N taa la a peere mine naŋ ba e a zage ŋa peere. A ferɛɛ la ka N taa a meŋ wa poɔ a zage ŋa peere poɔ, ka a na kyɛlle woŋ a N kɔkɔre. A lɛ la ka a pãã na e zage yeni peere ane pekyee-yeni.
Kyɛ ka maa wa tonɔ a N Saa toma, aneazaa ka yɛ ba sage de N yɛlɛ, kyɛ yɛ sage de a N tontonne, ka a lɛ vɛŋ ka yɛ woŋ kyɛ baŋ a tɛgɛ ka a Saa be la N poɔ ka N meŋ be a Saa poɔ.”
N baŋɛɛ la ka fo maŋ kyɛlle woŋ la N puoruu tegitegilɛ, kyɛ a noba bama naŋ are a kyɛ zuiŋ la so ka N yeli a ŋaa ka ka ba na sage de ka fõõ la toŋ ma.”
Kyɛ pampana, N ba la be a teŋɛzu, kyɛ bana eŋ naŋ be la a teŋɛzu kyɛ ka N waana fo zie. N Saa Soŋ, gu ba a fo yuori fo naŋ ko ma zuiŋ, ka ka ba na waa yeni aŋa maa ne fo naŋ waa yeni lɛ.
A noba banaŋ zaa naŋ da sage de a yɛlɛ da taa la teɛroŋ yeni ane sukyiri yeni, ka ba kanzaa da ba yeli ka a bon o naŋ da taa waa la o yoŋ soobo; ba zaa da laŋ la boma.
N yɔɔmine ane n yɔɔpuuli, N sɔrɔ yɛ la a te Daana Yeezu Kirista yuori eŋɛ, ka yɛ zaa laŋ noɔre, ka wɛltaa ta be yɛ sogɔŋ, kyɛ yɛ taa teɛroŋ yeni ane yelyeni.
Azuiŋ te ba la taa Gyuu neɛ bee Giriki neɛ, a ba la taa gbaŋgbaare bee noba naŋ ba waa gbaŋgbaare, a ba la taa dɔɔ bee pɔge; bonso yɛ zaa waa la yeni a Kirista eŋɛ.
Yeli yoŋ naŋ ferɛ la ka yɛ taa a yɛ nyɔvoɛ ka a seŋ ne lɛ a Kirista yelnoore naŋ wullo, ka maa wa nyɛ yɛ bee ka maa ba wa, kyɛ woŋ yɛ yɛlɛ, N na baŋ ka yɛ are la kpeɛŋaa ne noɔre yeni, a laŋ moɔrɔ ne teɛroŋ yeni a kyaare ne a Ŋmen-yelnoore yeldeebo,
Bon te naŋ da nyɛ kyɛ da woŋ yɛlɛ la ka te yele korɔ yɛ ka ka yɛ meŋ na laŋ ne te. Kyɛ serɛzaa, a te lantaa e la te ne a Saa ne a O Bie Yeezu Kirista lantaa.