Gyɔɔn 15:2 - Naaŋmen Nɔpaalaa Gane

² O maŋ kyɛ la ulee na zaa naŋ be N eŋɛ kyɛ ba wɔnɔ wɔmɔ bare. Ulee na zaa naŋ wɔnɔ wɔmɔ, O maŋ gbɛnne o la ka o na wɔŋ yaga.

Gyɔɔn 15:2 ပူးပေါင်းရင်းမြစ်များ

Matio Gane 13:12

Banaŋ zaa naŋ taa, ba na ko ba la bon-yaga poɔ, ka ba taa ka a gore ba. Kyɛ banaŋ naŋ ba taa bonzaa, haali gba bon ba naŋ taa, ba na de a la yi ba zie.

Matio Gane 13:33

O da la lɔɔ la sekpɔgre kaŋ ko ba, “A tenvelaa naaloŋ waa seŋ ŋa pɔge kaŋ naŋ de dããbelɛ eŋ zɔŋ ŋmannɔɛ ata poɔ, ka a iri pi a zaa.”

Matio Gane 15:13

Ka a Yeezu yeli sɔge ba, “Teɛ na zaa N Saa naŋ be tenvelaa poɔ naŋ ba sɛle, ba na voɔ o la bare.

Matio Gane 21:19

O naŋ da wa nyɛ kaŋkanteɛ ka o are a sori noɔreŋ, O da gaa la a teɛ pare kyɛ O da ba nyɛ wɔne zaa ka vaare yoŋ naane. Lɛ la ka O yeli ko a teɛ, “Fo daŋ koŋ la wɔŋ wɔne zaa!” Ka a kaŋkanteɛ deɛ ko o zaa daadaalɛ.

Matio Gane 25:29

Bonso, banaŋ zaa naŋ taa, ba na la ko ba la amine poɔ, ka ba taa ka a gore ba, kyɛ banaŋ naŋ ba taa, haali a fẽẽ na meŋ ba naŋ taa ba na de a la yi ba zie.

Matio Gane 3:10

Haali pampana ŋa a lare tare la a teere seɛŋ. Azuiŋ teɛ na zaa naŋ ba wɔnɔ wɔnveɛle, ba na kyɛ o la ŋmaa lɔɔ eŋ vũũ poɔ.

Matio Gane 3:12

O kayeɛl-ŋmane be la O nu poɔ, ka O na yeɛle O kyi a wuo eŋ bugo poɔ, kyɛ gbaale a ka-uri lantaa nyege vũũ naŋ ba kpiire poɔ.”

Matio Gane 7:19

Teɛ na zaa naŋ ba wɔnɔ wɔŋ veɛle, ba na kyɛ o la a lɔɔ eŋ vũũ poɔ.

Marko Gane 4:20

Kyɛ a noba na naŋ waa seŋ ŋa a bombie na ba naŋ bore a tɛnnoɔ poɔ la banaŋ naŋ maŋ de a Naaŋmen yelbiri ka a maale, a eŋ bie, a mine lezare ne pie, amine lezaata, amine meŋ kɔɔ.”

Luka 8:13

A bombie na naŋ le a piiri zu la a banaŋ naŋ maŋ woŋ a Naaŋmen yelbiri, a de ne popeɛloŋ. Kyɛ a yelbiri naŋ ba tɛ nyaga ba sukyie poɔ zuiŋ, ba maŋ sage de la a yɛlɛ kyɛ ka toɔrɔ wa kpɛ ba ka ba le.

Gyɔɔn 15:1

“Maa la a dããteɛ meŋɛ, kyɛ ka N Saa e a dããteɛ te-sɛllɛ.

Gyɔɔn 15:16

Yɛnee naane kaa-iri ma, kyɛ maa la kaa-iri yɛ, a toŋ yɛ ka yɛ gaa te wɔnɔ wɔmɔ. Wɔmɔ na naŋ na bebe kɔɔre, ka a Saa pãã na ko yɛ bonna zaa yɛ naŋ sɔre yi O zie a N yuori eŋɛ.

Gyɔɔn 15:3

A N yelbiri N naŋ da yeli ko yɛ pɛge yɛ la ka yɛ yi baare.

Gyɔɔn 15:6

Soba na zaa naŋ ba be N poɔ, ba na lɔɔ o la bare aŋa teɛ ulee ka o ko. A ulli ama taaba, ba na wuo a la lantaa a lɔɔ eŋ vũũ poɔ ka a di.

Gyɔɔn 15:8

Ka yɛnee wɔnɔ wɔmɔ yaga kyɛ waa N potuuribo, ŋaa la na e ka N Saa yuori na nyɛ puubu.

Gyɔɔn 17:12

N naŋ da be a ba zie, N da gu ba la a fo yuori fo naŋ da ko ma zuiŋ. N da gu ba la ka ba kanzaa da ba bɔre, ka a soba na a naŋ nare biŋ ka o wɛ yoŋ naane, ka ka a gansoŋ poɔ yɛlɛ na tu a tuubu.

Urom 11:17

Kyɛ ka ba naŋ da kɔɔre a teɛ ulli mine bare kyɛ ka ba de yɛnee naŋ waa moɔ poɔ kããteere ulli naŋ tore yi wa tɔnne ne a zie, ka yɛ meŋ nyu a kããteɛ ŋa nyaga naŋ nyɛ maaloo koɔ̃,

Urom 11:22

Yɛ pãã leɛ kaa a Naaŋmen nimimaaroŋ ane O nimitoloŋ yɛlɛ. Naaŋmen taa la nimitoloŋ kyaare ne a banaŋ naŋ e yelbieri, kyɛ leɛ O nimimaaroŋ kyaare yɛ, ka yɛnee naŋ wa kyɛnɛ be a O nimimaaroŋ poɔ; ka lɛ naane, O na kyɛ la yɛ meŋ ŋmaa bare.

Urom 8:28

Te baŋ ka yɛlɛ zaa maŋ laŋ tonɔ la a waana ne yelsoŋ a ko banaŋ naŋ nɔŋ Naaŋmen, a banaŋ O naŋ boɔle O poboɔbo zuiŋ.

1 Kor 13:1

Ka maa yele yɛlɛ ne nensaalba ane malekere kɔkɔɛ kyɛ ba taa nɔmmo, N waa la gaŋgaa ba naŋ ŋmeɛrɛ ka o pɔgrɔ gɔmɔ bee buulo naŋ dɔɔnɔ.

TITU 2:14

Ona la da de O meŋɛ tere ka O faa te yi yelbebe zaa poɔ kyɛ peere te ka te yi fanana a waa O meŋɛ noba naŋ kyerɛ ne tonsonne tommo.

Hiburu 12:15

Yɛ kaara velaa ka neɛzaa ta wa fãã a Naaŋmen garaaseɛ nyaabo, ka a lɛ vɛŋ ka yɛ kanzaa wa iri buli aŋa teɛ nyagre naŋ waa tuo a wa ne dɔɔne naŋ na dɛge yɛ noba yaga.

1 Gyn 2:19

Ba da yi la te poɔ, kyɛ ba da ba e te noba, bonso, ka ba naŋ da e te noba, ba da na kyɛnɛ be la te poɔ. Kyɛ ba naŋ yi a te poɔ gaa wulee weliweli ka ba kanzaa ba waa te neɛ.

Yel-iriwulaa Gane 3:19

A banaŋ N naŋ nɔŋ la ka N maŋ wuli kyɛ tage ba tobo. Azuiŋ, moɔ nimiri a leɛ fo eebo.