Gyɔɔn 13:14 - Naaŋmen Nɔpaalaa Gane

¹⁴ Azuiŋ, ka maa, a yɛ Daana ane yɛ Wulwullo wa pɛge yɛ gbɛɛ, a seŋ ka yɛ meŋ pɛgrɛ taa gbɛɛ.

Gyɔɔn 13:14 ပူးပေါင်းရင်းမြစ်များ

Gyɔɔn 11:2

A Mareya ŋa la da sɔ a Yeezu ne kãã-nyunoɔ kyɛ da de o zukɔɔloŋ meele ne a Yeezu gbɛɛ. A o yɔɔdɔɔ Laazoro da beɛrɛ la.

Toma 20:35

A yɛlɛ ama zaa poɔ, N wuli yɛ la ka toma tommo poɔ la ka te na toɔ̃ soŋ a nembaalba, kyɛ teɛre a yelbie a Daana Yeezu meŋɛ naŋ da yeli, ‘A e la maaloo yaga ka fo tere a gaŋ fo naŋ derɛ.’ ”

Urom 12:10

yɛ nɔnɔ taa ne yɔɔloŋ nɔmmo; yɛ vɛŋ ka yɛ kanzaa noba emmo maŋ zuo o tɔsoba deni.

Urom 12:16

Yɛ taa noɔre yeni ne taa, a ta erɛ pɔloo, kyɛ laŋna ne banaŋ naŋ ba e yuori noba, a ta wullo ka yɛ baŋ la yɛŋ zuo lɛ yɛ naŋ baŋ.

1 Kor 12:3

Azuiŋ, N boɔrɔ la ka yɛ baŋ ka neɛzaa naŋ yele yɛlɛ a Naaŋmen Vooroŋ eŋɛ kontoɔ̃ yeli, “Vɛŋ ka ba kaa-eŋ a Yeezu!” ka neɛzaa kontoɔ̃ yeli, “Yeezu la a Daana” ka a Vooroŋ Soŋ eŋɛ naane.

1 Kor 8:13

Azuiŋ ka bondiraa diibu na e ka ba faara lere, N daŋ koŋ ɔɔ nɛne zaa a ta wa e ka ba kanzaa le.

Korinti 10:1

Maa meŋɛ Pɔɔl sɔrɔ yɛ la ne a Kirista subaaloŋ ane O sumaaroŋ. Ba yeli ka ka maa wa are yɛ niŋesogɔ, N maŋ taa la Sigruumilluu, kyɛ waa gandaa ka maa wa yi yɛ zie!

Korinti 8:9

Bonso, yɛ baŋ la a te Daana Yeezu Kirista nɔmmo toma, aneazaa ka O da waa la bondaana, kyɛ O da leɛ la nandaana a yɛ zuiŋ, ka a O nandaanoŋ zuiŋ, ka yɛ na leɛ bondaanema.

Galesiya 5:13

N yɔɔmine ane n yɔɔpuuli, ba da boɔle yɛ la eŋ meŋɛ soobo poɔ; kyɛ yɛ ta vɛŋ ka a yɛ meŋɛ soobo ŋa leɛ ennoɔ yoŋ bon, kyɛ nɔmmo zuiŋ yɛ waa gbaŋgbaare ko taa.

Filipai Deme Gane 2:11

kyɛ ka zele zaa yeli ka Yeezu Kirista la a Daana ka a e puubu ko a Saa Naaŋmen.

1 Tim 5:10

A seŋ ka o taa yosoŋ a o tonveɛle zuiŋ, a waa neɛ naŋ kaa o biiri ka ba baa, a derɛ saama saanoŋ, a maŋ pɛge a nensonne gbɛɛ, a soŋ a dɔgɛɛ deme kyɛ kpimare tonɔ tonveɛle yelzaa poɔ.

Hiburu 12:2

a kaara Yeezu naŋ waa a te yeldeebo piiluu ane a baaroo zie. A Yeezu naŋ da kaa a noɔ naŋ bebe ko O nendaare kaŋ zuiŋ, O da sage kpi la a dagaraa zu, a ba zo vi, a pãã do zeŋ O zemmo zie a Naaŋmen naaloŋ nuduluŋ seŋ.

1 Pit 4:1

A Kirista naŋ da woŋ tuo a eŋgane poɔ zuiŋ, yɛ meŋ taa a teɛroŋ ŋa (bonso, neɛzaa naŋ woŋ tuo a eŋgane poɔ baarɛɛ yelbieri yɛlɛ),

1 Pit 5:5

A lɛ ne o zu, yɛ banaŋ naŋ waa baapaalba seŋ ka yɛ sagra a yɛ nembɛrɛ nɔɛ. Yɛ zaa seŋ ka yɛ taa Sigruumilluu ne taa, bonso, ba sɛge la a gansoŋ poɔ: “Naaŋmen maŋ zagre la a pɔloo deme yɛlɛ, kyɛ maŋ korɔ a Sigruumilluu deme garaaseɛ.”