Gyɔɔn 13:3 - Naaŋmen Nɔpaalaa Gane

³ Yeezu naŋ da baŋ ka a Saa de la yelzaa eŋ O nuuriŋ, kyɛ la baŋ ka O yi la Naaŋmen zie wa kyɛ leɛ gɛrɛ Naaŋmen zie,

Gyɔɔn 13:3 ပူးပေါင်းရင်းမြစ်များ

Matio Gane 11:27

A N Saa de la a boma zaa ko ma. Neɛzaa ba baŋ a Bidɔɔ, ka a Saa yoŋ naane, ka neɛzaa meŋ ba baŋ a Saa ka a Bidɔɔ yoŋ naane, ane banaŋ yoŋ a Bidɔɔ naŋ boɔrɔ ka O wuli ba a Saa.”

Matio Gane 28:18

Ka a Yeezu wa yeli ko ba, “Ba ko Ma la kpeɛ̃õ zaa naŋ be sazu ane teŋɛ.

Luka 10:22

A N Saa de la a boma zaa ko ma. Neɛzaa ba baŋ neɛ na a Bidɔɔ naŋ waa, ka a Saa yoŋ naane. Neɛzaa meŋ ba baŋ neɛ na a Saa naŋ waa, ka a Bidɔɔ yoŋ naane ane banaŋ a Bidɔɔ naŋ boɔrɔ ka O de a Saa wuli ba.”

Gyɔɔn 1:18

Neɛzaa daŋ ba nyɛ Naaŋmen. A Naaŋmen Bi-yeni yoŋ naŋ peɛle a Saa, Ona la e ka noba baŋ a Naaŋmen.

Gyɔɔn 13:1

A Ista tigri naŋ da wa tara, a Yeezu da baŋ ka a saŋ taɛ la ka O na yi a teŋɛzu kyɛ a leɛ gaa a Saa zie. O naŋ da nɔnɔ a O noba naŋ be a teŋɛzu, O da nɔŋ ba la te ta a baaraa.

Gyɔɔn 17:2

Fo ko O la kpeɛ̃õ nensaalba zaa zu, ka O ko banaŋ zaa fo naŋ ko O nyɔvore naŋ ba taa baaroo.

Gyɔɔn 3:13

Neɛzaa daŋ ba do tenvelaa, ka a soba na naŋ yi a tenvelaa sigi wa yoŋ naane. Ona la a Nensaala Bie.

Gyɔɔn 3:35

A Saa nɔŋ la a Bidɔɔ, a de boma zaa eŋ O nuuriŋ.

Gyɔɔn 7:29

N baŋ O la, bonso O zie la ka N yi wa, Ona la toŋ ma.”

Gyɔɔn 7:33

Lɛ la ka a Yeezu da yeli, “N koŋ la be a yɛ zie ka a kɔɔre yaga kyɛ ka N leɛ gaa a soba na naŋ toŋ ma zie.

Gyɔɔn 8:14

Ka a Yeezu da yeli sɔge, “Ka maa leɛ dire N meŋɛ danseɛ gba, a N danseɛ e la yelmeŋɛ, bonso, N baŋ la zie na N naŋ yi wa ane zie na N naŋ gɛrɛ. Kyɛ yɛnee ba baŋ zie na N naŋ yi wa bee zie na N naŋ gɛrɛ.

Gyɔɔn 8:42

Ka a Yeezu da yeli ko ba, “Ka Naaŋmen da waa yɛ Saa, yɛ da na nɔŋ ma la, bonso, Naaŋmen zie la ka N yi, kyɛ pampana, maa la be kyɛ. N ba wa N meŋɛ waabo, kyɛ Ona la toŋ ma.

Toma 2:36

Azuiŋ yɛ vɛŋ ka a Izerayɛl noba zaa baŋ kyerete ka Naaŋmen zɛge la a Yeezu ŋa yɛ naŋ da kpa a dagaraa zu, ka O waa Daana ane Mɛzaaya.”

1 Kor 15:27

Bonso, “Naaŋmen de la a boma zaa biŋ a Kirista gbɛɛ puliŋ.” Kyɛ ka a gansoŋ wa yeli, “A boma zaa be la O gbɛɛ puliŋ,” a e la weliweli ka a soba na naŋ de a boma zaa biŋ O gbɛɛ puliŋ ba poɔ.

Hiburu 1:2

Kyɛ a bebi-baare ŋa poɔ, O tu la O Bidɔɔ zie a yeli yɛlɛ ko te. Ona la ka O iri ka O e a boma zaa gbandire. O zie meŋ la ka O tu kyɛ iri a boma zaa.