Gyɔɔn 18:20 - Naaŋmen Nɔpaalaa Gane

²⁰ Ka a Yeezu da yeli sɔge, “N da yeli la yɛlɛ weliweli ko a tendaa noba. N da maŋ kanna la a puoruuderi ane a Naaŋmen deri poore, benee a Gyuumine zaa naŋ maŋ lantaa. N da ba sɔgle yeli yelzaa.

Gyɔɔn 18:20 ပူးပေါင်းရင်းမြစ်များ

Matio Gane 24:26

A lɛ zuiŋ ka ba naŋ wa yeli ko yɛ, ‘Nyɛ! O be la wɛgyɛŋ poɔ,’ yɛ ta wa yire be, bee ka ba yeli, ‘Nyɛ! O be la a dikpaareŋ,’ yɛ ta sage de.

Matio Gane 26:55

A gogo na poɔ Yeezu da soore la a nembeɛoŋ, “Zɔɔzɔɔ-sɔre ane dabɔlɔ la ka yɛ yi ne ka yɛ wa nyɔge ma aŋa N naŋ waa fafaara be? Bie la bie zaa ka N da maŋ zeŋ a Naaŋmen die poɔ a wullo noba, kyɛ ka yɛ ba nyɔge ma.

Matio Gane 26:65

Lɛ la ka a Naaŋmen bagmaalkare neŋkpoŋ deɛ tage o bonsuuri kyeɛre kyɛ yeli, “O to la Naaŋmen! Boŋ danseɛ la ka te naŋ kyɛnɛ boɔrɔ? Ŋaa yɛ woŋ la a zone O naŋ to Naaŋmen.

Matio Gane 4:23

Yeezu da yɔ la a Galili paaloŋ zaa, a kanna noba ba puoruuderi pooreŋ, kyɛ manna a tenvelaa naaloŋ yelnoore korɔ ba kyɛ saŋna a noba baaloŋ boorɔ zaa.

Matio Gane 9:35

Lɛ la ka a Yeezu da yoɔrɔ a teŋkponni ane a tembilii zaa poore a kanna a ba puoruuderi poore, a moɔlɔ a Ŋmen-yelnoore a kyaara ne a naaloŋ, kyɛ saŋna ba baaloŋ ane ba entol-boorɔ zaa.

Marko Gane 8:32

O da yeli la a yɛlɛ ama ka a sãã weliweli lɛ. Ka Piita da taa O gyɛŋ yi ne a te nyare O zu.

Luka 21:37

A Yeezu da maŋ kanna la a noba a Naaŋmen die poɔ bebiri zaa, kyɛ ka tensogɔ saŋ ka O yi gaa a zie na ba naŋ boɔlɔ Oliva Taŋ a te bebe a tensogɔ zaa.

Luka 4:15

O da piili kanna la a noba a ba puoruuderi poore, ka neɛzaa da puuro O.

Gyɔɔn 18:21

Bonso ka fo soorɔ ma? Soore a banaŋ naŋ woŋ a yɛlɛ N naŋ da yeli ko ba. Bana la baŋ bonna N naŋ yeli.”

Gyɔɔn 6:59

O da yeli la a yɛlɛ ama O naŋ da naŋ kanna a puoruudie poɔ a Kapanum teŋɛ poɔ.

Gyɔɔn 7:14

A tigri naŋ da wa te kpɛ sogɔ, Yeezu da te kpɛ la a Naaŋmen die poɔ a piili kanna a noba.

Gyɔɔn 7:26

Kyɛ Ona la be kyɛ a yele yɛlɛ noba poɔ, kyɛ ka ba ba yeli yelzaa ko O! A nembɛrɛ mɔɔ tɔɔ wa baŋ ka a Mɛzaaya la a ŋa wɛ?

Gyɔɔn 7:28

Lɛ la ka Yeezu da yeli ne kɔkɔkpeɛŋaa O naŋ da kanna a noba a Naaŋmen die poɔ, “Yɛ baŋ ma la ane zie N naŋ yi. N meŋɛ waabo naane ka N wa, kyɛ a neɛ na naŋ toŋ ma e la yelmeŋɛ soba, kyɛ ka yɛ ba baŋ O.

Gyɔɔn 7:4

Bonso, neɛzaa naŋ boɔrɔ ka noba yaga baŋ o yɛlɛ ba maŋ erɛ o yɛlɛ sɔglɔ. Ka fõõ wa erɛ a yɛlɛ ama, de fo meŋɛ wuli a tendaa deme zaa.”

Gyɔɔn 8:2

A bagu-pipi saŋ, a Yeezu da leɛ wa la a Naaŋmen die poɔ. A noba zaa da wa la O zie, ka O da zeŋ a piili kanna ba.

Gyɔɔn 8:26

N taa la yɛlɛ yaga na yeli kyaare ne yɛ ane yɛlɛ yaga naŋ naŋ na e ka yɛ le sɛrɛɛ poɔ. Kyɛ a soba na naŋ toŋ ma e la yelmeŋɛ soba, ka a yɛlɛ N naŋ woŋ yi O zie la ka N yele korɔ a teŋɛzu noba.”

Toma 26:26

Serɛzaa, a naa baŋ la a yɛlɛ ama kyɛ ona la ka N yele a yɛlɛ korɔ a ba zoro dabeɛ̃, bonso N baŋ ka a yɛlɛ ama kanzaa ba bale o bammo, bonso a yɛlɛ ama naŋ e ba sɔgle.