Kyɛ te banaŋ zaa ba naŋ yuo a pɛne bare a te niŋeŋ, ka te nyɛrɛ a Daana puubu aŋa bon naŋ sãã kyaanaa poɔ, te leɛ taa la a O waaloŋ, a maŋ yi veɛloŋ ŋa poɔ a te kpɛ kaŋ poɔ. Bonso, a yeli ŋa yi la a Daana zie, Ona la a Vooroŋ Soŋ.
Bonso, Ona la a Naaŋmen naŋ da yeli, “Vɛŋ ka veɛloŋ puri sãã ligruŋ poɔ.” Ona meŋɛ la e ka a O veɛloŋ kyaane a te sukyie poɔ, ka te na baŋ a Naaŋmen puubu na naŋ sãã a Kirista niŋesogɔ.
Pampana, ka a te Daana Yeezu Kirista meŋɛ ane a te Saa Naaŋmen, a Onaŋ naŋ nɔŋ te a tu garaaseɛ zie a ko te mooreteroo naŋ ba taa baaroo ane teɛretɔroo meŋɛ,
Yɛ nyɛ nɔmmo na tɔ a Saa naŋ nɔŋ te, a e ka ba boɔlɔ te Naaŋmen bibiiri; ka te sereŋ waa a lɛ. Bon naŋ so ka a teŋɛzu noba ba baŋ te la, ba da ba baŋ Naaŋmen.
Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie. Soba na zaa naŋ zɔɔtoɔ̃, N na ko o la a maana ba naŋ kontoɔ̃ nyɛ ne nimiri mine. N na ko o la kusi-pelaa ba naŋ sɛge yopaalaa neɛzaa naŋ ba baŋ eŋ, ka a soba na naŋ de o yoŋ naane.”