Gyɔɔn 14:10 - Naaŋmen Nɔpaalaa Gane

¹⁰ Yɛ ba sage de ka N be la a Saa poɔ, ka a Saa meŋ be N poɔ be? A yelbie N naŋ yele korɔ yɛ ba e maa meŋɛ yɛlɛ ka N yele, kyɛ a Saa naŋ be a N poɔŋ la tonɔ O toma.

Gyɔɔn 14:10 ပူးပေါင်းရင်းမြစ်များ

Gyɔɔn 10:30

Maa ne a Saa waa la yeni.”

Gyɔɔn 10:38

Kyɛ ka maa wa tonɔ a N Saa toma, aneazaa ka yɛ ba sage de N yɛlɛ, kyɛ yɛ sage de a N tontonne, ka a lɛ vɛŋ ka yɛ woŋ kyɛ baŋ a tɛgɛ ka a Saa be la N poɔ ka N meŋ be a Saa poɔ.”

Gyɔɔn 11:26

ka neɛzaa naŋ voorɔ kyɛ sage de N yɛlɛ daŋ koŋ kpi zaa. Fo sage de la a ŋaa bee?”

Gyɔɔn 12:49

N meŋɛ yɛlɛ naane ka N yele, kyɛ a Saa naŋ toŋ ma meŋɛ la ko ma noɔre kyaare ne yɛlɛ N naŋ na yeli ane yɛlɛ anaŋ naŋ seŋ ka N manne.

Gyɔɔn 14:11

Yɛ sage de a N yɛlɛ ka N be la N Saa poɔ, ka a Saa meŋ be a N poɔ. Ka yɛnee ba sage de a N yelbie gba, kyɛ yɛ kaa a N toma kyɛ sage de.

Gyɔɔn 14:20

A lɛ daare yɛ na baŋ ka N be la a N Saa poɔ, ka yɛ be N poɔ, kyɛ ka N meŋ be yɛ poɔ.

Gyɔɔn 14:24

Soba na zaa naŋ ba nɔŋ ma, ba tuuro N yɛlɛ. Kyɛ a yelbie yɛ naŋ wono ka a yire N zie ba e N meŋɛ yelbie, kyɛ a yi la a Saa naŋ toŋ ma zie.”

Gyɔɔn 17:8

bonso, N ko ba la a yelbie na fo naŋ da ko ma. Ba de la a yelbie kyɛ baŋ a yelmeŋɛ ka N yi la fo zie wa. Ba sage deɛ la ka fõõ la toŋ ma.

Gyɔɔn 3:2

O da wa la Yeezu zie tensogɔ saŋ a wa yeli ko O, “Wulwullo, te baŋ ka fo waa la wulwullo naŋ yi Naaŋmen zie. Bonso, neɛzaa koŋ baŋ e a yelwulii ama fo naŋ erɛ ka Naaŋmen ba kye o soba zie.”

Gyɔɔn 5:17

Kyɛ ka a Yeezu da leɛ yeli sɔge ba, “A N Saa naŋ kyɛnɛ tonɔ la toma, ka N meŋ naŋ tonɔ.”

Gyɔɔn 5:19

Ka Yeezu da yeli ko ba, “Serɛzaa ka N yele korɔ yɛ, a Bidɔɔ koŋ baŋ e yelzaa ne O meŋɛ faŋ, ka a naŋ ba e yeli na O naŋ nyɛ a Saa ka O erɛ yoŋ naane. Bonso, yeli na zaa a Saa naŋ erɛ, a lɛ ne a zu la ka a Bidɔɔ meŋ maŋ e.

Gyɔɔn 7:16

Lɛ la ka Yeezu da yeli sɔge ba, “A yɛlɛ N naŋ kanna ba waa N meŋɛ yɛlɛ, kyɛ a yi la a soba na naŋ toŋ ma zie.”

Gyɔɔn 8:28

Lɛ la ka a Yeezu da yeli, “Ka yɛnee wa te zɛge a Nensaala Bie ka O do saa, lɛ la ka yɛ na baŋ ka maa la a soba na. Yɛ pãã na baŋ ka N meŋɛ yɛlɛ naane ka N da erɛ, kyɛ yɛlɛ na a Saa naŋ ko ma noɔre la ka N da yele.

Gyɔɔn 8:38

Bon N naŋ nyɛ yi a N Saa zie la ka N yele korɔ yɛ, kyɛ yɛnee eŋ, yɛ erɛ bonna yɛ naŋ woŋ yi a Saa zie.”

Gyɔɔn 8:40

Kyɛ pampana ŋa, yɛ moɔrɔ la ka yɛ ko ma, neɛ naŋ yeli a yelmeŋɛ O naŋ woŋ yi a Naaŋmen zie ko yɛ. Ŋaa naane ka Aboraham da e.

Toma 10:38

lɛnɛɛ Naaŋmen naŋ da paale a Yeezu, a Naazɛrɛ Bie, ne a Vooroŋ Soŋ ane kpeɛ̃õ; lɛnɛɛ o naŋ da yɔ tonɔ tonsonne kyɛ saŋna banaŋ zaa a sebɛlbɛllɛ naŋ da dɔgrɔ, bonso, Naaŋmen da be la O zie.

Korinti 5:19

A tɛgɛ la, Naaŋmen da tu la a Kirista zie kyɛ maale O ne a andonɛɛ yɛlɛ ka a leɛ noma, a bare a ba saanaa ka a baare kyɛ de a leɛ maale taa tonnoɔre ko te ka te moɔlɔ korɔ a noba.

KOLO 1:19

Bonso, a Kirista poɔŋ la ka a Naaŋmen waaloŋ zaa da nɔŋ ka O be.

KOLO 2:9

Bonso, O eŋɛŋ la ka a Naaŋmennoŋ zaa be a eŋgannoŋ poɔ,

1 Gyn 5:7

Dansediribe bata la bebe: