Gyɔɔn 14:19 - Naaŋmen Nɔpaalaa Gane

¹⁹ A koŋ la kɔɔre yaga kyɛ ka a teŋɛzu deme koŋ la nyɛ ma, kyɛ yɛnee na nyɛ ma la, N naŋ voorɔ zuiŋ yɛ meŋ na voorɔ la.

Gyɔɔn 14:19 ပူးပေါင်းရင်းမြစ်များ

Gyɔɔn 11:25

Ka a Yeezu da yeli ko o, “Maa la a kuuni poɔ leɛ-iruu ane a nyɔvore. Banaŋ naŋ sage de N yɛlɛ, ka ba naŋ kpi gba, ba na leɛ voorɔ la,

Gyɔɔn 12:35

Ka a Yeezu da yeli ko ba, “A kyaane be la yɛ zie ka a kɔɔre belaa. Yɛ naŋ taa a kyaane, yɛ kyɛnɛ a kyaane poɔ, ka ligruŋ ta wa ligi pɔge yɛ. Ka yɛnee wa kyɛnɛ lige poɔ, yɛ ba maŋ baŋ zie yɛ naŋ gɛrɛ.

Gyɔɔn 13:33

N bibiiri, N koŋ la be yɛ zie ka a la kɔɔre yaga. Yɛ na bɔ ma la, kyɛ a ŋa N naŋ da yeli ko a Gyuumine lɛ, a lɛ ka N yele korɔ yɛ, ‘A zie N naŋ gɛrɛ, yɛ koŋ baŋ wa be.’

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 16:16

“A koŋ kɔɔre kyɛ ka yɛ koŋ la nyɛ ma, kyɛ ka a la e belaa ka yɛ la nyɛ ma.”

Gyɔɔn 16:22

Lɛ meŋ la ka yɛ wono tuo pampana, kyɛ N na leɛ wa nyɛ yɛ la, ka yɛ taa kyelloo yɛ sukyie poɔ. Neɛzaa kontoɔ̃ de a yɛ kyelloo yi yɛ zie.

Gyɔɔn 6:40

A N Saa poboɔbo sereŋ la ŋa: ka ka banaŋ zaa naŋ nyɛ a Bidɔɔ, a sage de O yɛlɛ na nyɛ nyɔvore naŋ ba taa baaraa, kyɛ ka N e ka ba leɛ-iri a bebi-baaraa daare.”

Gyɔɔn 7:33

Lɛ la ka a Yeezu da yeli, “N koŋ la be a yɛ zie ka a kɔɔre yaga kyɛ ka N leɛ gaa a soba na naŋ toŋ ma zie.

Gyɔɔn 8:21

A Yeezu da la yeli ko ba la, “N gɛrɛ la, ka yɛ na bɔ ma, kyɛ yɛ na kpi la a yɛ yelbebe poɔ. Zie na N naŋ gɛrɛ yɛ kontoɔ̃ wa be.”

Toma 10:41

kyɛ a noba zaa naane da nyɛ O, kyɛ te banaŋ Naaŋmen naŋ da kaa-iri ka te e dansediribe yoŋ la da nyɛ O. Tenee la da laŋne O a di kyɛ nyu a O kuuni poɔ leɛ-iruu puoriŋ.

Urom 5:10

Ka teneŋ da naŋ waa dɔndɔnne kyɛ ka te ne Naaŋmen da leɛ maale taa yi a O Bidɔɔ kũũ eŋɛ, serɛzaa, te naŋ leɛ maale taa, te na nyɛ la faabo a O Bidɔɔ nyɔvore zuiŋ.

Urom 8:34

Nembuo la na tere saanaa? A Kirista Yeezu la, Ona la da kpi, õõ, Ona la ka ba da e ka O leɛ-iri a kuuni poɔ, a be a Naaŋmen nuduluŋ seŋ, a sereŋ puoro sɔrɔ korɔ te.

1 Kor 15:20

Kyɛ serɛzaa, ba eɛɛ la ka a Kirista da leɛ-iri a kuuni poɔ. Ona la a kuuni poɔ leɛ-iruu dɛndɛŋ soba.

1 Kor 15:45

A lɛ la so ka ba da sɛge, “A nensaal-dɛndɛŋ, a Adama, da leɛ la nensaal-vore;” kyɛ ka a Adama parebaaraa leɛ vooroŋ naŋ terɛ nyɔvore.

Hiburu 7:25

A lɛ zuiŋ O na toɔ̃ faa la banaŋ naŋ tu O zie a wa Naaŋmen zie vuo zaa poɔ, O naŋ voorɔ tegitegilɛ kyɛ puoro korɔ ba zuiŋ.

Yel-iriwulaa Gane 20:4

Lɛ la ka N da nyɛ nakogri, ka ba da de kpeɛ̃õ ko a banaŋ naŋ zeŋ a nakogri zu ka ba di sɛrɛɛ. N da nyɛ la a banaŋ meŋ zuri ba naŋ da kyɛ-ŋmaa seere, ba naŋ da di a Yeezu danseɛ ane a Naaŋmen yelbiri danseɛ zuiŋ. Ba da ba puori a wɛdoŋɔ bee a o teebo, a da ba de a o ŋmaaroŋ a ba gberi bee ba nuuri eŋɛ. Ba da leɛ-iri voorɔ la ka ba ne Kirista da di naaloŋ yuomo turi.