Gyɔɔn 19:9 - Naaŋmen Nɔpaalaa Gane

⁹ O da laboreŋ kpɛ la o nayikpoŋ poɔ a te soore a Yeezu, “Yeŋ la ka fo yi?” Kyɛ a Yeezu da ba yeli yelzaa sɔge o.

Gyɔɔn 19:9 ပူးပေါင်းရင်းမြစ်များ

Matio Gane 26:63

Kyɛ a Yeezu da taŋ la O noɔre. Lɛ la ka a Naaŋmen bagmaalkare neŋkpoŋ yeli ko O, “Pɔ a Naaŋmen-vore, a yeli ko te, ka fõõ wa la a Mɛzaaya, a Naaŋmen Bie”

Matio Gane 27:27

Lɛ la ka a gɔbena sogyɛre pãã da de a Yeezu kpɛ ne a gɔbena zage poɔ, a boɔle ba taaba zaa ka ba wa ŋmaagyili O.

Luka 23:9

A Hɛrɔde da soore la a Yeezu yɛlɛ yaga te kɔɔre kyɛ O da ba yeli yeli zaa sɔge o.

Gyɔɔn 18:28

Ba pãã da taa la a Yeezu yi ne a Kayefa zie a gaa ne a Pilato nayikpoŋ poɔ. A da waa la bagu-pipi saŋ. A Gyuumine da ba kpɛ a nayikpoŋ poɔ, ka ka ba ta wa kpɛ dɛgre a na toɔ̃ di a Ista tigri.

Gyɔɔn 18:33

Lɛ la ka Pilato da la kpɛ a die poɔ a boɔle a Yeezu a soore O, “Fõõ la a Gyuumine Naa be?”

Gyɔɔn 18:34

Ka a Yeezu da leɛ soore, “Fo meŋɛ la baŋ a yeli ŋa a soorɔ ma bee noba mine la yeli a N yɛlɛ ko fo?”

Gyɔɔn 18:37

Ka a Pilato da soore O, “Ka lɛ fo waa la naa wɛ?” Ka a Yeezu da leɛ yeli, “Fõõ la yeli ka N waa la naa. A ŋaa zuiŋ la ka ba dɔge ma, ka N wa di a yelmeŋɛ danseɛ ko a tendaa noba. Neɛzaa naŋ waa a yelmeŋɛ soba maŋ kyɛllɛ la a N noɔre yɛlɛ.”

Gyɔɔn 19:10

Lɛ la ka a Pilato pãã da yeli ko O, “Fo zagrɛɛ la ka fo yeli yɛlɛ sɔge ma be? Fo ba baŋ ka N taa la kpeɛ̃õ ka N bare fo bee a e ka ba kpa fo dagaraa zu be?”

Gyɔɔn 19:8

A Pilato naŋ da wa woŋ a ŋaa, dabeɛ̃ da la maaleŋ kpɛ o la yaga zaa.

Gyɔɔn 8:14

Ka a Yeezu da yeli sɔge, “Ka maa leɛ dire N meŋɛ danseɛ gba, a N danseɛ e la yelmeŋɛ, bonso, N baŋ la zie na N naŋ yi wa ane zie na N naŋ gɛrɛ. Kyɛ yɛnee ba baŋ zie na N naŋ yi wa bee zie na N naŋ gɛrɛ.

Filipai Deme Gane 1:28

ka a yɛ dɔndɔnne koŋ baŋ tɔ dabeɛ̃ eŋ yɛ sori zaa poɔ. Bana eŋ zie a ŋaa e la yelwulaa naŋ wullo ba weɛbo, kyɛ wullo yɛnee faabo. A Naaŋmen tontonne la a zaa.