Gyɔɔn 15:22 - Naaŋmen Nɔpaalaa Gane

²² Ba da koŋ taa yelsaanaa zaa ka maa da ba wa yeli yɛlɛ ko ba. Kyɛ ŋaa eŋ, ba ba taa gaafara zaa na tere kyaare ne a ba yelbebe.

Gyɔɔn 15:22 ပူးပေါင်းရင်းမြစ်များ

Luka 12:46

A gbaŋgbaa ŋa daana na wa uri o la a daare na o naŋ ba nare ane gogo na o naŋ ba baŋ. A gbaŋgbaa ŋa daana na wa kyɛ o la ŋmaare puropuro kyɛ de o eŋ a nenfaare poɔ.

Gyɔɔn 12:48

Soba na naŋ zagre ma, a ba sage de N yɛlɛ taa la sɛredire. A bebi-baaraa daare, a yɛlɛ na N naŋ yeli la na di a o sɛrɛɛ.

Gyɔɔn 15:23

Soba na zaa naŋ kyiiri ma, kyiiri la N Saa meŋ.

Gyɔɔn 15:24

Ka maa da ba wa toŋ a toma ama neɛzaa naŋ daŋ ba toŋ zaa ba poɔ, ba da koŋ taa yelbieri zaa. Kyɛ pampana, ba nyɛɛ la kyɛ naŋ kyiiri ma ane a N Saa.

Gyɔɔn 16:9

O na wuli ba la kyaare ne ba yelbebe ba naŋ ba sage de N yɛlɛ zuiŋ;

Gyɔɔn 19:11

Ka a Yeezu da leɛ yeli ko o, “Fo da koŋ taa kpeɛ̃õ N zu, ka Naaŋmen da ba ko fo sori. A lɛ zuiŋ, a soba na naŋ de ma ko fo la e yelbieri naŋ e kpoŋ yaga.”

Gyɔɔn 9:41

Ka a Yeezu da yeli ko ba, “Ka yɛnee da zɔŋ, yɛ da koŋ taa yelbieri. Kyɛ yɛ naŋ yeli, ‘Te nyɛrɛ la,’ a yɛ yelbebe na kyɛnɛ bebe la.”

Toma 17:30

Kyɛ a saŋ na Naaŋmen naŋ da maŋ baŋ kyɛ leɛ O puori ko nensaala babammo tɔlɛɛ la. Pampana ŋa, O tere la noɔre ka nensaalba naŋ be zie zaa leɛ ba eebo,

Urom 1:20

A yi a tendaa piiluu saŋ zaa, Naaŋmen kpeɛ̃õ naŋ ba taa baaroo ane O Naaŋmennoŋ waaloŋ, aneazaa ka nimiri koŋ baŋ nyɛ a, kyaane ko ba la a yi O bommaale zie ka ba baŋ a tɛgɛ. Azuiŋ ba ba taa gaafara zaa na tere;

Urom 2:1

Azuiŋ, neɛ na zaa fo naŋ waa, fo ba taa gaafara zaa na tere, ka fooŋ wa dire fo taaba sɛrɛɛ. Bonso, ka fooŋ wa dire fo tɔsoba sɛrɛɛ a yeli ka o lee la, fo meŋɛ meŋ lee la, bonso, fooŋ a sɛredire meŋ erɛ la a yɛlɛ na ne a zu.

Gyimisi 4:17

Neɛ na zaa naŋ pãã baŋ yeli naŋ soma ka a seŋ ka o e, kyɛ ba e, a soba e la yelbieri.

1 Pit 2:16

Yɛ naŋ waa Naaŋmen tontonema, yɛ taa yɛ nyɔvoɛ aŋa noba naŋ so bamenne, kyɛ yɛ ta de a yɛmenne soobo erɛ ne yelfaare.