Gyɔɔn 13:13 - Naaŋmen Nɔpaalaa Gane

¹³ Yɛ boɔlɔ ma la Wulwullo ane Daana; a yelmeŋɛ la a lɛ, bonso, a lɛ la ka N waa.

Gyɔɔn 13:13 ပူးပေါင်းရင်းမြစ်များ

Matio Gane 20:28

a ŋa lɛ a Nensaala Bie naŋ ba wa ka noba toŋ ko O, kyɛ O waɛ la ka O toŋ ko noba; a kyɛ de O nyɔvore yɔɔ de ne neŋyaga.”

Luka 10:28

Ka a Yeezu yeli ko o, “A yelmeŋɛ la a lɛ fo naŋ yeli. Erɛ a lɛ kyɛ fo na nyɛ la a nyɔvore naŋ ba taa baaroo.”

Luka 6:46

“Bonso ka yɛ boɔlɔ ma ‘Daana, Daana,’ kyɛ ba erɛ bonna N naŋ yele korɔ yɛ?

Luka 7:43

Ka a Saamon yeli sɔge, “N teɛre ka a soba na sane naŋ da e kpoŋ.” Ka a Yeezu yeli ko o, “A yelmeŋɛ la a lɛ ka fo yeli.”

Gyɔɔn 11:2

A Mareya ŋa la da sɔ a Yeezu ne kãã-nyunoɔ kyɛ da de o zukɔɔloŋ meele ne a Yeezu gbɛɛ. A o yɔɔdɔɔ Laazoro da beɛrɛ la.

Gyɔɔn 11:28

A Maata naŋ da wa yeli a ŋaa, o da leɛ gaa te boɔle la o yɔɔ Mareya a waale yeli ko o, “A wulwullo be la kyɛ, a boɔlɔ fo.”

Gyɔɔn 11:3

Lɛ la ka a Laazoro yɔɔpuuli da toŋ ka ba te yeli a Yeezu, “Daana, a soba na fo naŋ nɔŋ beɛrɛ la.”

1 Kor 12:3

Azuiŋ, N boɔrɔ la ka yɛ baŋ ka neɛzaa naŋ yele yɛlɛ a Naaŋmen Vooroŋ eŋɛ kontoɔ̃ yeli, “Vɛŋ ka ba kaa-eŋ a Yeezu!” ka neɛzaa kontoɔ̃ yeli, “Yeezu la a Daana” ka a Vooroŋ Soŋ eŋɛ naane.

1 Kor 8:6

kyɛ tenee eŋ zie, Naaŋmen yeni yoŋ la bebe, Ona la a Saa. O zie la ka a boma zaa yi kyɛ ka te voorɔ O zuiŋ. Kyɛ Daana yeni yoŋ la bebe, a Yeezu Kirista, a Onaŋ zie a boma zaa naŋ tu yi a wa bebe kyɛ ka te tu O zie a voorɔ.

EFESU 6:9

Yɛ banaŋ meŋ naŋ so a gbaŋgbaare, yɛ erɛ a lɛ ne o zu korɔ a gbaŋgbaare. Yɛ ta maŋ toɔrɔ dabeɛ̃ ennɛ ba, bonso, yɛ baŋ ka yɛ zaa taa la Daana yeni naŋ be tenvelaa poɔ naŋ ba erɛ nɔnne.

Filipai Deme Gane 2:11

kyɛ ka zele zaa yeli ka Yeezu Kirista la a Daana ka a e puubu ko a Saa Naaŋmen.

Filipai Deme Gane 3:8

A gaŋ a lɛ, N de la bonzaa ka a e zaglaa lɛ, bonso, a Kirista Yeezu N naŋ baŋ ka O waa n Daana seɛ la yaga zaa a gaŋ a anaŋ zaa N naŋ da taa. A Kirista zuiŋ N kɔŋ la bonzaa, a nyɛ ka a ba taa tɔnɔ ka ka N na toɔ̃ de a Kirista yɛlɛ,

Gyimisi 2:19

Yɛ sage deɛ la ka Naaŋmen e la yeni; yɛ mɔɛ la. A sefaare meŋ gba sage deɛ la; a zoro dabeɛ̃ kyɛ miine.