Gyɔɔn 17:3 - Naaŋmen Nɔpaalaa Gane

³ A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Gyɔɔn 17:3 ပူးပေါင်းရင်းမြစ်များ

Marko Gane 9:37

“Soba na zaa naŋ de a bie ŋa tɔ saanoŋ N yuori zuiŋ, maa la ka o soba de a saanoŋ, neɛzaa meŋ naŋ de ma saanoŋ de la a neɛ na meŋ naŋ toŋ ma na saanoŋ.”

Luka 9:48

kyɛ ka O yeli ko ba, “Neɛzaa naŋ tuori de a bie ŋa N yuori zuiŋ, tuori de ma la, kyɛ neɛzaa naŋ tuori de ma, tuori de la soba na naŋ toŋ ma. Bonso, a yɛ zaa poɔ bibile la a kpoŋ soba.”

Gyɔɔn 10:36

wola ka yɛ na baŋ yeli ka a soba na a Saa naŋ maale ka O waa soŋ, ka O toŋ O a teŋɛzu, toorɔ la Naaŋmen zone. N naŋ da yeli, ‘N waa la Naaŋmen Bie zuiŋ’?

Gyɔɔn 11:42

N baŋɛɛ la ka fo maŋ kyɛlle woŋ la N puoruu tegitegilɛ, kyɛ a noba bama naŋ are a kyɛ zuiŋ la so ka N yeli a ŋaa ka ka ba na sage de ka fõõ la toŋ ma.”

Gyɔɔn 14:26

Kyɛ a yɛ Soŋnɔ, a Vooroŋ Soŋ, Ona la ka a Saa na toŋ a yɛ zie N yuori eŋɛ. O na wa wuli yɛ la yelzaa kyɛ leɛ-teɛre yɛ a yɛlɛ na zaa N naŋ da yeli ko yɛ.

Gyɔɔn 17:18

A lɛ fo naŋ da toŋ ma a teŋɛzu, a lɛ la ka N meŋ toŋ ba a teŋɛzu.

Gyɔɔn 17:21

ka ba zaa na e yeni. N Saa, aŋa fo naŋ be N poɔ ka N meŋ be fo poɔ lɛ, e ka ba meŋ be te poɔ. Lɛ la ka a tendaa noba na sage de ka fõõ la toŋ ma.

Gyɔɔn 17:23

N be la ba poɔ ka fo be N poɔ, ka ka ba na lantaa e yeni. Lɛ la ka a tendaa noba na baŋ ka fõõ la toŋ ma kyɛ nɔŋ ba aŋa fo naŋ nɔŋ ma lɛ.

Gyɔɔn 17:25

“Yelmennoŋ Saa, a teŋɛzu noba ba baŋ fo kyɛ maa baŋ fo la, ka a noba bama meŋ baŋ ka fõõ la toŋ ma.

Gyɔɔn 17:8

bonso, N ko ba la a yelbie na fo naŋ da ko ma. Ba de la a yelbie kyɛ baŋ a yelmeŋɛ ka N yi la fo zie wa. Ba sage deɛ la ka fõõ la toŋ ma.

Gyɔɔn 3:17

“Yelmeŋɛ zaa, Naaŋmen ba toŋ a O Bidɔɔ a teŋɛzu ka O wa di noba sɛrɛɛ. Kyɛ O waɛ la ka a tendaa noba na tu O zie nyɛ faabo.

Gyɔɔn 3:34

A soba na Naaŋmen naŋ toŋ, maŋ yelee Naaŋmen yelbie, bonso, Naaŋmen maŋ ko o la O Vooroŋ Soŋ ka a ba taa mannoo.

Gyɔɔn 5:44

Wola ka yɛ na e de Naaŋmen yɛlɛ ka yɛnee sagra derɛ puubu naŋ yire yɛ nensaaltaaba zie, kyɛ ba boɔrɔ puubu naŋ yi a soba na yoŋ naŋ waa Naaŋmen?

Gyɔɔn 6:57

Aŋa lɛ a Saa vore naŋ toŋ ma, ka N voorɔ a Saa zuiŋ, lɛ meŋ la ka soba na zaa naŋ di N eŋɛ na voorɔ a N zuiŋ.

Gyɔɔn 7:29

N baŋ O la, bonso O zie la ka N yi wa, Ona la toŋ ma.”

Gyɔɔn 8:19

Lɛ la ka ba soore O, “Yeŋ ka a fo Saa be?” Ka a Yeezu da yeli sɔge ba, “Yɛ ba baŋ ma bee a N Saa. Ka yɛnee da baŋ ma, yɛ da na baŋ la a N Saa meŋ.”

1 Kor 15:34

Yɛ leɛ taa teɛroŋ velaa kyɛ bare yelbebe eebo. Bonso, a noba mine ba baŋ Naaŋmen togitogi. N yele la a yeli ŋa ka ka vi kpɛ yɛ.

1 Kor 8:4

A lɛ zuiŋ, a kyaare ne bondirii ba naŋ maale ko tebɛ diibu yɛlɛ, te baŋ ka, “teebo zaa ba kyebe, ka ŋmen meŋ zaa ba kyebe a teŋɛzu ka a Naaŋmen yeni na yoŋ naane.”

Korinti 4:6

Bonso, Ona la a Naaŋmen naŋ da yeli, “Vɛŋ ka veɛloŋ puri sãã ligruŋ poɔ.” Ona meŋɛ la e ka a O veɛloŋ kyaane a te sukyie poɔ, ka te na baŋ a Naaŋmen puubu na naŋ sãã a Kirista niŋesogɔ.

Filipai Deme Gane 3:10

N boɔrɔ la ka N baŋ a Kirista ane a O kũũ poɔ leɛ-iruu kpeɛ̃õ, kyɛ laŋ ne O di dɔgɛɛ a waa ŋa lɛ O naŋ da waa a O kũũ poɔ,

Filipai Deme Gane 3:8

A gaŋ a lɛ, N de la bonzaa ka a e zaglaa lɛ, bonso, a Kirista Yeezu N naŋ baŋ ka O waa n Daana seɛ la yaga zaa a gaŋ a anaŋ zaa N naŋ da taa. A Kirista zuiŋ N kɔŋ la bonzaa, a nyɛ ka a ba taa tɔnɔ ka ka N na toɔ̃ de a Kirista yɛlɛ,

I Tesa 1:9

Bonso, a tenne na noba yeli la te yɛlɛ kyaare ne lɛ yɛ naŋ da tuori de te a yɛ poɔ ane lɛ yɛ naŋ da bare a yɛ tebɛ kyɛ leɛ wa a Naaŋmen zie, a na tonɔ korɔ a Naaŋmen naŋ waa vore kyɛ e meŋɛ,

II Tesa 1:8

vũũzele poɔ, a dɔgre banaŋ naŋ ba baŋ Naaŋmen ane a banaŋ naŋ zagre a te Daana Yeezu yelnoore bare.

Hiburu 3:1

Azuiŋ, n yɔɔmine ane n yɔɔpuuli naŋ e nensonne a poɔ a tenvelaa noba boɔlaa poɔ, yɛ nyɛ a Yeezu ka O waa apostolii ane a te yeldeebo Naaŋmen bagmaalkare neŋkpoŋ,

2 Pit 1:2

Ka Naaŋmen garaaseɛ ane maaroŋ be yɛ zie yaga lɛ a yi a bammo yɛ naŋ taa a Naaŋmen ane a te Daana Yeezu Kirista eŋɛ.

2 Pit 1:3

A O Naaŋmennoŋ kpeɛ̃õ ko te la bonzaa a naŋ seŋ ka te taa te nyɔvore poɔ ane Naaŋmennoŋ a yi te naŋ baŋ a soba na naŋ boɔle te a O meŋɛ puubu ane O mennoŋ eŋɛ.

2 Pit 1:8

Bonso, ka a yɛlɛ ama wa erɛ yɛ poɔ a gɛrɛ niŋe, a na e la ka yɛ toɔnɔ tonɔ tonveɛle a te Daana Yeezu Kirista bammo yɛ naŋ taa eŋɛ.

1 Gyn 1:2

A nyɔvore ŋa da sããɛ la ka te da nyɛ O, a di O danseɛ, kyɛ manne a nyɔvore naŋ ba taa baaraa naŋ da be a Saa zie yɛlɛ ko yɛ. Ona la ka ba iri wuli te.

1 Gyn 1:3

Bon te naŋ da nyɛ kyɛ da woŋ yɛlɛ la ka te yele korɔ yɛ ka ka yɛ meŋ na laŋ ne te. Kyɛ serɛzaa, a te lantaa e la te ne a Saa ne a O Bie Yeezu Kirista lantaa.

1 Gyn 2:23

Neɛ na zaa naŋ zagre a Bie ba taa a Saa, ka neɛzaa naŋ sage de a Bie yɛlɛ meŋ taa a Saa.

1 Gyn 4:6

Te yi la Naaŋmen zie. Soba na zaa naŋ baŋ Naaŋmen maŋ kyɛlle woŋ la te yɛlɛ, kyɛ soba na zaa naŋ ba yi Naaŋmen zie ba kyɛllɛ te yɛlɛ. A ŋaa zie la ka te maŋ baŋ a yelmeŋɛ vooroŋ ane a tuluu vooroŋ.

1 Gyn 5:20

Te baŋ ka a Naaŋmen Bie waɛ la, a wa ko te yelbammo ka ka te na baŋ neɛ na naŋ waa a yelmeŋɛ soba. Kyɛ te be la a O Bie Yeezu Kirista naŋ e a yelmeŋɛ soba poɔ. O sereŋ waa la Naaŋmen ane nyɔvore naŋ ba taa baaroo.