Gyɔɔn 17:8 - Naaŋmen Nɔpaalaa Gane

⁸ bonso, N ko ba la a yelbie na fo naŋ da ko ma. Ba de la a yelbie kyɛ baŋ a yelmeŋɛ ka N yi la fo zie wa. Ba sage deɛ la ka fõõ la toŋ ma.

Gyɔɔn 17:8 ပူးပေါင်းရင်းမြစ်များ

Matio Gane 13:11

Ka O yeli sɔge, “Yɛnee, ba ko yɛ la a bammo ka yɛ na baŋ a tenvelaa naaloŋ yelsɔglɔ, kyɛ ba ba ko bana eŋ.

Gyɔɔn 12:49

N meŋɛ yɛlɛ naane ka N yele, kyɛ a Saa naŋ toŋ ma meŋɛ la ko ma noɔre kyaare ne yɛlɛ N naŋ na yeli ane yɛlɛ anaŋ naŋ seŋ ka N manne.

Gyɔɔn 14:10

Yɛ ba sage de ka N be la a Saa poɔ, ka a Saa meŋ be N poɔ be? A yelbie N naŋ yele korɔ yɛ ba e maa meŋɛ yɛlɛ ka N yele, kyɛ a Saa naŋ be a N poɔŋ la tonɔ O toma.

Gyɔɔn 15:15

N ba la kyɛnɛ boɔlɔ yɛ tontonema, bonso, tontonɔ ba maŋ baŋ bon a o neŋkpoŋ naŋ erɛ. Kyɛ N boɔlɔ yɛ la N bamine bonso, N eɛɛ la ka yɛ baŋ yɛlɛ na zaa N naŋ da woŋ yi a N Saa zie.

Gyɔɔn 16:27

Bonso, a Saa meŋɛ nɔŋ yɛ la, yɛ naŋ nɔŋ ma kyɛ da sage de ka N yi la a Saa zie wa zuiŋ.

Gyɔɔn 16:30

Ŋaa eŋ te pãã baŋ ka fo baŋ la yelzaa, ka a ba fere ka neɛzaa la soore fo yelzaa. A ŋaa zuiŋ la ka te sage de ka fo yi la Naaŋmen zie.”

Gyɔɔn 17:14

N ko ba la a fo yelbiri, kyɛ a tendaa noba da kyiiri ba la, ba naŋ ba poɔ a tendaa noba poɔ zuiŋ aŋa N meŋ naŋ ba poɔ a tendaa noba poɔ lɛ.

Gyɔɔn 17:18

A lɛ fo naŋ da toŋ ma a teŋɛzu, a lɛ la ka N meŋ toŋ ba a teŋɛzu.

Gyɔɔn 17:21

ka ba zaa na e yeni. N Saa, aŋa fo naŋ be N poɔ ka N meŋ be fo poɔ lɛ, e ka ba meŋ be te poɔ. Lɛ la ka a tendaa noba na sage de ka fõõ la toŋ ma.

Gyɔɔn 17:23

N be la ba poɔ ka fo be N poɔ, ka ka ba na lantaa e yeni. Lɛ la ka a tendaa noba na baŋ ka fõõ la toŋ ma kyɛ nɔŋ ba aŋa fo naŋ nɔŋ ma lɛ.

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Gyɔɔn 3:17

“Yelmeŋɛ zaa, Naaŋmen ba toŋ a O Bidɔɔ a teŋɛzu ka O wa di noba sɛrɛɛ. Kyɛ O waɛ la ka a tendaa noba na tu O zie nyɛ faabo.

Gyɔɔn 3:33

Soba na zaa naŋ sage de a O danseɛ, sage deɛ la ka, Naaŋmen waa la yelmeŋɛ soba.

Gyɔɔn 6:68

Ka Saamon Piita da yeli sɔge O, “Daana, aŋ zie ka te pãã na gaa? Fõõ la taa a nyɔvore naŋ ba taa baaroo yelbie.

Gyɔɔn 8:42

Ka a Yeezu da yeli ko ba, “Ka Naaŋmen da waa yɛ Saa, yɛ da na nɔŋ ma la, bonso, Naaŋmen zie la ka N yi, kyɛ pampana, maa la be kyɛ. N ba wa N meŋɛ waabo, kyɛ Ona la toŋ ma.

1 Kor 11:23

A yeli na N naŋ da de yi a Daana zie, ona la ka N meŋ de ko yɛ. A tensogɔ na ba naŋ da de a Daana Yeezu tere, O da de la boroboro,

1 Kor 15:1

N yɔɔmine ane n yɔɔpuuli, N na leɛ-teɛre yɛ la a kyaare ne a Ŋmen-yelnoore N naŋ da moɔle ko yɛ, ka yɛ meŋ da sage de, a o poɔ meŋ la ka yɛ are.

I Tesa 2:13

Te meŋ maŋ puoro la Naaŋmen bareka tegitegilɛ a yeli ŋa zuiŋ, ka a saŋ yɛ naŋ da woŋ a Naaŋmen yelbiri yi te zie, yɛ da ba sage de ka a yelbiri waa la nensaala yelbiri, kyɛ yɛ da sage de o la ka o waa lɛ o naŋ sereŋ waa, a Naaŋmen yelbiri. A yelbiri ŋa meŋ la tonɔ toma yɛnee a yelderebɛ nyɔvoɛ poɔ.

I Tesa 4:1

A baaraa zaa, te yɔɔmine ane te yɔɔpuuli, te sɔrɔ yɛ la kyɛ yele korɔ yɛ a Daana Yeezu eŋɛ ka yɛ naŋ da zanne yi te zie lɛ, a naŋ seŋ ka yɛ taa yɛ nyɔvoɛ ka a pɛllɛ Naaŋmen poɔ (aŋa lɛ yɛ naŋ sereŋ erɛ), yɛ erɛ ka a gaŋ a lɛ.

1 Gyn 4:14

Te nyɛɛ la kyɛ di danseɛ ka a Saa toŋ la a O Bidɔɔ ka O wa e a andonɛɛ Faara.

Yel-iriwulaa Gane 1:1

A yɛlɛ Naaŋmen naŋ iri wuli a Yeezu Kirista ka O de wuli a O tontonema bon naŋ koŋ kɔɔre kyɛ wa e. O da toŋ la O maleke ka o te e ka a O tontonɔ Gyɔɔn baŋ a yɛlɛ ama.