Gyɔɔn 14:26 - Naaŋmen Nɔpaalaa Gane

²⁶ Kyɛ a yɛ Soŋnɔ, a Vooroŋ Soŋ, Ona la ka a Saa na toŋ a yɛ zie N yuori eŋɛ. O na wa wuli yɛ la yelzaa kyɛ leɛ-teɛre yɛ a yɛlɛ na zaa N naŋ da yeli ko yɛ.

Gyɔɔn 14:26 ပူးပေါင်းရင်းမြစ်များ

Matio Gane 1:18

Ŋaa la ka Yeezu, a Mɛzaaya dɔgebo da tu. A saŋ na O ma Mareya ne Yuzɛb naŋ da eŋ noɔre ka ba na kuli la taa, ba da naŋ ba laŋ kpɛ sɛre kyɛ ka a Vooroŋ Soŋ e ka Mareya taa poɔ.

Matio Gane 1:20

Kyɛ o naŋ da wa nare a yɛlɛ ama biŋ baare la ka a Daana maleke da wa o zie zannoo poɔ, a wa yeli ko o, “Yuzɛb, Davil bie, ta zoro dabeɛ̃ ka fo de a Mareya ka o waa fo pɔge, bonso, a poɔ o naŋ taa yi la a Vooroŋ Soŋ zie.

Matio Gane 28:19

Yɛ pãã gaa a tenne zaa a te e ka a nemboorɔ zaa leɛ a N potuuribo, ka yɛ korɔ ba suobu; a Saa ane a Bie ane a Vooroŋ Soŋ yuori eŋɛ,

Matio Gane 3:11

“N korɔ yɛ la suobu ne koɔ̃, yɛ yelbebe poɔ leɛ yiibu zuiŋ, kyɛ a soba na naŋ tu n puori waana taa la kpeɛ̃õ gaŋ ma. N gba ba seŋ ne O nɔɔteɛ detaabo. O na ko yɛ la suobu ne a Vooroŋ Soŋ ane vũũ.

Marko Gane 12:36

Davil meŋɛ da tu la a Vooroŋ Soŋ zie, kyɛ yeli: ‘A Daana Naaŋmen da yeli ko la a N Daana, “Zeŋ a N nuduluŋ seŋ, te ta lɛ saŋ N naŋ na biŋ fo dɔndɔnne fo gbɛɛ puliŋ.” ’

Marko Gane 13:11

Ka ba naŋ wa taa yɛ gaa ne sɛrɛɛdiibu zie, yɛ ta vɛŋ ka a ferɛ yɛ ne bonna yɛ naŋ na yeli; kyɛ yɛ yeli yɛlɛ na zaa ba naŋ na ko yɛ a saŋ na poɔ, bonso, a ba e ka yɛnee la na yele a yɛlɛ, kyɛ a Vooroŋ Soŋ la.

Luka 1:15

bonso, o na waa la nentegroŋ a Daana zie. A ba seŋ ka o nyu dãã bee dããkpeɛŋaa zaa. O na paale ne la a Vooroŋ Soŋ a o ma poɔŋ, ka ba dɔge ne o.

Luka 1:35

Ka a maleke yeli ko o, “A Vooroŋ Soŋ na wa la fo zie, ka a Naaŋmen kpeɛ̃õ wa sigi fo, a zuiŋ a bie fo naŋ na dɔge na e la bi-soŋ, ka ba boɔlɔ O Naaŋmen Bie.

Luka 1:41

A Elizabɛl naŋ da woŋ a Mareya puoro, a bie da kpɛ te logre la a o poɔŋ. A Elizabɛl da paale ne la a Vooroŋ Soŋ,

Luka 1:67

Lɛ la ka a o saa Zakareya da paale ne a Vooroŋ Soŋ a yeli Ŋmen-yelmanna yelyelii ama:

Luka 11:13

Ka yɛnee gba naŋ waa nenfaare baŋ ka yɛ de bonveɛle ko yɛ bibiiri, bonso, ka a yɛ Saa naŋ be a tenvelaa poɔ koŋ ko banaŋ zaa naŋ sɔre a Vooroŋ Soŋ yi O zie.”

Luka 2:25

A saŋ na dɔɔ kaŋ da be la a Gyɛruzɛlɛm poɔ ka o yuori di Simeon. A dɔɔ ŋa da waa la nemmeŋɛ naŋ puoro Naaŋmen ne o poɔ zaa, a da kyɛllɛ a Izerayɛl faabo bebiri yɛlɛ kyɛ ka a Vooroŋ Soŋ da be o zie.

Luka 24:49

Kyɛ yɛ nyɛ, N na e la ka bonna N Saa naŋ da eŋ noɔre ka O na tere la wa yɛ zie. Azuiŋ yɛ kpeɛrɛ a Gyɛruzɛlɛm poɔ a te ta saŋ na yɛ naŋ nyɛ a Vooroŋ Soŋ kpeɛ̃õ yi sazu.”

Luka 3:22

ka a Vooroŋ Soŋ da sigi wa dɔɔ O zuŋ aŋa ŋmanee. Ka kɔkɔre kaŋ yi sazu a yele, “Fõõ la N Bidɔɔ, N Poyɛŋ Bie, fõõ la ka N poɔ pɛle ne.”

Gyɔɔn 1:33

Maa meŋɛ da ba baŋ O, kyɛ a soba na naŋ da toŋ ma ka N wa ko noba suobu ne koɔ̃ la da yeli ko ma, ‘A soba na fo naŋ nyɛ ka a Vooroŋ Soŋ sigi wa be O zie, Ona la na korɔ noba suobu ne a Vooroŋ Soŋ.’

Gyɔɔn 12:16

A Yeezu potuuribo da naŋ ba baŋ a yeli ŋa tɛgɛ. Kyɛ O naŋ da wa leɛ-iri yi a kuuni poɔ a nyɛ puubu baare la ka ba pãã da leɛ-teɛre ka a lɛ ba naŋ da sɛge a gansoŋ poɔ kyaare ne O la da nyɛ eebo O zie.

Gyɔɔn 14:16

Kyɛ N na sɔre la a Saa ka O ko yɛ Soŋnɔ ka O wa be yɛ zie tegitegilɛ.

Gyɔɔn 14:25

“N da yeli la a yɛlɛ ama ko yɛ N naŋ da naŋ kyɛnɛ be a yɛ zie.

Gyɔɔn 15:26

“Ka a Soŋnɔ, a yelmeŋɛ Vooroŋ N naŋ na toŋ ka O yi a Saa zie wa, na wa di la N danseɛ.

Gyɔɔn 16:7

Kyɛ a yelmeŋɛ la ka N yele korɔ yɛ: A na e la velaa ko yɛ ka N gaa, bonso, ka maa ba gaa, a yɛ Soŋnɔ koŋ wa. Kyɛ ka maa wa gaa, N na toŋ O la ka O wa yɛ zie.

Gyɔɔn 2:22

A Yeezu naŋ da wa leɛ-iri a kuuni poɔ puoriŋ la ka a O potuuribo pãã da leɛ-teɛre ka O da yeli la a ŋaa. Ba pãã da sage de la a gansoŋ yɛlɛ ane a Yeezu yɛlɛ O naŋ da yeli.

Gyɔɔn 20:22

O naŋ da wa yeli a ŋaa, O da voore eŋ ba la kyɛ yeli ko ba, “Yɛ de a Vooroŋ Soŋ.

Gyɔɔn 6:45

Ba da sɛge la a Ŋmen-yelmanneba gane poɔ, ‘Naaŋmen na wuli la ba zaa.’ Neɛzaa naŋ woŋ kyɛ zanne bon naŋ yi a Saa zie maŋ wa la N zie.

Gyɔɔn 7:39

A ŋaa ka O da yeli kyaare ne a Vooroŋ Soŋ, Ona ka a yelderebɛ naŋ be O poɔ na nyɛ. Kyɛ a Vooroŋ Soŋ da naŋ ba wa sɛre, a Yeezu naŋ da naŋ ba nyɛ a O puubu zuiŋ.

Toma 1:2

O naŋ da tu a Vooroŋ Soŋ zie a kyɛ ko a apostoliimine, a banaŋ o naŋ da kaa-iri na noɔre a te ta a daare na ba naŋ da de O do ne tenvelaa.

Toma 1:4

O naŋ da naŋ be a ba zie, O da ko ba la noɔre ka ba ta wa yire a Gyɛruzɛlɛm poɔ, kyɛ ba bebe a kyɛllɛ a Saa nɔ-eŋnaa. O da yelee la, “A ŋaa la ka yɛ da woŋ yi N zie;

Toma 1:8

Kyɛ yɛ na nyɛ la kpeɛ̃õ saŋ na a Vooroŋ Soŋ naŋ na wa a yɛ zie, ka yɛ na leɛ n dansediribe, a Gyɛruzɛlɛm poɔ, a Gyudiya zaa poɔ, ane Samareya poɔ, a te ta a tendaa koŋkobo zaa.”

Toma 11:16

Lɛ la ka N pãã da leɛ-teɛre a Daana yelbiri o naŋ da yeli, ‘Gyɔɔn da ko yɛ la suobu ne koɔ̃, kyɛ yɛnee ba na ko yɛ la suobu ne a Vooroŋ Soŋ.’

Toma 13:2

Ba naŋ da leŋ noɔre kyɛ da puoro a Daana, a Vooroŋ Soŋ da yeli ko ba la, “Yɛ iri Banabase ane Sɔɔl ko ma, N boɔle ba la tonnoɔre kaŋ eŋɛ.”

Toma 13:4

A Vooroŋ Soŋ naŋ da toŋ ba ka ba yi a lɛ, ba da sigi la Selusiya, a da yi be a kpɛ gbori gaa Saapuru.

Toma 15:28

Bonso, a Vooroŋ Soŋ ane te nyɛɛ la ka a ba seŋ ka te de dɔgroŋ zaa dɔgle yɛ zu, ka a yelfere ama yoŋ naane:

Toma 15:8

Kyɛ Naaŋmen naŋ baŋ nensaala sukyiri, da di la danseɛ ko ba, O naŋ da ko ba a Vooroŋ Soŋ aŋa O naŋ da ko te lɛ.

Toma 16:6

Ba da tu la Firigyeya ane Galesiya paaloŋ tɔle, a Vooroŋ Soŋ naŋ da ba ko ba sori ka ba kanne a yelbiri a Ezeya poɔ zuiŋ.

Toma 2:33

Naaŋmen pãã da zɛge O la ka O do zeŋ O nuduluŋ seŋ, kyɛ ka O da de a Vooroŋ Soŋ a Saa naŋ da eŋ noɔre ka O na tere la, ona la ka O paale ne te ka yɛ nyɛ a kyɛ woŋ.

Toma 2:4

Ba zaa da paale ne la a Vooroŋ Soŋ a piili yele kɔkɔyobo a seŋ lɛ a Vooroŋ Soŋ naŋ ko ba faŋ ka ba yele.

Toma 20:28

Yɛ kaara yɛmenne zie ane a peere zaa a Vooroŋ Soŋ naŋ e ka yɛ kaara a zu, yɛ kaara a Naaŋmen puoruu laŋne deme velaa. Bana la ka O faa ne O meŋɛ Bidɔɔ zẽẽ.

Toma 20:35

A yɛlɛ ama zaa poɔ, N wuli yɛ la ka toma tommo poɔ la ka te na toɔ̃ soŋ a nembaalba, kyɛ teɛre a yelbie a Daana Yeezu meŋɛ naŋ da yeli, ‘A e la maaloo yaga ka fo tere a gaŋ fo naŋ derɛ.’ ”

Toma 28:25

A yɛlɛ ŋa zuiŋ, yelbawontaa da kpɛ la ba sogɔŋ, kyɛ ba naŋ da wa yaara, a Pɔɔl da la yeli la yelyenaa kaŋ poɔ, “A Vooroŋ Soŋ da yele la yelmeŋɛ, o naŋ da tu a Ŋmen-yelmanna Azaaya zie a yele korɔ a yɛ sããkommine:

Toma 5:3

Ka a Piita da soore o, “Ananeɛ, bonso ka Setaana bɛlle fo ka fo ŋma zirii ko a Vooroŋ Soŋ ne fo naŋ ŋmaa a zie fo naŋ koɔre libie mine biŋ?

Toma 7:51

“Yɛnee zukpeɛne deme, noba sukyie naŋ dare ka yɛ tobo ba wono yɛlɛ ka yɛ ba sage ka yɛ leɛ yɛ eebo. Yɛ maŋ zɔɔrɔ ne la a Vooroŋ Soŋ tegitegilɛ aŋa a yɛ sããkommine naŋ da maŋ e lɛ.

Toma 7:55

Kyɛ a Stefanuu naŋ da paale ne a Vooroŋ Soŋ da gbole kaa la a saluoni a nyɛ Naaŋmen puubu, kyɛ nyɛ Yeezu ka O are a Naaŋmen nuduluŋ seŋ.

Urom 14:17

Bonso, a Naaŋmen naaloŋ ba e bondirii ane bonnyuuri yɛlɛ, kyɛ o waa la mennoŋ, emmaaroŋ ane popeɛloŋ yɛlɛ a Vooroŋ Soŋ poɔ.

Urom 15:13

Ka a teɛretɔroo Naaŋmen paale yɛ ne popeɛloŋ ane emmaaroŋ a yɛ yeldeebo poɔ, ka ka yɛ na paale ne teɛretɔroo a Vooroŋ Soŋ kpeɛ̃õ eŋɛ.

Urom 15:16

ka N waa a Kirista Yeezu tontonɔ a Nemboore-yobo zie. N poɔ la a Ŋmen-yelnoore toma poɔ, ka ka lɛ e ka Naaŋmen sage de a Nemboore-yobo kyɔɔtaare a Vooroŋ Soŋ naŋ pɛge ka a yi.

Urom 5:5

kyɛ a teɛretɔroo maŋ ko te la bambaare, bonso, Naaŋmen tu la a Vooroŋ Soŋ O naŋ ko te zie kyɛ paale te sukyie ne O nɔmmo.

1 Kor 12:3

Azuiŋ, N boɔrɔ la ka yɛ baŋ ka neɛzaa naŋ yele yɛlɛ a Naaŋmen Vooroŋ eŋɛ kontoɔ̃ yeli, “Vɛŋ ka ba kaa-eŋ a Yeezu!” ka neɛzaa kontoɔ̃ yeli, “Yeezu la a Daana” ka a Vooroŋ Soŋ eŋɛ naane.

1 Kor 6:19

Bee yɛ ba baŋ ka a yɛ enne waa la a Vooroŋ Soŋ Naaŋmen naŋ ko yɛ kpeɛbozie, ka yɛ ba la so a yɛ enne?

Korinti 13:14

Ka a Daana Yeezu Kirista garaaseɛ, a Naaŋmen nɔmmo ane a Vooroŋ Soŋ lammo be yɛ zaa zie.

Korinti 6:6

te sonnoŋ poɔ, te yelbammo poɔ, te kannyiri poɔ, te nimibaaloŋ poɔ, a te seere sonnoŋ poɔ ane nɔmmo naŋ waa meŋɛ poɔ.

EFESU 1:13

A Kirista poɔ meŋ la ka yɛ da woŋ a yelmeŋɛ yelbiri, a Ŋmen-yelnoore naŋ faa yɛ, yɛ naŋ da sage de O, a pãã nyɛ a Vooroŋ Soŋ ba naŋ da eŋ noɔre tere, ka O e yelwulaa.

EFESU 1:17

N puoro la ka a te Daana Yeezu Kirista Naaŋmen, a puubu Saa, ko yɛ yɛŋ ane yɛlɛ iri wuluu seɛ ka yɛ na toɔ̃ baŋ O.

EFESU 4:30

Yɛ ta erɛ ka a Naaŋmen Vooroŋ Soŋ poɔ saana, Ona la a ŋmaaroŋ Naaŋmen naŋ eŋ yɛ a kyɛllɛ ne a faabo bebiri.

I Tesa 4:8

Azuiŋ, soba na zaa naŋ zagra a wuluu ama ba zagra nensaalba yɛlɛ bara kyɛ a Naaŋmen naŋ maŋ ko yɛ a Vooroŋ Soŋ meŋ yɛlɛ la ka yɛ zagra.

2 Tim 1:14

Gu a bonsoŋ na ba naŋ da de ko fo taa ne a Vooroŋ Soŋ sommo naŋ be te poɔ.

TITU 3:5

O da faa te la ka a ba e ka te naŋ da toŋ mennoŋ toma zuiŋ la, kyɛ O nembaalonzoe zuiŋ la ka O tu a koɔ̃ suobu deebo eŋɛ a leɛ dɔge te kyɛ ko te a Vooroŋ Soŋ ka te leɛ e nempaalba.

Hiburu 10:15

A Vooroŋ Soŋ meŋ maŋ di la danseɛ ko te, bonso, O naŋ da wa yeli a ŋaa baare:

Hiburu 2:4

kyɛ ka Naaŋmen meŋ di a danseɛ ne yelwulii ane nɔmaa toma ane yelseɛlɛ tɛɛtɛɛ, ane a Vooroŋ Soŋ kyɔɔtaare O naŋ tere a seŋ O naŋ boɔrɔ lɛ.

Hiburu 3:7

Azuiŋ, aŋa lɛ a Vooroŋ Soŋ naŋ yeli: “Zenɛ, ka yɛnee wa woŋ a O kɔkɔre,

Hiburu 9:8

A yeli ŋa eŋɛ, a Vooroŋ Soŋ wuli ka a zisoŋ zie sori naŋ ba yuo sɛre, a saŋ na zaa poɔ a sege dɛndɛŋ soba naŋ naŋ kyɛnɛ are.

1 Pit 1:12

Ba da iri wuli la a Ŋmen-yelmanneba ka bamenne naane ka ba da tonɔ terɛ kyɛ yɛnee la ka ba da tonɔ terɛ a kyaare ne a yɛlɛ ba naŋ moɔle ko yɛ pampana. Ba da tu la a banaŋ naŋ da taa a yelnoore wa ne yɛ zie a yi a Vooroŋ Soŋ ba naŋ da toŋ ka o yi tenvelaa wa. A malekere da taa la vɔlaa ka ba nyɛ a yɛlɛ ama.

2 Pit 1:21

bonso, a Ŋmen-yelmanna yelyelii kanzaa ba yi nensaala zie, kyɛ a Vooroŋ Soŋ la ko ba faŋ ka ba yele a Naaŋmen yelbie.

1 Gyn 2:20

Kyɛ a Soŋ Soba da sɔ yɛ la kããsoŋ, ka yɛ zaa taa yelbammo.

1 Gyn 2:27

Yɛnee eŋ, a kããsoŋ soɔbo yɛ naŋ da nyɛ yi a Kirista zie be la yɛ eŋɛ. A lɛ zuiŋ a ba la fere ka neɛzaa la kanne yɛ. Kyɛ a O kããsoŋ soɔbo naŋ kanna yɛ a kyaare ne yelzaa naŋ e yelmeŋɛ, ka a ba e zirii, kyɛ yɛ be O poɔ aŋa lɛ O naŋ kanne yɛ.

1 Gyn 5:7

Dansediribe bata la bebe:

Gyud 1:20

Kyɛ yɛnee, n poyɛŋ noba, yɛ baara duoro a yɛ yeldeebo ŋa naŋ e soŋ poɔ. Yɛ puoro a Vooroŋ Soŋ poɔ;

Yel-iriwulaa Gane 2:11

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie. Soba na zaa naŋ zɔɔtoɔ̃, a kũũ boyi soba kontoɔ̃ e o soba yelfaa zaa.”