Gyɔɔn 13:5 - Naaŋmen Nɔpaalaa Gane

⁵ O pãã da kyiri la koɔ̃ eŋ laa poɔ a piili pɛgrɛ a O potuuribo gbɛɛ kyɛ maŋ de a bɔɔdowaa naŋ leŋ a O seɛŋ a meelɛ ne a ba gbɛɛ.

Gyɔɔn 13:5 ပူးပေါင်းရင်းမြစ်များ

Luka 7:38

O da wa are la a Yeezu puori a peɛle O gbɛɛ, a kono ŋmaara nentaŋ ka a lere a Yeezu gbɛɛ zu, ka o de o zukɔɔloŋ meelɛ ne a nentaŋ. Lɛ la ka o da moorɔ a Yeezu gbɛɛ kyɛ soɔrɔ ne kããsoŋ.

Luka 7:44

Lɛ la ka a Yeezu leɛ kyaare a pɔge kyɛ yeli ko a Saamon, “Fo nyɛ la a pɔge ŋa? N wa la fo yiri, fo ba ko ma koɔ̃ ka N pɛge N gbɛɛ, kyɛ a pɔge ŋa pɛge la N gbɛɛ ne o nentaŋ, a meele a ne o zukɔɔloŋ.

Gyɔɔn 13:10

Ka a Yeezu da yeli ko o, “Neɛ naŋ so koɔ̃ yi, ba la seŋ ka o pɛge o meŋɛ ka o gbɛɛ yoŋ pɛgoo naane. Kyɛ yɛnee eŋ so la koɔ̃ yi, kyɛ yɛ zaa naane so yi.”

Gyɔɔn 13:6

O naŋ da wa ta Saamon Piita zie, a Saamon Piita da yeli ko O la, “Daana, fo boɔrɔ la ka fo pɛge n gbɛɛ be?”

Gyɔɔn 13:8

Ka a Piita yeli ko O, “Fo daŋ koŋ pɛge a n gbɛɛ togitogi zaa.” Ka a Yeezu da leɛ yeli, “Ka maa ba pɛge fo gbɛɛ, fo koŋ la laŋne ma.”

Gyɔɔn 19:34

Kyɛ a sogyɛre kaŋ da de la kpane kyɔge ne a Yeezu lambori puo ka zẽẽ ne koɔ̃ da lantaa wa yi a daadaalɛ.

Toma 22:16

Pampana ŋa, boŋ ka fo la kyɛllɛ? Iri, a de suobu, a boɔlɔ O yuori a fo yelbebe pɛgebo eŋɛ.’

1 Kor 6:11

Kyɛ a ŋaa la ka yɛ mine da waa, kyɛ ka ba da pɛge yɛ. Yɛ da nyɛ la pɛgeyiibu, a nyɛ bo-soŋ a Daana Yeezu Kirista yuori eŋɛ ane a te Naaŋmen Vooroŋ eŋɛ.

EFESU 5:26

ka ka O de a yelbiri pɛge ne o aŋa koɔ̃ ka o e soŋ.

1 Tim 5:10

A seŋ ka o taa yosoŋ a o tonveɛle zuiŋ, a waa neɛ naŋ kaa o biiri ka ba baa, a derɛ saama saanoŋ, a maŋ pɛge a nensonne gbɛɛ, a soŋ a dɔgɛɛ deme kyɛ kpimare tonɔ tonveɛle yelzaa poɔ.

Hiburu 10:22

yɛ e ka te tage ta Naaŋmen zie ne sukyiri menne naŋ paale ne yeldeebo, ka ba pɛge a te sukyie yelbebe bare ka te ta taa saanaa zaa ka a dɔɔnɔ te teɛroŋ kyɛ ka ba pɛge te enne ne koɔ̃ naŋ soma.

1 Gyn 1:7

Kyɛ ka teneŋ wa kyɛnɛ a kyaane poɔ aŋa lɛ Naaŋmen meŋɛ naŋ be a kyaane poɔ, te taa la laŋne ne taa, ka a O Bie Yeezu zẽẽ pɛge a te yelbebe zaa bare.

1 Gyn 5:6

Yeezu Kirista la a soba na naŋ tu koɔ̃ ane zẽẽ zie wa. A ba e koɔ̃ yoŋ, kyɛ koɔ̃ ane zẽẽ la. Kyɛ a Vooroŋ Soŋ la a dansedire, bonso a Vooroŋ Soŋ la a yelmeŋɛ.

Yel-iriwulaa Gane 1:5

Ka a Yeezu Kirista, a yelmeŋɛ dansedire, a bidɛndɛŋ naŋ leɛ-iri yi a kũũ poɔ a kyɛ di naaloŋ a tendaa namine zaa zu ko yɛ garaaseɛ ane maaroŋ. Ka a Onaŋ naŋ nɔnɔ te a kyɛ faa te yi a te yelbebe poɔ ne a O zẽẽ,

Yel-iriwulaa Gane 7:14

Ka N da yeli sɔge o, “Neŋkpoŋ, fõõ la a soba na naŋ baŋ.” Lɛ la ka o da yeli ko ma, “A bama la a noba na naŋ yi a dɔgroŋ kpoŋ na poɔ; ba pɛge la a ba kparre a Pilee zẽẽ poɔ a e ka a e pelaa.