Gyɔɔn 12:36 - Naaŋmen Nɔpaalaa Gane

³⁶ Yɛ naŋ taa a kyaane, yɛ sage de a kyaane yɛlɛ, ka a lɛ e ka yɛ leɛ a kyaane biiri.” A Yeezu naŋ da wa yeli a ŋaa baare, O da yi la a noba poɔ a te sɔgle O meŋɛ.

Gyɔɔn 12:36 ပူးပေါင်းရင်းမြစ်များ

Matio Gane 21:17

O da bare ba la, kyɛ yi a teŋkpoŋ poɔ a gaa Bɛtani te gaŋ a be ka zie nyaa.

Matio Gane 5:14

Yɛnee la a teŋɛzu veɛloŋ. Teŋkpoŋ naŋ are taŋzu koŋ baŋ sɔgle.

Luka 16:8

A tontonɔ ŋa naŋ da ba taa yelmeŋɛ daana da puu o la, ne a nyaayɛlɛ o naŋ da e, bonso, a teŋɛ ŋa zu biiri nyaa gaŋ la a veɛloŋ biiri a ne lɛ ba na maŋ e ko ba boorɔ noba.

Gyɔɔn 1:7

O da e la dansedire a wa ka O di a veɛloŋ danseɛ, ka ka noba na tu a o zie kyɛ sage de a Naaŋmen yɛlɛ.

Gyɔɔn 11:54

A lɛ zuiŋ, Yeezu da ba la sagra kpeɛrɛ a Gyuumine poɔ. O da yi la a be gaa teŋɛ kaŋ ba naŋ boɔlɔ Eferem naŋ be a paaloŋ kaŋ naŋ peɛle a wɛgyɛŋ ka O ne a O potuuribo da te be a be.

Gyɔɔn 12:37

Aneazaa ka Yeezu da e la yelwulii yaga ba niŋesogɔ, ba da ba sage de O yɛlɛ.

Gyɔɔn 12:46

N waa la kyaane naŋ wa a teŋɛzu, ka ka neɛ na zaa naŋ wa sage de N yɛlɛ koŋ la be lige poɔ.

Gyɔɔn 3:21

Kyɛ banaŋ naŋ tuuro a yelmeŋɛ sori maŋ yire la a veɛloŋ poɔ, ka ba na nyɛ ka a sãã weliweli ka a ba yel-erre yi la Naaŋmen zie.”

Gyɔɔn 8:12

A Yeezu da laboreŋ yeli la yɛlɛ ko a noba, a yele, “Maa la a andonɛɛ kyaane. Soba na zaa naŋ tuuro ma daŋ koŋ baŋ kpɛ lige poɔ, kyɛ o na taa la nyɔvore kyaane.”

Gyɔɔn 8:59

Lɛ la ka a noba da wuo kubo a na za ne a Yeezu, ka O da sɔgle muri yi a Naaŋmen die poɔ.

EFESU 5:8

Bonso, saŋ kaŋ yɛ da be la ligruŋ poɔ kyɛ pampana, a Daana eŋɛ, yɛ be la kyaane poɔ. Yɛ taa yɛ nyɔvoɛ aŋa kyaane biiri,

I Tesa 5:5

bonso, yɛ zaa waa la kyaane ane ŋmenaa bibiiri; te ba waa a tensogɔ bee lige bibiiri.

I Tesa 5:8

Kyɛ te naŋ waa a ŋmenaa noba, yɛ vɛŋ ka te taa temenne velaa, kyɛ de yeldeebo ane nɔmmo ka a waa aŋa kuri kparoo ba naŋ maŋ su pɔge a nyaa, a de a faabo teɛretɔroo vɔgle aŋa kpogli.