Gyɔɔn 19:30 - Naaŋmen Nɔpaalaa Gane

³⁰ A Yeezu naŋ da wa lɛnne a dããmiiruŋ, O da yelee la, “A baarɛɛ la.” O pãã da suli la O zu kyɛ ŋmaa vooroŋ.

Gyɔɔn 19:30 ပူးပေါင်းရင်းမြစ်များ

Matio Gane 20:28

a ŋa lɛ a Nensaala Bie naŋ ba wa ka noba toŋ ko O, kyɛ O waɛ la ka O toŋ ko noba; a kyɛ de O nyɔvore yɔɔ de ne neŋyaga.”

Matio Gane 27:50

Lɛ la ka a Yeezu laboreŋ ŋmɛ kpɛlle ne kɔkɔkpeɛŋaa, kyɛ ŋmaa vooroŋ.

Matio Gane 3:15

Kyɛ ka a Yeezu leɛ yeli sɔge o, “Vɛŋ ka a e a lɛ pampana ŋa; bonso, lɛ la ka a seŋ ka te e ka mennoŋ zaa tu a tuubu.” Lɛ la ka a Gyɔɔn da sage.

Marko Gane 15:37

Lɛ la ka a Yeezu da la maaleŋ kyeere yaga zaa, kyɛ ŋmaa vooroŋ.

Luka 22:37

Maa yele korɔ yɛ, N zie la ka a yɛlɛ ŋa ba naŋ sɛge a ŋmen gane poɔ na tu a tuubu, ‘Ba sɔre O la eŋ a koŋwoŋwuluu deme poɔ’; kyɛ serɛzaa, a yeli ŋa nyɛ la eebo N zie.”

Luka 23:46

A Yeezu pãã da kyeere la yaga zaa a yeli, “N Saa, fo nuuriŋ la ka N de N vooroŋ eŋ.” O naŋ da yeli a ŋaa la ka O da ŋmaa vooroŋ.

Gyɔɔn 10:11

“Maa la a pekyee-meŋɛ. A pekyee-meŋɛ maŋ de la o nyɔvore biŋ ko a peere.

Gyɔɔn 10:18

Neɛzaa kontoɔ̃ de a N nyɔvore, kyɛ maa meŋɛ la boɔrɔ a de o tere. N taa la kpeɛ̃õ ka N de o tere, kyɛ la taa a kpeɛ̃õ ka N la leɛ de o. N nyɛ la a noɔre ŋa yi a N Saa zie.”

Gyɔɔn 17:4

N iri la a fo yuori a teŋɛzu ne a toma fo naŋ ko ma ka N toŋ baare.

Gyɔɔn 19:28

A ŋaa puoriŋ, a Yeezu naŋ da wa baŋ ka a yɛlɛ zaa pãã da baarɛɛ la, O da yelee la: (ka a gansoŋ poɔ yɛlɛ na tu a tuubu) “Kɔŋnyuuri kpeɛrɛ ma la.”

Gyɔɔn 4:34

Ka Yeezu da yeli ko ba, “N bondirii la ka N toŋ a soba na naŋ toŋ ma poboɔbo; a toŋ ka a te baare.

Urom 10:4

Bonso, a Kirista la a bege baaroo zie ka ka mennoŋ na bebe ko neɛzaa naŋ sage de.

Urom 3:25

Ona la ka Naaŋmen iri tere ka ba maale ne bagre ka O zẽẽ yɔɔ yelbebe sane ko a banaŋ naŋ taa yeldeebo. A Naaŋmen da e la a lɛ ka O wuli O mennoŋ, bonso, a O Naaŋmennoŋ kannyiri zuiŋ la ka O da di suuri ko nensaalba yelbebe zaa ba naŋ da e;

1 Kor 5:7

Yɛ pɛge a dããbel-korɔ bare, a toɔ̃ e zɔŋ-bu-paala ba naŋ ba eŋ dããbile aŋa yɛ naŋ waa lɛ. Bonso ba da de la a Kirista, a Ista pilee maale bagre.

Filipai Deme Gane 2:8

O da sigri la O meŋɛ, a da sagra noɔre a te ta saŋ O naŋ kpi; a gba te kpi dagaraa zu.

Hiburu 12:2

a kaara Yeezu naŋ waa a te yeldeebo piiluu ane a baaroo zie. A Yeezu naŋ da kaa a noɔ naŋ bebe ko O nendaare kaŋ zuiŋ, O da sage kpi la a dagaraa zu, a ba zo vi, a pãã do zeŋ O zemmo zie a Naaŋmen naaloŋ nuduluŋ seŋ.

Hiburu 9:22

Serɛzaa, a Naaŋmen bege poɔ, a boma yaga zie zaa ka ba da maŋ peere ne zẽẽ, kyɛ ka zẽẽ ba kyiri, yelbebe sudi meŋ ba kyebe.