Gyɔɔn 16:22 - Naaŋmen Nɔpaalaa Gane

²² Lɛ meŋ la ka yɛ wono tuo pampana, kyɛ N na leɛ wa nyɛ yɛ la, ka yɛ taa kyelloo yɛ sukyie poɔ. Neɛzaa kontoɔ̃ de a yɛ kyelloo yi yɛ zie.

Gyɔɔn 16:22 ပူးပေါင်းရင်းမြစ်များ

Matio Gane 28:8

Ba da leɛ yi la a yaa zie wieouŋ lɛ ane dabeɛ̃ ane kyelloo yaga, a zoro ka ba te yeli ko a O potuuribo.

Luka 10:42

yeli yenaa yoŋ la ferɛ. A bonvelaa la ka Mareya kaa-iri, ka ba koŋ baŋ faa o yi o zie.”

Luka 16:25

Ka Aboraham da yeli, ‘N bie, leɛ-teɛre nyɛ a fo nyɔvore saŋ, fo da nyɛ la a bonsonne na zaa fo naŋ da maŋ boɔrɔ, kyɛ ka Lazario eŋ da nyɛrɛ woore yoŋ. Pampana ŋa, o dire la noɔ a kyɛ, kyɛ ka fo dire tuo.

Luka 19:26

‘Maa yeli ko yɛ! banaŋ naŋ taa, ba na la ko ba la amine poɔ. Kyɛ banaŋ naŋ ba taa, ba na de la a fẽẽ na gba banaŋ taa yi ba zie.

Luka 24:41

Ba naŋ da naŋ kyellɛ ne noɔ, a kyɛ bonnɔ a ba teɛroŋ poɔ la so ka Yeezu da soore ba, “Yɛ ba taa bonzaa kyɛ a na di be?”

Gyɔɔn 14:1

“Yɛ ta vɛŋ ka yɛ sukyie dɔɔnɔ yɛ. Yɛ sage de Naaŋmen yɛlɛ, a sage de N meŋ yɛlɛ.

Gyɔɔn 14:19

A koŋ la kɔɔre yaga kyɛ ka a teŋɛzu deme koŋ la nyɛ ma, kyɛ yɛnee na nyɛ ma la, N naŋ voorɔ zuiŋ yɛ meŋ na voorɔ la.

Gyɔɔn 14:27

N bara la emmaaroŋ korɔ yɛ. N korɔ yɛ la N emmaaroŋ. N ba korɔ yɛ aŋa lɛ a teŋɛzu deme naŋ maŋ terɛ lɛ. Yɛ ta vɛŋ ka yɛ sukyie dɔɔnɔ yɛ bee ka dabeɛ̃ kpɛ yɛ.

Gyɔɔn 16:16

“A koŋ kɔɔre kyɛ ka yɛ koŋ la nyɛ ma, kyɛ ka a la e belaa ka yɛ la nyɛ ma.”

Gyɔɔn 16:20

Yelmeŋɛ zaa ka N yele korɔ yɛ, yɛ na ŋma la nentaŋ kyɛ koŋ, kyɛ a teŋɛzu noba na kyellɛ la. Yɛ na woŋ la tuo, kyɛ a yɛ tuo wommu na leɛ la kyelloo.

Gyɔɔn 16:6

Kyɛ N naŋ da yeli a yɛlɛ ama ko yɛ zuiŋ yɛ poore da sããɛ la.

Gyɔɔn 21:7

Ka a potuuro na a Yeezu naŋ da nɔŋ da yeli ko a Piita, “A Daana la!” A Saamon Piita naŋ da wa woŋ ka a Daana la, o da de la o kparoo su, o naŋ da taa eŋkpoŋkpoli zuiŋ, kyɛ ɛge le a mane koɔ̃ poɔ.

Gyɔɔn 4:14

Kyɛ banaŋ naŋ nyu a koɔ̃ N naŋ na ko ba, kɔŋnyuuri daŋ koŋ la kpɛ ba zaa. A koɔ̃ na N naŋ na tere, na leɛ la bulnimiri ba poɔŋ, ka a bullo yire a terɛ nyɔvore naŋ ba taa baaroo.”

Toma 13:52

A potuuribo da paale ne la popeɛloŋ ane a Vooroŋ Soŋ.

Toma 16:25

Aŋa tensogpozentaa saŋ, Pɔɔl ane Selase da puoro la kyɛ yiele puubu yieluŋ korɔ Naaŋmen, ka a nempɔgre da kyɛllɛ wono.

Toma 2:46

Bie la bie zaa ba da maŋ laŋ la taa a di diibu ba yie poɔ ane popeɛloŋ kyɛ da maŋ laŋna a Naaŋmen die poɔ

Toma 5:41

Ba naŋ da wa yi a sɛrɛɛdiibu zie, ba da kyellɛ la ne ba meŋ naŋ seŋ ne ka ba di vi a Yeezu yuori eŋɛ.

Korinti 6:10

Aŋa noba naŋ taa posaanaa kyɛ ka te taa popeɛloŋ tegitegilɛ, aŋa noba naŋ waa nandaanema kyɛ ka te erɛ ka noba yaga leɛrɛ bondaanema, aŋa noba naŋ ba taa bonzaa kyɛ taa bonzaa.

II Tesa 2:16

Pampana, ka a te Daana Yeezu Kirista meŋɛ ane a te Saa Naaŋmen, a Onaŋ naŋ nɔŋ te a tu garaaseɛ zie a ko te mooreteroo naŋ ba taa baaroo ane teɛretɔroo meŋɛ,

Hiburu 10:34

Bonso, yɛ da maŋ zo la a banaŋ naŋ be a nempagdie poɔ nembaaloŋ kyɛ sage ne popeɛloŋ a yɛ boma faabo, yɛ naŋ da baŋ ka yɛ taa la bonkaŋ naŋ seɛ kyɛ na bebe tegitegilɛ.

Hiburu 6:18

ka ka a na tu a yɛlɛ ayi naŋ ba taa leɛbaroo zie a wuli ka Naaŋmen koŋ baŋ ŋmaa zirii. Tenee banaŋ naŋ zo te kpɛ O nyuo seŋ ka te nyɛ teɛbo kaŋ a na toɔ̃ de a teɛretɔroo ba naŋ biŋ te niŋesogɔ.

1 Pit 1:8

Aneazaa ka yɛ ba nyɛ a Kirista kyɛ yɛ nɔŋ O la. Yɛ ba nyɛ O pampana kyɛ yɛ sage de la O yɛlɛ, a kyellɛ ne popeɛloŋ naŋ ba taa mannoo,