Gyɔɔn 12:20 - Naaŋmen Nɔpaalaa Gane

²⁰ Giriki noba mine da poɔ la a noba na naŋ da gaa a tigri zie ka ba te puori.

Gyɔɔn 12:20 ပူးပေါင်းရင်းမြစ်များ

Marko Gane 7:26

A pɔge da waa la a Nemboore-yobo neɛ kaŋ a yi Sarofonisiya paaloŋ neɛ. O da wa sɔre la a Yeezu ka O digi a sefaa ka o yi a o pɔg-yalee eŋɛ.

Gyɔɔn 12:1

A naŋ da kyɛre beri ayoɔbo kyɛ ka a Ista tigri na ta, Yeezu da gaa la Bɛtani teŋɛ. Be la ka Laazoro, a neɛ na Yeezu naŋ da e ka o leɛ-iri yi a kuuni poɔ da kpeɛrɛ.

Gyɔɔn 12:19

A Faraziimine pãã da yele korɔ la taa, “Yɛ nyɛɛ la, yɛ koŋ baŋ e yelzaa. Nyɛ, a tendaa zaa la tuuro O!”

Gyɔɔn 7:35

A Gyuumine da soorɔ la taa, “Yeŋ la ka a dɔɔ ŋa boɔrɔ ka O gaa ka te koŋ baŋ nyɛ O? O mɔɔ boɔrɔ la ka O gaa a Gyuumine naŋ yaare be a Giriki noba poɔ a te kanne a Giriki noba be?

Toma 14:1

A lɛ ne o zu la da e a Ikoniyo teŋɛ poɔ, a saŋ Pɔɔl ane Banabase naŋ da kpɛ a Gyuumine puoruudie poɔ. Ba da yeli la yɛlɛ velaa ka a Gyuumine ane Giriki noba yaga da sage de a Yeezu yɛlɛ.

Toma 16:1

A Pɔɔl da gaa la Dɛɛbe meŋ a yi be gaa Lisitera. A Yeezu potuuro kaŋ da be la a Lisitera teŋɛ poɔ ka o yuori di Timoti. O ma da waa la Gyuumine pɔgeyaa naŋ sage de a Yeezu yɛlɛ, kyɛ ka o saa da waa Giriki neɛ.

Toma 17:4

A noba mine ane a Giriki deme neŋyaga naŋ puoro Naaŋmen nimizeɛ zaa ane pɔgeyoe yaga da sage de la a yɛlɛ a da tu a Pɔɔl ane Selase puori.

Toma 20:21

N da di la danseɛ ko a Gyuumine ane Giriki noba ka ba leɛ ba eebo yi ba yelbebe poɔ a wa Naaŋmen zie kyɛ taa yeldeebo ne a te Daana Yeezu.

Toma 21:28

a kyeerɛ yele, “Te taaba Izerayɛl biiri, yɛ soŋ! A dɔɔ ŋa la wullo a noba zaa, a ziiri zaa ka ba kyiire a te noba ane a Naaŋmen begɛ ane a zie ŋa. A lɛ yoŋ naane, o taa la Giriki noba wa kpɛ ne a Naaŋmen die, a sãã a zisoŋ ŋa.”

Toma 8:27

A lɛ la ka o da vaa-iri gaa. A Etopiya teŋɛ dɔɔ kaŋ naŋ da waa dɔɔ-varaa da e la Kandase sɛrediribe neŋkpoŋ. A dɔɔ ŋa da e la a Etopiya pɔgenaa tontonɔ naŋ da kaara a pɔgenaa libie zu. O da wa la Gyɛruzɛlɛm ka o wa puori

Urom 1:16

N ba zoro a Ŋmen-yelnoore vi, bonso, o waa la Naaŋmen kpeɛ̃õ a ko neɛzaa naŋ taa yeldeebo ka o nyɛ faabo. A Gyuumine la a danweɛ deme, kyɛ ka a Giriki noba meŋ pãã tu.

Urom 10:12

Bonso, tɛɛtɛɛ ba kye Gyuumine ane a Giriki noba sogɔŋ; a Daana ne O zu la e ba zaa Daana, a korɔ neɛzaa naŋ sɔre bon yi O zie.

Galesiya 2:3

Kyɛ Tiitu meŋ gba naŋ da be n zie, ba da ba fere o ka o iri o dɛgre, aneazaa ka o da waa la Giriki neɛ.

Galesiya 3:28

Azuiŋ te ba la taa Gyuu neɛ bee Giriki neɛ, a ba la taa gbaŋgbaare bee noba naŋ ba waa gbaŋgbaare, a ba la taa dɔɔ bee pɔge; bonso yɛ zaa waa la yeni a Kirista eŋɛ.

KOLO 3:11

A nyɔvo-paalaa ŋa poɔ, tɛɛtɛɛ ba la kye Giriki noba ane a Gyuumine sogɔŋ, neɛ ba naŋ iri o dɛgre ane neɛ ba naŋ ba iri o dɛgre, saama, noba nimie naŋ ba yuo, gbaŋgbaare ane noba naŋ so bamenne; kyɛ a Kirista la a boma zaa, a be a boma zaa poɔ!