Gyɔɔn 14:6 - Naaŋmen Nɔpaalaa Gane

⁶ Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 14:6 ပူးပေါင်းရင်းမြစ်များ

Matio Gane 11:27

A N Saa de la a boma zaa ko ma. Neɛzaa ba baŋ a Bidɔɔ, ka a Saa yoŋ naane, ka neɛzaa meŋ ba baŋ a Saa ka a Bidɔɔ yoŋ naane, ane banaŋ yoŋ a Bidɔɔ naŋ boɔrɔ ka O wuli ba a Saa.”

Gyɔɔn 1:14

Ka a Yelbiri da leɛ nensaala, a wa zeŋ te poɔ, ka te nyɛ O puubu. Ka a O puubu te tɔgle ne a saa bidɔɔ yeni puubu, naŋ paale ne garaaseɛ ane yelmennoŋ.

Gyɔɔn 1:17

A Naaŋmen nɔɛ sereŋ da tu la Moozul zie wa, ka garaaseɛ ane yelmennoŋ tu a Yeezu zie wa.

Gyɔɔn 1:4

O poɔ la ka nyɔvore da be, ka a nyɔvore da waa nensaalba zaa kyaane.

Gyɔɔn 10:28

N ko a la nyɔvore naŋ ba taa baaroo, ka a daŋ koŋ kpi zaa. Neɛzaa koŋ baŋ faa a yi ne a N nuuri poɔ.

Gyɔɔn 10:7

Lɛ la ka Yeezu da laboreŋ yeli ko ba, “Yelmeŋɛ zaa ka N yele korɔ yɛ, maa la a dendɔre ko a peere.

Gyɔɔn 10:9

Maa la a dendɔre. Soba na zaa naŋ tu N zie kpɛ na nyɛ la faabo. O na maŋ kpɛ la kyɛ yi, a nyɛ mɔmaara.

Gyɔɔn 14:19

A koŋ la kɔɔre yaga kyɛ ka a teŋɛzu deme koŋ la nyɛ ma, kyɛ yɛnee na nyɛ ma la, N naŋ voorɔ zuiŋ yɛ meŋ na voorɔ la.

Gyɔɔn 15:1

“Maa la a dããteɛ meŋɛ, kyɛ ka N Saa e a dããteɛ te-sɛllɛ.

Gyɔɔn 18:37

Ka a Pilato da soore O, “Ka lɛ fo waa la naa wɛ?” Ka a Yeezu da leɛ yeli, “Fõõ la yeli ka N waa la naa. A ŋaa zuiŋ la ka ba dɔge ma, ka N wa di a yelmeŋɛ danseɛ ko a tendaa noba. Neɛzaa naŋ waa a yelmeŋɛ soba maŋ kyɛllɛ la a N noɔre yɛlɛ.”

Gyɔɔn 5:21

Serɛzaa, aŋa a Saa naŋ maŋ seŋ a kuuni lɛ, a e ka ba leɛ voorɔ, a lɛ meŋ ka a Bidɔɔ meŋ maŋ ko banaŋ zaa O naŋ boɔrɔ, nyɔvore.

Gyɔɔn 6:33

Bonso, a Naaŋmen bondirii la anaŋ naŋ yi tenvelaa, a maŋ korɔ a andonɛɛ nyɔvore.

Gyɔɔn 6:51

Maa la a nyɔvore bondiraa naŋ yi tenvelaa sigi wa. Neɛ na zaa naŋ di a bondiraa ŋa, na voorɔ la tegitegilɛ. Kyɛ a bondiraa na N naŋ na tere, ka o ko a teŋɛzu deme nyɔvore la a N meŋɛ eŋɛ.”

Gyɔɔn 6:57

Aŋa lɛ a Saa vore naŋ toŋ ma, ka N voorɔ a Saa zuiŋ, lɛ meŋ la ka soba na zaa naŋ di N eŋɛ na voorɔ a N zuiŋ.

Gyɔɔn 6:68

Ka Saamon Piita da yeli sɔge O, “Daana, aŋ zie ka te pãã na gaa? Fõõ la taa a nyɔvore naŋ ba taa baaroo yelbie.

Gyɔɔn 8:32

Yɛ na baŋ la a yelmeŋɛ, ka a yelmeŋɛ e ka yɛ so yɛmenne.”

Gyɔɔn 8:51

Yelmeŋɛ zaa ka N yele korɔ yɛ, soba na zaa naŋ tuuro a N yɛlɛ daŋ koŋ kpi.”

Toma 3:15

kyɛ ka yɛ da ko a Nyɔvore zaa soba, a Onaŋ Naaŋmen naŋ da e ka o leɛ-iri a kuuni poɔ, tenee la a yeli ŋa dansediribe.

Toma 4:12

Faabo ba la kye neɛ kanzaa zie, bonso, yuori zaa ba kye a teŋɛzu kyɛ Naaŋmen naŋ tere a nensaalba poɔ ka te na tu a nyɛ faabo.”

Toma 9:2

a te sɔre o ka o ko o gama naŋ na ko o sori ka o gaa Damasko a te kpɛ a puoruuderi poore, ka o naŋ wa nyɛ neɛzaa, dɔbɔ bee pɔgeba naŋ tuuro a Sori ŋa, ka o nyɔge ba leŋ a taa wa ne a Gyɛruzɛlɛm.

Urom 15:16

ka N waa a Kirista Yeezu tontonɔ a Nemboore-yobo zie. N poɔ la a Ŋmen-yelnoore toma poɔ, ka ka lɛ e ka Naaŋmen sage de a Nemboore-yobo kyɔɔtaare a Vooroŋ Soŋ naŋ pɛge ka a yi.

Urom 5:2

A Yeezu Kirista zie la ka te tu a nyɛ garaaseɛ ŋa te naŋ taa; kyɛ ka te erɛ pɔloo a te teɛretɔroo te naŋ taa ka te ne Naaŋmen na laŋ la puubu.

Urom 5:21

ka aŋa lɛ yelbieri naŋ dire naaloŋ kũũ zu, a lɛ ka garaaseɛ meŋ na di naaloŋ mennoŋ zu, a waana ne nyɔvore naŋ ba taa baaraa a yi a Yeezu Kirista, te Daana zie.

1 Kor 15:45

A lɛ la so ka ba da sɛge, “A nensaal-dɛndɛŋ, a Adama, da leɛ la nensaal-vore;” kyɛ ka a Adama parebaaraa leɛ vooroŋ naŋ terɛ nyɔvore.

EFESU 2:18

Bonso, a Kirista zie la ka te zaa taa sori a na toɔ̃ tu a Vooroŋ Soŋ yeni zie ta a Saa.

KOLO 2:17

A ama waa la a bonna naŋ na wa dasuoluŋ, kyɛ a bon meŋɛ waa la a Kirista soobo.

KOLO 2:9

Bonso, O eŋɛŋ la ka a Naaŋmennoŋ zaa be a eŋgannoŋ poɔ,

KOLO 3:4

Ka a Kirista naŋ waa a yɛ nyɔvore wa sãã, lɛ meŋ la ka yɛ ne O pãã na laŋ sãã a O puubu poɔ.

Hiburu 7:25

A lɛ zuiŋ O na toɔ̃ faa la banaŋ naŋ tu O zie a wa Naaŋmen zie vuo zaa poɔ, O naŋ voorɔ tegitegilɛ kyɛ puoro korɔ ba zuiŋ.

Hiburu 9:8

A yeli ŋa eŋɛ, a Vooroŋ Soŋ wuli ka a zisoŋ zie sori naŋ ba yuo sɛre, a saŋ na zaa poɔ a sege dɛndɛŋ soba naŋ naŋ kyɛnɛ are.

1 Pit 1:21

A Kirista zie la ka yɛ tu a wa sage de a Naaŋmen yɛlɛ; Ona la e ka a Yeezu leɛ-iri yi a kũũ poɔ, a ko O puubu, ka ka yɛ yeldeebo ane teɛretɔroo na be Naaŋmen eŋɛ.

1 Pit 2:4

Yɛ wa O zie, a kusi-vore zie, aneazaa ka nensaalba da zagre O la bare kyɛ Naaŋmen kaa-iri O la ka O waa kusi-yuori.

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

1 Gyn 1:8

Ka teneŋ wa yeli ka te ba taa yelbieri, te bɛllɛ la temenne, ka a yelmeŋɛ ba kye te zie.

1 Gyn 2:23

Neɛ na zaa naŋ zagre a Bie ba taa a Saa, ka neɛzaa naŋ sage de a Bie yɛlɛ meŋ taa a Saa.

1 Gyn 5:20

Te baŋ ka a Naaŋmen Bie waɛ la, a wa ko te yelbammo ka ka te na baŋ neɛ na naŋ waa a yelmeŋɛ soba. Kyɛ te be la a O Bie Yeezu Kirista naŋ e a yelmeŋɛ soba poɔ. O sereŋ waa la Naaŋmen ane nyɔvore naŋ ba taa baaroo.

1 Gyn 5:6

Yeezu Kirista la a soba na naŋ tu koɔ̃ ane zẽẽ zie wa. A ba e koɔ̃ yoŋ, kyɛ koɔ̃ ane zẽẽ la. Kyɛ a Vooroŋ Soŋ la a dansedire, bonso a Vooroŋ Soŋ la a yelmeŋɛ.

2 Gyn 1:9

Neɛzaa naŋ ba kyɛnɛ a Kirista wuluu poɔ, kyɛ maŋ gaŋ a wuluu bare ba taa Naaŋmen. Soba na zaa naŋ kyɛnɛ a wuluu poɔ taa la a Saa ane a Bie.

Yel-iriwulaa Gane 1:5

Ka a Yeezu Kirista, a yelmeŋɛ dansedire, a bidɛndɛŋ naŋ leɛ-iri yi a kũũ poɔ a kyɛ di naaloŋ a tendaa namine zaa zu ko yɛ garaaseɛ ane maaroŋ. Ka a Onaŋ naŋ nɔnɔ te a kyɛ faa te yi a te yelbebe poɔ ne a O zẽẽ,

Yel-iriwulaa Gane 19:11

N pãã da nyɛ la tenvelaa ka o yuo ka N da nyɛ wir-pelaa kaŋ! Ba da boɔlɔ la a soba na naŋ zɔŋ a wiri ka Mennoŋ ane Meŋɛ, kyɛ ka mennoŋ poɔ ka O da dire sɛrɛɛ a kyɛ yire tammo.

Yel-iriwulaa Gane 20:15

Kyɛ ba da de la soba na zaa yuori ba naŋ ba sɛge eŋ a nyɔvore gane poɔ lɔɔ eŋ a baa vũũ poɔ.

Yel-iriwulaa Gane 22:1

A maleke pãã da wuli ma la a nyɔvore baa koɔ̃ ka a koɔ̃ pɛle aŋa sakuurii a da zoro yire a Naaŋmen ane a Pilee nakogi zie,

Yel-iriwulaa Gane 22:17

A Vooroŋ Soŋ ane a pɔgpaalaa yelee la, “Wa.” Kyɛ vɛŋ ka neɛ na zaa naŋ kyɛlle woŋ meŋ yeli, “Wa.” Neɛ na zaa kɔŋnyuuri naŋ kpɛ, vɛŋ ka o wa. Neɛzaa naŋ boɔrɔ a nyɔvore koɔ̃, o wa de nyu weɛlɛ.

Yel-iriwulaa Gane 3:14

“Sɛge ko a puoruu laŋne maleke naŋ be Laodisiya teŋɛ poɔ: A Ameena, a yelmeŋɛ soba ane a yelmeŋɛ dansedire, a Naaŋmen bon-iri yiibu zie yelbie la ama:

Yel-iriwulaa Gane 3:7

“Sɛge ko a puoruu laŋne maleke naŋ be a Filadɛlfiya teŋɛ poɔ: A nensoŋ na, a yelmeŋɛ soba na yelbie la ama, a onaŋ naŋ taa a Davil naaloŋ saafebiri, ona la maŋ yuo, ka neɛzaa koŋ pɔge, a maŋ pɔge ka neɛzaa kyebe na yuo: