Gyɔɔn 14:11 - Naaŋmen Nɔpaalaa Gane

¹¹ Yɛ sage de a N yɛlɛ ka N be la N Saa poɔ, ka a Saa meŋ be a N poɔ. Ka yɛnee ba sage de a N yelbie gba, kyɛ yɛ kaa a N toma kyɛ sage de.

Gyɔɔn 14:11 ပူးပေါင်းရင်းမြစ်များ

Gyɔɔn 10:25

Ka a Yeezu da yeli sɔge, “N da yeli ko yɛ la kyɛ ka yɛ ba sage de. A toma N naŋ tonɔ a N Saa yuori eŋɛ dire la N danseɛ.

Gyɔɔn 10:32

Ka a Yeezu da soore ba, “N toŋ la tonsonne yaga naŋ yi a Saa zie wuli yɛ. A toma ŋa buo soba eŋɛ la ka yɛ na za ma ne a kubo?”

Gyɔɔn 10:38

Kyɛ ka maa wa tonɔ a N Saa toma, aneazaa ka yɛ ba sage de N yɛlɛ, kyɛ yɛ sage de a N tontonne, ka a lɛ vɛŋ ka yɛ woŋ kyɛ baŋ a tɛgɛ ka a Saa be la N poɔ ka N meŋ be a Saa poɔ.”

Gyɔɔn 14:10

Yɛ ba sage de ka N be la a Saa poɔ, ka a Saa meŋ be N poɔ be? A yelbie N naŋ yele korɔ yɛ ba e maa meŋɛ yɛlɛ ka N yele, kyɛ a Saa naŋ be a N poɔŋ la tonɔ O toma.

Gyɔɔn 14:20

A lɛ daare yɛ na baŋ ka N be la a N Saa poɔ, ka yɛ be N poɔ, kyɛ ka N meŋ be yɛ poɔ.

Gyɔɔn 5:36

Kyɛ N taa la danseɛ naŋ gaŋ a Gyɔɔn deni. A toma na N Saa naŋ ko ma ka N na toŋ te baare, a toma na ne a zu N naŋ tonɔ la dire danseɛ ka a Saa la toŋ ma.

Toma 2:22

Yɛnee naŋ waa Izerayɛl noba, yɛ eŋ toori kyɛlle woŋ bonna N naŋ taa na yeli: Yeezu a Naazɛrɛ Bie, neɛ Naaŋmen naŋ sage de a e ka o toŋ toŋkpeɛne ane nɔmaa toma ane yelwulii ka a sãã yɛ zie, aŋa yɛmenne naŋ baŋ lɛ.

Hiburu 2:4

kyɛ ka Naaŋmen meŋ di a danseɛ ne yelwulii ane nɔmaa toma ane yelseɛlɛ tɛɛtɛɛ, ane a Vooroŋ Soŋ kyɔɔtaare O naŋ tere a seŋ O naŋ boɔrɔ lɛ.