Gyɔɔn 12:41 - Naaŋmen Nɔpaalaa Gane

⁴¹ A Azaaya da yeli la a yɛlɛ ŋa kyaare ne a Yeezu, bonso, o da nyɛ la O puubu.

Gyɔɔn 12:41 ပူးပေါင်းရင်းမြစ်များ

Luka 24:27

O pãã da piili ne la a Moozul yelsɛgre gama poɔ yɛlɛ ane a Ŋmen-yelmanneba sɛgre gama zaa, a manne yɛlɛ zaa naŋ kyaare ne O meŋɛ a gansonne poɔ a ko ba.

Gyɔɔn 1:14

Ka a Yelbiri da leɛ nensaala, a wa zeŋ te poɔ, ka te nyɛ O puubu. Ka a O puubu te tɔgle ne a saa bidɔɔ yeni puubu, naŋ paale ne garaaseɛ ane yelmennoŋ.

Gyɔɔn 1:18

Neɛzaa daŋ ba nyɛ Naaŋmen. A Naaŋmen Bi-yeni yoŋ naŋ peɛle a Saa, Ona la e ka noba baŋ a Naaŋmen.

Gyɔɔn 14:9

Ka a Yeezu da soore o, “Filipi, N naŋ be a yɛ zie te kɔɔre seŋ a ŋaa, kyɛ ka yɛ naŋ ba baŋ ma? Neɛ na zaa naŋ nyɛ ma nyɛ la a Saa. Wola ka fo na yeli, ‘Wuli te a Saa’?

Gyɔɔn 5:39

“Yɛ maŋ sɔre la, a boɔrɔ yɛlɛ a gansoŋ poɔ, bonso, yɛ teɛre ka a poɔ la ka yɛ na nyɛ nyɔvore naŋ ba taa baaroo, kyɛ a gansoŋ ŋa poɔ yɛlɛ la di N danseɛ.

Toma 10:43

A Ŋmen-yelmanneba zaa di la O danseɛ ka neɛzaa naŋ de O yɛlɛ na nyɛ la yelbebe sudi a O yuori eŋɛ.”

Korinti 4:6

Bonso, Ona la a Naaŋmen naŋ da yeli, “Vɛŋ ka veɛloŋ puri sãã ligruŋ poɔ.” Ona meŋɛ la e ka a O veɛloŋ kyaane a te sukyie poɔ, ka te na baŋ a Naaŋmen puubu na naŋ sãã a Kirista niŋesogɔ.

Hiburu 1:3

Ona la a Naaŋmen veɛloŋ naŋ kyuoli sãã ane a Naaŋmen waaloŋ meŋɛ zaa tɔre, kyɛ nyɔge a boma zaa taa ka a are ne a O yelbiri kpeɛ̃õ. O naŋ da wa peere yelbebe zaa bare, O da zeŋ la a Naaloŋ Soba nuduluŋ seŋ a sazu poɔ.

1 Pit 1:11

Ba da peɛrɛɛ la ka ba baŋ a soba bee a saŋ a Kirista Vooroŋ naŋ be a ba poɔ a boɔrɔ ka O yeli, O naŋ da daŋ di danseɛ kyaare ne a dɔgɛɛ ba naŋ da nare biŋ a Kirista ane a puubu naŋ na tu a lɛ puoriŋ.

Yel-iriwulaa Gane 19:10

Lɛ la ka N da le vɔgle muro o gbɛɛ puliŋ ka N puori o, kyɛ ka o da yeli ko ma, “A ba fere ka fo e a lɛ! N waa la fo tonton-tɔsoba a laŋ ne a fo yɔɔmine banaŋ naŋ sage de a Yeezu danseɛ. Puoro Naaŋmen! Bonso a Yeezu danseɛ la korɔ a banaŋ naŋ yele Ŋmen-yelmanneba yelyelii kpeɛ̃õ.”