Gyɔɔn 14:12 - Naaŋmen Nɔpaalaa Gane

¹² Yelmeŋɛ zaa ka N yele korɔ yɛ, soba na zaa naŋ sage de N yɛlɛ, o meŋ na toŋ la a toma N naŋ tonɔ. A soba sereŋ na toŋ la tombɛrɛ yaga gaŋ a ama, bonso, N gɛrɛ la a Saa zie.

Gyɔɔn 14:12 ပူးပေါင်းရင်းမြစ်များ

Matio Gane 21:21

Ka a Yeezu yeli sɔge ba, “Yelmeŋɛ ka N yele korɔ yɛ, ka yɛnee taa yeldeebo a ba bonnɔ, a ŋaa N naŋ e a kaŋkanteɛ yoŋ naane ka yɛ na toɔ̃ e, kyɛ ka yɛnee wa yeli ko a taŋ ŋa, ‘Iri gaa le mane koɔ̃ poɔ, a na e la a lɛ’.

Marko Gane 11:13

O da naŋ te be la tɔɔre kyɛ nyɛ kaŋkanteɛ naŋ te are a taa vaare. Lɛ la ka a Yeezu da gaa o pare ka O te nyɛ ka o taa la wɔmɔ be. O naŋ da ta a teɛ pare, O da ba nyɛ wɔne zaa, ka vaare yoŋ naane, bonso, a da ba waa kaŋkanne wɔmmo saŋ.

Marko Gane 16:17

A yelwulii ama la na tuuro a banaŋ naŋ sage de a yelbiri: A N yuori eŋɛ ba na digre la sefaare bara, kyɛ yele kɔkɔsaama;

Gyɔɔn 14:28

Yɛ woŋee la ka N da yeli ko yɛ, ‘N gɛrɛ la kyɛ na leɛ wa yɛ zie.’ Ka yɛnee da nɔŋ ma, yɛ da na kyellɛ la ne N naŋ gɛrɛ a Saa zie, bonso, a Saa taa la kpeɛ̃õ gaŋ ma.

Gyɔɔn 16:7

Kyɛ a yelmeŋɛ la ka N yele korɔ yɛ: A na e la velaa ko yɛ ka N gaa, bonso, ka maa ba gaa, a yɛ Soŋnɔ koŋ wa. Kyɛ ka maa wa gaa, N na toŋ O la ka O wa yɛ zie.

Gyɔɔn 4:37

Lɛ la ka a yeluu ŋa e yelmeŋɛ, ‘Neɛ kaŋ maŋ bore la, kyɛ ka kaŋ meŋ kyɛ.’

Gyɔɔn 5:20

A Saa nɔŋ la a Bidɔɔ, a maŋ wuli O a anaŋ zaa Ona meŋɛ naŋ maŋ erɛ. A Saa na wuli la a Bidɔɔ yelbɛrɛ naŋ gaŋ ŋaa, ka a na e yɛ nɔmaa.

Gyɔɔn 7:33

Lɛ la ka a Yeezu da yeli, “N koŋ la be a yɛ zie ka a kɔɔre yaga kyɛ ka N leɛ gaa a soba na naŋ toŋ ma zie.

Gyɔɔn 7:39

A ŋaa ka O da yeli kyaare ne a Vooroŋ Soŋ, Ona ka a yelderebɛ naŋ be O poɔ na nyɛ. Kyɛ a Vooroŋ Soŋ da naŋ ba wa sɛre, a Yeezu naŋ da naŋ ba nyɛ a O puubu zuiŋ.

Toma 10:46

bonso, ba da woŋee la ka ba yele kɔkɔsaama a kyɛ danna Naaŋmen. Lɛ la ka Piita da yeli:

Toma 16:18

O da erɛ la a ŋaa beri yaga, ka a Pɔɔl suuri da te iri yaga ka o leɛ yeli ko a sefaa, “A Yeezu Kirista yuori eŋɛ ka N yele korɔ fo, wa yi o eŋɛ.” Ka a sefaa da wa yi a gogo na poɔ.

Toma 19:12

ka a lɛ da vɛŋ ka ba da maŋ de a Pɔɔl hankyeɛ bee pɛn-ŋmaa zaa naŋ tɔ o eŋɛ a wa tɔ ne a baalba, ka ba baaloŋ da maŋ baare kyɛ ka sefaare yi ba enne.

Toma 2:33

Naaŋmen pãã da zɛge O la ka O do zeŋ O nuduluŋ seŋ, kyɛ ka O da de a Vooroŋ Soŋ a Saa naŋ da eŋ noɔre ka O na tere la, ona la ka O paale ne te ka yɛ nyɛ a kyɛ woŋ.

Toma 2:41

Lɛ la ka a banaŋ zaa naŋ da sage de a o yɛlɛ da de suobu. A lɛ daare noba naŋ da sage de a yɛlɛ a poɔ ba poɔ da ta ŋa noba turi ata.

Toma 4:16

Ba da soore la taa, “Boŋ ka te na e ne a noba bama? A e la weliweli ko banaŋ zaa naŋ be a Gyɛruzɛlɛm poɔ ka ba e la yelwulaa; te kontoɔ̃ yeli ka a ba waa lɛ.

Toma 4:33

A apostoliimine da di la danseɛ kpeɛŋaa zaa a kyaare ne a Daana Yeezu kuuni poɔ leɛ-iruu, kyɛ ka Naaŋmen garaase-kpoŋ da be ba zaa zie.

Toma 4:4

Kyɛ a noba yaga naŋ da woŋ a yelbiri da sage deɛ la. Ba da ta ŋa noba turaanuu.

Toma 5:15

A toŋkpeɛne ane a yelwulii a apostoliimine naŋ da erɛ zuiŋ, a noba da maŋ taa la baalba a yi ne a sobɛrɛ zu a te gaale gadori ne sɛnne zuri. Ba da maŋ e la lɛ, ka ka a Piita wa tɔlɔ ka o dasuoluŋ le ba mine zu.

Toma 6:7

A Naaŋmen yelbiri da yɛllɛ la ka a potuuribo meŋ da yɛllɛ yaga zaa a Gyɛruzɛlɛm teŋɛ poɔ kyɛ ka Naaŋmen bagmaalba yaga meŋ da sage de a Yeezu yɛlɛ.

Toma 8:7

bonso, sefaare da kyeerɛ la yaga zaa kyɛ yire a noba enneŋ; ka noba yaga naŋ da waa gbɛrɛɛ bee wɔɔre da nyɛ sammo.

Toma 9:34

A Piita da yeli ko o la, “Ɛnease, vaa-iri, maale a fo boŋganaa biŋ, Yeezu Kirista saŋ fo la!” Ka o da vaa-iri a daadaalɛ.

Toma 9:40

A Piita da eɛɛ la ka ba zaa yi, kyɛ ka o pãã da gbi dumo a puori. O da leɛ kyaare la a kũũ kyɛ yeli, “Tabita, vaa-iri.” Lɛ la ka o da yuo o nimie, kyɛ o naŋ da wa nyɛ a Piita o da iri zeŋɛɛ la.

Urom 15:19

N da moɔle la a Kirista yelnoore zaa a yi Gyɛruzɛlɛm a te ta Elarekum a tu a kpeɛ̃õ naŋ be a yelwulii ane nɔmaa toma eŋɛ ane a Naaŋmen Vooroŋ kpeɛ̃õ eŋɛ.