Gyɔɔn 12:27 - Naaŋmen Nɔpaalaa Gane

²⁷ “Pampana ŋa N teɛroŋ zaa gyɛrɛɛ la. Boŋ ka N na yeli, ‘N Saa, faa ma yi a tuo ŋa poɔ be’? Ai, a ŋaa zuiŋ la ka N bebe wa ta a tuo ŋa saŋ.

Gyɔɔn 12:27 ပူးပေါင်းရင်းမြစ်များ

Matio Gane 11:25

A saŋ na, Yeezu da yelee la, “N Saa, sazu ane teŋɛ Daana, N puoro fo la bareka, ne fo naŋ sɔgle a yɛlɛ ama a yɛndeme ane bambaŋnema zie kyɛ iri a wuli bilɛɛre;

Matio Gane 11:26

õõ, N Saa, a fo poboɔbo soŋ la a lɛ.

Matio Gane 26:42

A Yeezu da la maaleŋ gaa la a boyi soba a te puori a yele, “N Saa, ka a zuŋmanekoɔ̃ ŋa kontoɔ̃ wa pare ma bare, kyɛ ka a ferɛ ka N nyu o, ka a e seŋ lɛ fo naŋ boɔrɔ.”

Matio Gane 26:45

Lɛ la ka O da leɛ wa a potuuribo zie a wa soore ba, “Yɛ naŋ kyɛnɛ gbire la a pɛnnɛɛ? Yɛ nyɛ, a saŋ taɛ la ka ba iri a Nensaala Bie eŋ a yelbe-erebɛ nuuriŋ.

Luka 22:44

A Yeezu da puoree la ane O poɔ zaa a O dɔgɛɛ poɔ, a da puri wale ka a kyire binne teŋɛ aŋa zẽẽ gbulo.]

Luka 22:53

Bebiri zaa ka N da maŋ laŋne yɛ a Naaŋmen die poɔ, kyɛ ka yɛ kanzaa daŋ ba zɛge nu seene ma. Kyɛ a yɛ saŋ ane a ligruŋ kpeɛ̃õ la a ŋaa!”

Gyɔɔn 11:41

Lɛ la ka ba da billi a kuuri bare. A Yeezu pãã da gbole kaa la sazu kyɛ yeli, “N Saa, N puori fo la bareka ne fo naŋ kyɛlle woŋ a N puoruu.

Gyɔɔn 12:23

Ka a Yeezu da yeli sɔge ba, “A saŋ taɛ la ka a Nensaala Bie na nyɛ puubu.

Gyɔɔn 13:21

A Yeezu naŋ da wa yeli a ŋaa baare, o teɛroŋ da dɔɔnɔ O la ka O da yeli, “Yelmeŋɛ zaa la ka N yele korɔ yɛ, yɛ kaŋ na yi la N puori a de ma tere.”

Gyɔɔn 18:37

Ka a Pilato da soore O, “Ka lɛ fo waa la naa wɛ?” Ka a Yeezu da leɛ yeli, “Fõõ la yeli ka N waa la naa. A ŋaa zuiŋ la ka ba dɔge ma, ka N wa di a yelmeŋɛ danseɛ ko a tendaa noba. Neɛzaa naŋ waa a yelmeŋɛ soba maŋ kyɛllɛ la a N noɔre yɛlɛ.”

1 Tim 1:15

A yeluu ŋa sereŋ taa la dɛloo a seŋ ne deebo, ka a Kirista Yeezu da wa la a teŋɛzu ka O faa yelbe-erebɛ; kyɛ maa la e yelbieri gaŋ ba zaa.

Hiburu 2:14

A naŋ waa ka a bibiiri laŋ la nensaala waaloŋ, lɛ la ka a Yeezu meŋ da e nensaala ka ka a O kũũ poɔ, ka O na sãã a soba na naŋ taa a kũũ kpeɛ̃õ, ona la a sebɛlbɛllɛ,

Hiburu 5:7

A Yeezu teŋɛzu nyɔvore saŋ, O da puoree la ane sɔroo, a ŋmɛ kpɛlle a ŋma nentaŋ a ko a soba na naŋ na toɔ̃ faa O yi ne kũũ poɔ, ka O da kyɛlle woŋ O yɛlɛ a O emmo ane O meŋɛ sigruu zuiŋ.