Gyɔɔn 14:30 - Naaŋmen Nɔpaalaa Gane

³⁰ N koŋ la yeli yɛlɛ yaga ne yɛ, bonso, a teŋɛ ŋa zu naa waana la. O ba taa kpeɛ̃õ N zu.

Gyɔɔn 14:30 ပူးပေါင်းရင်းမြစ်များ

Luka 1:35

Ka a maleke yeli ko o, “A Vooroŋ Soŋ na wa la fo zie, ka a Naaŋmen kpeɛ̃õ wa sigi fo, a zuiŋ a bie fo naŋ na dɔge na e la bi-soŋ, ka ba boɔlɔ O Naaŋmen Bie.

Luka 22:53

Bebiri zaa ka N da maŋ laŋne yɛ a Naaŋmen die poɔ, kyɛ ka yɛ kanzaa daŋ ba zɛge nu seene ma. Kyɛ a yɛ saŋ ane a ligruŋ kpeɛ̃õ la a ŋaa!”

Gyɔɔn 12:31

A tendaa deme sɛrɛɛdiibu la a ŋaa. Pampana ba na digi la a tendaa naa bare.

Toma 1:3

A O kũũ puoriŋ, O da leɛ-iri la a kuuni poɔ, a tu yɛlɛ naŋ ba taa bonnoo zie, a de O meŋɛ wuli ba beri lezaayi, a yele a Naaŋmen naaloŋ yɛlɛ korɔ ba.

Korinti 4:4

A banaŋ naŋ ba sage de a Naaŋmen yɛlɛ eŋ, a teŋɛ ŋa zu ŋmen ligi la a ba teɛroŋ ka ba kontoɔ̃ nyɛ a Kirista yelnoore puubu veɛloŋ. A Kirista la taa a Naaŋmen waaloŋ.

Korinti 5:21

A te zuiŋ, Naaŋmen da eɛɛ la ka a Kirista naŋ da ba taa yelbieri, tuo a te yelbieri ka ka te na tu O zie a leɛ taa Naaŋmen mennoŋ.

EFESU 2:2

a poɔŋ la ka yɛ da be, a tuuro a teŋɛzu yɛlɛ, a tuuro a sazu sefaare naa, a seɛ na naŋ tonɔ toma pampana a banaŋ naŋ zagra noɔre tuubu zie.

EFESU 6:12

Bonso, a dɔndɔnne te naŋ zɔɔrɔ ne ba waa nensaalba naŋ taa zẽẽ ane eŋgama, kyɛ te zɔɔrɔ ne la namine, a zɔɔrɔ ne kpeɛ̃õ deme, a zɔɔrɔ ne seeloŋ poɔ kpeɛ̃õ deme naŋ waa a pampana teŋɛzu ligruŋ, a zɔɔrɔ ne sefaare naŋ be a sazu ziiri zaa.

KOLO 1:13

O faa te la yi a ligruŋ kpeɛ̃õ poɔ kyɛ taa te wa eŋ a O poyɛŋ Bie naaloŋ poɔ,

Hiburu 4:15

Bonso, te taa la Naaŋmen bagmaalkare neŋkpoŋ naŋ na toɔ̃ moore ko te a te bambaaloŋ poɔ. Te taa la neɛ na ba naŋ e O nyɛ yelzaa poɔ aŋa tenee, kyɛ ka O ba e yelbieri.

Hiburu 7:26

Bonso, a da seŋɛɛ la ka te taa a Naaŋmen bagmaalkare neŋkpoŋ ŋa tɔ, naŋ waa soŋ, a ba taa saanaa zaa, a ba mɔge yelbieri, a tage O meŋɛ yi yelbebe deme poɔ kyɛ ka ba zɛge O do saa gaŋ a saluoni.

1 Pit 1:19

kyɛ a Kirista zẽẽ naŋ taa yuori la ka ba de faa ne yɛ; aŋa pilee naŋ ba taa faaloŋ bee saanaa zaa.

1 Pit 2:22

“O da ba e yelbieri zaa, ka zirii zaa ba yi O noɔre poɔ.”

1 Gyn 4:4

N bibiiri, yɛ yi la Naaŋmen zie, a zɔɔtoɔ̃ ba; bonso, a soba na naŋ be yɛ poɔ waa la kpoŋ gaŋ a soba na naŋ be a teŋɛzu.

1 Gyn 5:18

Te baŋɛɛ la ka banaŋ Naaŋmen naŋ dɔge ba erɛ yelbieri, kyɛ a soba na Naaŋmen naŋ dɔge maŋ gu ba la taa ka a faaloŋ soba koŋ seene ba.

1 Gyn 5:19

Te baŋ ka te e la Naaŋmen bibiiri, kyɛ ka a andonɛɛ zaa be a faaloŋ soba kpeɛ̃õ puliŋ.

Yel-iriwulaa Gane 12:9

Ba da de la a wa-beɛ naŋ waa kpoŋ lɔɔ bare ka o sigi a teŋɛzu, a dakoroŋ saŋ waabo na, ona la ka ba boɔlɔ Sebɛlbɛllɛ bee Setaana, a tendaa zaa bɛlbɛllɛ. Ba da lɔɔ o la bare ka o sigi wa a teŋɛzu, a lɔɔ a o malekere meŋ poɔ o eŋɛ.