Gyɔɔn 12:32 - Naaŋmen Nɔpaalaa Gane

³² Kyɛ maa eŋ, ka ba naŋ wa zɛge ma a teŋɛ ŋa zu ka N do saa, N na tage la nensaalba zaa wa ne N zie.”

Gyɔɔn 12:32 ပူးပေါင်းရင်းမြစ်များ

Gyɔɔn 1:7

O da e la dansedire a wa ka O di a veɛloŋ danseɛ, ka ka noba na tu a o zie kyɛ sage de a Naaŋmen yɛlɛ.

Gyɔɔn 12:34

A nembeɛoŋ da yeli sɔge O la, “Te da woŋee la yi a Naaŋmen begɛ poɔ ka a Mɛzaaya na bebe la tegitegilɛ. Wola ka fo pãã yele ka a ferɛɛ la ka ba zɛge a Nensaala Bie ka o do saa? Nembuo la a Nensaala Bie ŋa?”

Gyɔɔn 18:32

(A ŋaa da eɛɛ la ka a tu lɛ a Yeezu naŋ da yeli, O naŋ da manna wullo kũũ na tɔ O naŋ na kpi.)

Gyɔɔn 19:17

a e ka O da tuo a dagaraa O meŋɛ a gaa ne a zie na ba naŋ boɔlɔ Zukɔɛ zie, ka a Hiburu kɔkɔre poɔ ka ba boɔlɔ Golgota.

Gyɔɔn 3:14

Aŋa lɛ Moozul naŋ da zɛge a kuri waabo ka o do saa a wɛgyɛŋ poɔ, lɛ meŋ la ka a fere ka ba zɛge a Nensaala Bie ka O do saa.

Gyɔɔn 6:44

Neɛzaa koŋ baŋ wa N zie, ka a Saa naŋ toŋ ma ba tage o soba wa ne, ka N pãã e ka o soba leɛ-iri a bebi-baaraa daare.

Gyɔɔn 8:28

Lɛ la ka a Yeezu da yeli, “Ka yɛnee wa te zɛge a Nensaala Bie ka O do saa, lɛ la ka yɛ na baŋ ka maa la a soba na. Yɛ pãã na baŋ ka N meŋɛ yɛlɛ naane ka N da erɛ, kyɛ yɛlɛ na a Saa naŋ ko ma noɔre la ka N da yele.

Galesiya 3:13

A Kirista faa te la yi a bege kaa-emmo poɔ ne O meŋɛ naŋ leɛ neɛ ba naŋ kaa-eŋ te zuiŋ; bonso ba sɛgɛɛ la, “Soba na zaa ba naŋ yagle teɛ zu waa la neɛ ba naŋ kaa-eŋ.”

1 Tim 2:6

a da de O meŋɛ tere a yɔɔ de nensaalba zaa; ba da di la a yeli ŋa danseɛ a saŋ meŋɛ naŋ da wa ta.

Hiburu 2:9

kyɛ te nyɛ la Yeezu, Ona la ka Naaŋmen da sigri bebie belaa lɛ gaŋ a malekere. Kyɛ pampana, Naaŋmen ko O la puubu ane emmo, a dɔgɛɛ kũũ O naŋ kpi zuiŋ ka ka a Naaŋmen garaaseɛ eŋɛ ka O na kpi ko neɛzaa.

1 Pit 2:24

O meŋɛ la da tuo a te yelbebe a O eŋɛŋ a dagaraa zu, ka ka te na faa temenne yi yelbebe poɔ a kyɛnɛ mennoŋ poɔ. A O felɛ zuiŋ, yɛ nyɛ la baaloŋ sammo.

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

1 Gyn 2:2

Ona la de O nyɔvore maale a te yelbebe sudi bagre, a te yoŋ yelbebe sudi naane kyɛ a tendaa noba zaa yelbebe sudi eŋɛ la.

Yel-iriwulaa Gane 5:9

Ba da yiele la yieluŋ paalaa: “Fo seŋɛɛ la ka fo de a gane a lagre a suni bare, bonso, ba da ko fo la, kyɛ ka fo da de fo zẽẽ yɔɔ de ne nensonne naŋ yi a bale zaa poɔ ane kɔkɔɛ zaa poɔ ane nemboorɔ zaa poɔ ane tenne zaa poore ko Naaŋmen.