Gyɔɔn 15:4 - Naaŋmen Nɔpaalaa Gane

⁴ Yɛ be N poɔ aŋa lɛ N naŋ be yɛ poɔ. Aŋa lɛ teɛ ulee naŋ koŋ baŋ wɔŋ wɔmɔ ka o naŋ ba be a teɛ eŋɛ, a lɛ meŋ la ka yɛ kontoɔ̃ wɔŋ wɔmɔ ka yɛnee ba be N eŋɛ.

Gyɔɔn 15:4 ပူးပေါင်းရင်းမြစ်များ

Matio Gane 12:33

“Ka teɛ wa veɛlɛ a o wɔmɔ maŋ veɛlɛ la, kyɛ ka a teɛ wa waa faa a wɔmɔ meŋ maŋ waa la faa, bonso, fo maŋ baŋ la teɛ a yi o wɔmɔ zie.

Luka 8:15

Kyɛ a bombie anaŋ naŋ le a tɛnnoɔ poɔ la a banaŋ naŋ maŋ woŋ a Naaŋmen yelbiri, a de eŋ ba sukyie poɔ, a wɔŋ wɔmɔ ba kannyiri zuiŋ.”

Gyɔɔn 14:20

A lɛ daare yɛ na baŋ ka N be la a N Saa poɔ, ka yɛ be N poɔ, kyɛ ka N meŋ be yɛ poɔ.

Gyɔɔn 17:23

N be la ba poɔ ka fo be N poɔ, ka ka ba na lantaa e yeni. Lɛ la ka a tendaa noba na baŋ ka fõõ la toŋ ma kyɛ nɔŋ ba aŋa fo naŋ nɔŋ ma lɛ.

Gyɔɔn 6:56

Banaŋ naŋ maŋ di N eŋɛ kyɛ nyu N zẽẽ maŋ be la N poɔ kyɛ ka N meŋ be ba poɔ.

Gyɔɔn 8:31

Lɛ la ka Yeezu da yeli ko a Gyuumine na naŋ da sage de O yɛlɛ, “Ka yɛnee wa sage de a N yɛlɛ a ba leɛrɛ puori, yɛ sereŋ waa la N potuuribo.

Toma 11:23

O naŋ da wa nyɛ a Naaŋmen garaaseɛ, o poɔ da pɛle la yaga, ka o da kpaale ba zaa ka ba kpimare a Daana, a taa yelmeŋɛ ne O ane ba poɔ zaa;

Toma 14:22

A be, ba da yeli la yɛlɛ teɛ a potuuribo a ko ba faŋ paalaa ka ba na eŋ faŋ a kyɛnɛ a ba yeldeebo poɔ, a yele, “A ferɛɛ la ka te nyɛ dɔgroŋ yaga kyɛ pãã kpɛ a Naaŋmen naaloŋ poɔ.”

Korinti 13:5

Yɛ gyɛle yɛmenne nyɛ ka yɛ be la a yeldeebo poɔ be? Yɛ tegre yɛmenne nyɛ. Yɛ ba baŋ ka a Kirista be la a yɛ poɔ be? Ka lɛ naane a wuli ka yɛ e kpaaɛ la!

Galesiya 2:20

ka maa meŋɛ naane la voorɔ, kyɛ a Kirista naŋ be n eŋɛŋ la voorɔ. Kyɛ a nyɔvore N naŋ taa pampana a eŋgane poɔ, N taa o la a yeldeebo n naŋ taa a Naaŋmen Bie eŋɛ, Ona la da nɔŋ ma a de O meŋɛ tere N zuiŋ.

EFESU 3:17

kyɛ ka a Kirista tu a yɛ yeldeebo zie a wa be yɛ sukyie poore ka yɛ tɛ nyaga a are kpeɛŋaa nɔmmo poɔ.

Filipai Deme Gane 1:11

a taa a Yeezu Kirista mennoŋ, a Naaŋmen puubu ane O dannoo zuiŋ.

KOLO 1:23

ka a naŋ wa e ka yɛ naŋ kyɛnɛ are la kpeɛŋaa kyɛ kpimare a yeldeebo, a ba wa tagra yire a teɛretɔroo na ba naŋ da eŋ noɔre ka yɛ woŋ yi a Ŋmen-yelnoore poɔ, a na ka ba da moɔle ko a bon-iri zaa naŋ be a teŋɛzu. Maa Pɔɔl wa leɛ la a Ŋmen-yelnoore ŋa tontonɔ.

KOLO 1:27

Bana la ka Naaŋmen da sage ka O e ka ba baŋ lɛ O puubu yelsɔglɔ bondaanoŋ naŋ da seŋ lɛ a Kirista naŋ be a Nemboore-yobo poɔ, a puubu teɛretɔroo.

KOLO 2:6

Yɛ naŋ pãã sage de a Daana Kirista Yeezu zuiŋ, yɛ naŋ kyɛnɛ taa yɛ nyɔvoɛ velaa O eŋɛŋ,

I Tesa 3:5

A ŋaa zuiŋ, N naŋ da koŋ la baŋ di kannyiri, N da toŋɛɛ la ka ba wa peɛre yɛlɛ kyaare ne a yɛ yeldeebo; N da zoro la dabeɛ̃ ka kaapɔge a sebɛlbɛllɛ bɛlle yɛ la ka a toma te naŋ toŋ waa weɛlɛ.

Hiburu 10:39

Kyɛ te ba poɔ a banaŋ naŋ leɛ puori a bɔre poɔ, kyɛ te poɔ la a banaŋ naŋ taa yeldeebo ka a lɛ e ka ba nyɛ faabo poɔ.

1 Gyn 2:6

soba na zaa naŋ yeli, “N laŋ ne O la,” seŋ ka o tu a sori na O naŋ da tu.

2 Gyn 1:9

Neɛzaa naŋ ba kyɛnɛ a Kirista wuluu poɔ, kyɛ maŋ gaŋ a wuluu bare ba taa Naaŋmen. Soba na zaa naŋ kyɛnɛ a wuluu poɔ taa la a Saa ane a Bie.