Gyɔɔn 13:1 - Naaŋmen Nɔpaalaa Gane

¹ A Ista tigri naŋ da wa tara, a Yeezu da baŋ ka a saŋ taɛ la ka O na yi a teŋɛzu kyɛ a leɛ gaa a Saa zie. O naŋ da nɔnɔ a O noba naŋ be a teŋɛzu, O da nɔŋ ba la te ta a baaraa.

Gyɔɔn 13:1 ပူးပေါင်းရင်းမြစ်များ

Matio Gane 26:45

Lɛ la ka O da leɛ wa a potuuribo zie a wa soore ba, “Yɛ naŋ kyɛnɛ gbire la a pɛnnɛɛ? Yɛ nyɛ, a saŋ taɛ la ka ba iri a Nensaala Bie eŋ a yelbe-erebɛ nuuriŋ.

Matio Gane 28:20

a wullo ba ka ba tuuro a yɛlɛ na zaa N naŋ ko yɛ noɔre. Kyɛ yɛ baŋ ne a, N be la yɛ zie tegitegilɛ, a na te ta a teŋɛ baaroo saŋ.”

Luka 22:53

Bebiri zaa ka N da maŋ laŋne yɛ a Naaŋmen die poɔ, kyɛ ka yɛ kanzaa daŋ ba zɛge nu seene ma. Kyɛ a yɛ saŋ ane a ligruŋ kpeɛ̃õ la a ŋaa!”

Luka 9:51

A bebie naŋ da wa te doŋnɔ ka ba de a Yeezu do saa, O da leɛ la O niŋe kyaare ne Gyɛruzɛlɛm gaabo.

Gyɔɔn 11:55

A Gyuumine Ista tigri da peɛlɛ la, ka noba yaga da yi a tembilii poore gaa Gyɛruzɛlɛm ka ba te peere bamenne kyɛ ka a tigri pãã ta.

Gyɔɔn 12:23

Ka a Yeezu da yeli sɔge ba, “A saŋ taɛ la ka a Nensaala Bie na nyɛ puubu.

Gyɔɔn 13:29

Ka ba mine da teɛre ka a Gyudase naŋ da e a ba libi-binne la so ka Yeezu da yele korɔ o, “Te da a boma te naŋ na di ne a tigri”; bee, ka o ko a nembaalba bonkaŋ.

Gyɔɔn 13:3

Yeezu naŋ da baŋ ka a Saa de la yelzaa eŋ O nuuriŋ, kyɛ la baŋ ka O yi la Naaŋmen zie wa kyɛ leɛ gɛrɛ Naaŋmen zie,

Gyɔɔn 13:34

N eŋnɛ la nɔpaalaa korɔ yɛ, yɛ nɔnɔ taa. Aŋa N naŋ da nɔŋ yɛ lɛ, yɛ meŋ nɔnɔ taa.

Gyɔɔn 14:28

Yɛ woŋee la ka N da yeli ko yɛ, ‘N gɛrɛ la kyɛ na leɛ wa yɛ zie.’ Ka yɛnee da nɔŋ ma, yɛ da na kyellɛ la ne N naŋ gɛrɛ a Saa zie, bonso, a Saa taa la kpeɛ̃õ gaŋ ma.

Gyɔɔn 14:31

Kyɛ N erɛ la lɛ N Saa naŋ eŋ noɔre ko ma ka ka a teŋɛzu noba na baŋ ka N nɔŋ la a Saa. Yɛ iri ka te gaa.”

Gyɔɔn 16:28

A Saa zie la ka N da yi wa a teŋɛzu, kyɛ N la yire la a teŋɛzu a leɛ gɛrɛ a Saa zie.”

Gyɔɔn 17:1

A Yeezu naŋ da wa yeli a yelbie ama baare, O da gbole kaa la sazu kyɛ yeli, “N Saa, a saŋ taɛ la. Iri a fo Bidɔɔ yuori, ka a fo Bidɔɔ meŋ pãã iri a fo yuori.

Gyɔɔn 17:16

Ba ba poɔ a tendaa noba poɔ aŋa N naŋ ba poɔ a tendaa noba poɔ lɛ.

Gyɔɔn 17:26

N eɛɛ la ka ba baŋ a fo yuori, kyɛ na e ka ba baŋ o. Lɛ la ka a nɔmmo fo naŋ nɔŋ ma na be ba poɔ, kyɛ ka N be ba poɔ.”

Gyɔɔn 17:5

Pampana ŋa, N Saa, pãã iri N yuori a fo meŋɛ niŋesogɔ ne a yuori na N naŋ da taa fo zie kyɛ ka a tendaa wa bebe.”

Gyɔɔn 18:4

A Yeezu naŋ pãã da baŋ bonna zaa naŋ da waana ka a e O, O da yi wa soore ba la, “Aŋ la ka yɛ boɔrɔ?”

Gyɔɔn 19:28

A ŋaa puoriŋ, a Yeezu naŋ da wa baŋ ka a yɛlɛ zaa pãã da baarɛɛ la, O da yelee la: (ka a gansoŋ poɔ yɛlɛ na tu a tuubu) “Kɔŋnyuuri kpeɛrɛ ma la.”

Gyɔɔn 2:13

A Gyuumine Ista tigri naŋ da wa peɛlɛ, Yeezu da do la Gyɛruzɛlɛm.

Gyɔɔn 6:4

A Gyuumine Ista tigri da tara la.

Gyɔɔn 7:30

Lɛ la ka ba da mɔ ka ba nyɔge O, kyɛ neɛzaa da ba de o nu seene O, a O saŋ naŋ da naŋ ba ta sɛre zuiŋ.

Gyɔɔn 7:6

A Yeezu da yeli ko ba la, “A N saŋ naŋ ba ta sɛre, kyɛ yɛnee eŋ a yɛ saŋ maŋ ta la tegitegilɛ.

Gyɔɔn 8:20

A Yeezu da yeli la a yɛlɛ ama O naŋ da are a libie emmo zie a Naaŋmen die poɔ a kanna noba, kyɛ neɛzaa da ba nyɔge O, a O saŋ naŋ da naŋ ba ta sɛre zuiŋ.

Urom 8:37

Ai, a ama zaa poɔ, te gaŋ la zɔɔtoɔ̃neba a yi a soba na naŋ nɔŋ te zie.

1 Kor 1:8

Ona meŋ la na e ka yɛ taa faŋ a te ta a baaraa, ka yɛ koŋ taa saanaa a te Daana Yeezu Kirista waabo bebiri daare.

Hiburu 3:14

Bonso, te leɛ la a Kirista tonton-taaba ka tenee wa nyɔge a te dɛndɛŋ yeldeebo taa kpeɛŋaa te ta a baaraa saŋ.

Hiburu 3:6

Kyɛ Kirista naŋ waa a Naaŋmen bidɔɔ, O da taa la yelmennoŋ a Naaŋmen yiri zaa zu. Tenee la a O yiri, ka teneŋ wa nyɔge a te bambaare taa kpeɛŋaa ane a pɔloo naŋ kyaare ne teɛretɔroo.

Hiburu 6:11

Kyɛ te boɔrɔ la ka yɛ yeni yeni zaa eŋ faŋ a lɛ ne o zu, ka yɛ na toɔ̃ taa bambaare teɛretɔroo te ta a baaraa,

1 Pit 1:13

Azuiŋ, yɛ nare yɛ teɛroŋ gu ka yɛ toŋ toma. Yɛ baŋ yɛmenne taabo; a de yɛ teɛretɔroo zaa eŋ a garaaseɛ na a Yeezu Kirista naŋ na wa ko yɛ ka O naŋ wa wa.

1 Gyn 4:19

Te nɔŋ O la, bonso, Ona la daŋ nɔŋ te.

Yel-iriwulaa Gane 1:5

Ka a Yeezu Kirista, a yelmeŋɛ dansedire, a bidɛndɛŋ naŋ leɛ-iri yi a kũũ poɔ a kyɛ di naaloŋ a tendaa namine zaa zu ko yɛ garaaseɛ ane maaroŋ. Ka a Onaŋ naŋ nɔnɔ te a kyɛ faa te yi a te yelbebe poɔ ne a O zẽẽ,