Gyɔɔn 13:8 - Naaŋmen Nɔpaalaa Gane

⁸ Ka a Piita yeli ko O, “Fo daŋ koŋ pɛge a n gbɛɛ togitogi zaa.” Ka a Yeezu da leɛ yeli, “Ka maa ba pɛge fo gbɛɛ, fo koŋ la laŋne ma.”

Gyɔɔn 13:8 ပူးပေါင်းရင်းမြစ်များ

Matio Gane 16:22

Lɛ la ka Piita boɔle a Yeezu tage yi ne a noba poɔ a te nyare O zu a yele, “Daana! Naaŋmen ta sage ka a e a lɛ. Ka a yeli ŋa daŋ ta pɔge fo zaa.”

Matio Gane 21:29

Ka a bie yeli ko o, ‘N koŋ gaa’; kyɛ a lɛ puoriŋ ka o leɛ o teɛroŋ a gaa a weɛ.

Matio Gane 26:33

Ka Piita yeli ko O, “Haali ka ba zaa na zo yaare a fo zuiŋ, maa eŋ koŋ zo kyɛ bare fo.”

Matio Gane 26:35

Ka Piita yeli ko O, “Ka a naŋ na e feroo ka maa ne fo laŋ kpi gba, kyɛ N koŋ zagre fo bare.” Ka a potuuribo zaa meŋ yeli a lɛ.

Gyɔɔn 13:6

O naŋ da wa ta Saamon Piita zie, a Saamon Piita da yeli ko O la, “Daana, fo boɔrɔ la ka fo pɛge n gbɛɛ be?”

Gyɔɔn 13:9

Ka a Piita da yeli ko O, “Daana, ta pɛge n gbɛɛ yoŋ, kyɛ pɛge n nuuri ane n zu meŋ poɔ!”

Gyɔɔn 3:5

Ka Yeezu da yeli sɔge, “Serɛzaa ka N yele korɔ fo, neɛzaa koŋ baŋ kpɛ a Naaŋmen naaloŋ ka ba naŋ ba leɛ dɔge o ne koɔ̃ ane a Vooroŋ Soŋ.

Toma 22:16

Pampana ŋa, boŋ ka fo la kyɛllɛ? Iri, a de suobu, a boɔlɔ O yuori a fo yelbebe pɛgebo eŋɛ.’

1 Kor 6:11

Kyɛ a ŋaa la ka yɛ mine da waa, kyɛ ka ba da pɛge yɛ. Yɛ da nyɛ la pɛgeyiibu, a nyɛ bo-soŋ a Daana Yeezu Kirista yuori eŋɛ ane a te Naaŋmen Vooroŋ eŋɛ.

EFESU 5:26

ka ka O de a yelbiri pɛge ne o aŋa koɔ̃ ka o e soŋ.

KOLO 2:18

Yɛ ta vɛŋ ka neɛzaa yeli ka yɛ ba seŋ ne a, kyɛ yele o naŋ gaŋ yɛ, a nyɛrɛ nyaabo kyɛ puoro malekere, a wullo o meŋɛ ka a ba tu sori ne nensaalba teɛroŋ,

KOLO 2:23

A ama sereŋ waa seŋ ŋa yɛŋ yɛlɛ naŋ waana ne meŋɛ puoruu naŋ veɛlɛ, sigruumilluu ane neɛ naŋ eŋnɛ o eŋɛ dɔgroŋ kpoŋ, kyɛ ka a ba taa tɔnɔ zaa a kontoɔ̃ iri neɛ yi a eŋgane vɔlfaare poɔ.

TITU 3:5

O da faa te la ka a ba e ka te naŋ da toŋ mennoŋ toma zuiŋ la, kyɛ O nembaalonzoe zuiŋ la ka O tu a koɔ̃ suobu deebo eŋɛ a leɛ dɔge te kyɛ ko te a Vooroŋ Soŋ ka te leɛ e nempaalba.

Hiburu 10:22

yɛ e ka te tage ta Naaŋmen zie ne sukyiri menne naŋ paale ne yeldeebo, ka ba pɛge a te sukyie yelbebe bare ka te ta taa saanaa zaa ka a dɔɔnɔ te teɛroŋ kyɛ ka ba pɛge te enne ne koɔ̃ naŋ soma.

Yel-iriwulaa Gane 1:5

Ka a Yeezu Kirista, a yelmeŋɛ dansedire, a bidɛndɛŋ naŋ leɛ-iri yi a kũũ poɔ a kyɛ di naaloŋ a tendaa namine zaa zu ko yɛ garaaseɛ ane maaroŋ. Ka a Onaŋ naŋ nɔnɔ te a kyɛ faa te yi a te yelbebe poɔ ne a O zẽẽ,

Yel-iriwulaa Gane 7:14

Ka N da yeli sɔge o, “Neŋkpoŋ, fõõ la a soba na naŋ baŋ.” Lɛ la ka o da yeli ko ma, “A bama la a noba na naŋ yi a dɔgroŋ kpoŋ na poɔ; ba pɛge la a ba kparre a Pilee zẽẽ poɔ a e ka a e pelaa.