũ yɛ ne O a suobu poɔ, lɛ meŋ la ka ba e ka yɛ ne O leɛ-iri a yɛ yeldeebo yɛ naŋ taa a Naaŋmen kpeɛ̃õ zuiŋ, O naŋ da e ka a Kirista leɛ-iri yi a kũũ poɔ.

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.