Gyɔɔn 17:1 - Naaŋmen Nɔpaalaa Gane

¹ A Yeezu naŋ da wa yeli a yelbie ama baare, O da gbole kaa la sazu kyɛ yeli, “N Saa, a saŋ taɛ la. Iri a fo Bidɔɔ yuori, ka a fo Bidɔɔ meŋ pãã iri a fo yuori.

Gyɔɔn 17:1 ပူးပေါင်းရင်းမြစ်များ

Marko Gane 14:41

A Yeezu da leɛ wa la a gbɛre bota poɔ a wa soore ba, “Yɛ mɔɔ naŋ gbire la a pɛnnɛ? A seŋɛɛ la! A saŋ taɛ la, ka ba na iri a Nensaala Bie eŋ a yelbe-erebɛ nuuriŋ.

Luka 18:13

Kyɛ a zuyɔɔ-derɛ eŋ da te are la tɔɔre zaa a ba sage ka o doɔ o zu kaa sazu, kyɛ da gbɛlɛ o nuuri a yele, ‘Naaŋmen, zo N nembaaloŋ, maa yelbe-erɛ!’

Luka 22:53

Bebiri zaa ka N da maŋ laŋne yɛ a Naaŋmen die poɔ, kyɛ ka yɛ kanzaa daŋ ba zɛge nu seene ma. Kyɛ a yɛ saŋ ane a ligruŋ kpeɛ̃õ la a ŋaa!”

Gyɔɔn 11:4

Kyɛ Yeezu naŋ da wa woŋ a duoro, O da yelee la, “A baaloŋ ŋa ba e o kũũ baaloŋ, kyɛ o beɛrɛ la ka Naaŋmen yuori na nyɛ puubu, ka a Naaŋmen Bie na tu a be a nyɛ puubu.”

Gyɔɔn 11:41

Lɛ la ka ba da billi a kuuri bare. A Yeezu pãã da gbole kaa la sazu kyɛ yeli, “N Saa, N puori fo la bareka ne fo naŋ kyɛlle woŋ a N puoruu.

Gyɔɔn 12:23

Ka a Yeezu da yeli sɔge ba, “A saŋ taɛ la ka a Nensaala Bie na nyɛ puubu.

Gyɔɔn 13:1

A Ista tigri naŋ da wa tara, a Yeezu da baŋ ka a saŋ taɛ la ka O na yi a teŋɛzu kyɛ a leɛ gaa a Saa zie. O naŋ da nɔnɔ a O noba naŋ be a teŋɛzu, O da nɔŋ ba la te ta a baaraa.

Gyɔɔn 16:32

A saŋ waana la; o taɛ la gba, ka ba na ŋmɛ yɛ yaare bare ka kanzaa zo gaa o yiri kyɛ kyɛre N yoŋ. Kyɛ N ba waa N yoŋ, bonso, a Saa be la N zie.

Gyɔɔn 7:30

Lɛ la ka ba da mɔ ka ba nyɔge O, kyɛ neɛzaa da ba de o nu seene O, a O saŋ naŋ da naŋ ba ta sɛre zuiŋ.

Gyɔɔn 7:39

A ŋaa ka O da yeli kyaare ne a Vooroŋ Soŋ, Ona ka a yelderebɛ naŋ be O poɔ na nyɛ. Kyɛ a Vooroŋ Soŋ da naŋ ba wa sɛre, a Yeezu naŋ da naŋ ba nyɛ a O puubu zuiŋ.

Gyɔɔn 8:20

A Yeezu da yeli la a yɛlɛ ama O naŋ da are a libie emmo zie a Naaŋmen die poɔ a kanna noba, kyɛ neɛzaa da ba nyɔge O, a O saŋ naŋ da naŋ ba ta sɛre zuiŋ.

Toma 3:13

A Aboraham Naaŋmen, a Aziki Naaŋmen ane a Gyekɔb Naaŋmen ane a te sããkommine Naaŋmen la e ka o tontonɔ Yeezu nyɛ puubu, Ona la ka yɛ da de tere, a gyɛ O bare a Pilato niŋesogɔ, aneazaa ka a Pilato da boɔrɔ la ka o bare O.

1 Pit 1:21

A Kirista zie la ka yɛ tu a wa sage de a Naaŋmen yɛlɛ; Ona la e ka a Yeezu leɛ-iri yi a kũũ poɔ, a ko O puubu, ka ka yɛ yeldeebo ane teɛretɔroo na be Naaŋmen eŋɛ.