Gyɔɔn 19:4 - Naaŋmen Nɔpaalaa Gane

⁴ A Pilato da laboreŋ yi te yeli ko ba la, “Yɛ nyɛ, N taa O la yire waana ne yɛ zie ka N e ka yɛ baŋ ka N ba nyɛ O yelsaanaa zaa.”

Gyɔɔn 19:4 ပူးပေါင်းရင်းမြစ်များ

Matio Gane 27:19

A Pilato naŋ da naŋ zeŋ a sɛredi kogi zu la ka o pɔge da toŋ neɛ o zie a yeli ko o, “Ta wa de fo nu eŋnɛ a dɔɔ ŋa naŋ ba baŋ yeli yɛlɛ poɔ, bonso, N di la dɔgɛɛ yaga zenɛ n zannoo poɔ a O yɛlɛ eŋɛ.”

Matio Gane 27:24

A Pilato naŋ da wa nyɛ ka o ba taa lɛ zaa o naŋ na e, kyɛ ka dɔɔne da piili ka o kpɛ a noba poɔ, O da de la koɔ̃ pɛge o nuuri a noba niŋesogɔ, a yele, “N ba baŋ yelzaa a dɔɔ ŋa kũũ eŋɛ; yɛ taa yɛ yɛlɛ.”

Matio Gane 27:4

O da yelee la, “N e la yelbieri ne N naŋ iri neɛ naŋ ba baŋ yeli tere ka ba ko.” Ka a noba leɛ yeli ko o, “Ana te boŋ yeli la bebe. Taa fo yɛlɛ.”

Matio Gane 27:54

A sogyɛre kɔɔ neŋkpoŋ ane banaŋ naŋ da be o zie guuro a Yeezu, naŋ da nyɛ a teŋɛ naŋ gbigri ane a yɛlɛ zaa naŋ e, dabeɛ̃ da kpɛ ba la yaga, ka ba yeli, “Serɛzaa, a dɔɔ ŋa da waa la Naaŋmen Bie.”

Luka 23:4

A Pilato pãã leɛ yeli ko la a Naaŋmen bagmaalkare ane a noba, “Maa eŋ ba nyɛ a dɔɔ ŋa yelsaanaa.”

Luka 23:41

Tenee eŋ seŋ ne la a dɔgroŋ ŋa, bonso, te nyɛrɛ la dɔgroŋ na te meŋɛ naŋ bɔ, kyɛ a dɔɔ ŋa eŋ ba e yeli faa zaa.”

Luka 23:47

A sogyɛre kɔɔ neŋkpoŋ naŋ da nyɛ lɛ a yɛlɛ zaa naŋ e, o da iri la Naaŋmen yuori a yele, “Serɛzaa, a dɔɔ ŋa da ba sãã yeli zaa.”

Gyɔɔn 18:33

Lɛ la ka Pilato da la kpɛ a die poɔ a boɔle a Yeezu a soore O, “Fõõ la a Gyuumine Naa be?”

Gyɔɔn 18:38

Ka a Pilato da soore O, “Yelmeŋɛ la boŋ?” A Pilato naŋ da wa yeli a ŋaa baare, O da la yi la a Gyuumine zie a te yeli ko ba, “N ba nyɛ O yelsaanaa zaa.

Gyɔɔn 19:6

A Naaŋmen bagmaale wederebɛ nembɛrɛ ane a polisiri naŋ da nyɛ O, ba da kyeerɛɛ la a yele, “Kpa O dagaraa zu! Kpa O dagaraa zu!” Ka a Pilato da yeli ko ba, “Yɛ taa O yɛmenne te kpa a dagaraa zu. Maa eŋ ba nyɛ O yelsaanaa zaa.”

Korinti 5:21

A te zuiŋ, Naaŋmen da eɛɛ la ka a Kirista naŋ da ba taa yelbieri, tuo a te yelbieri ka ka te na tu O zie a leɛ taa Naaŋmen mennoŋ.

Hiburu 7:26

Bonso, a da seŋɛɛ la ka te taa a Naaŋmen bagmaalkare neŋkpoŋ ŋa tɔ, naŋ waa soŋ, a ba taa saanaa zaa, a ba mɔge yelbieri, a tage O meŋɛ yi yelbebe deme poɔ kyɛ ka ba zɛge O do saa gaŋ a saluoni.

1 Pit 1:19

kyɛ a Kirista zẽẽ naŋ taa yuori la ka ba de faa ne yɛ; aŋa pilee naŋ ba taa faaloŋ bee saanaa zaa.

1 Pit 2:22

“O da ba e yelbieri zaa, ka zirii zaa ba yi O noɔre poɔ.”

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

1 Gyn 3:5

Yɛ baŋ ka O da waɛ la ka O wa de yelbebe bare, ka yelbieri zaa ba kye O poɔ.