Gyɔɔn 12:17 - Naaŋmen Nɔpaalaa Gane

¹⁷ Lɛ la ka a nembeɛoŋ na naŋ da bebe kyɛ ka a Yeezu da boɔle a Laazoro ka o yi a yaa poɔ, a leɛ voorɔ, da dire a yɛlɛ danseɛ.

Gyɔɔn 12:17 ပူးပေါင်းရင်းမြစ်များ

Gyɔɔn 1:19

Ŋaa la ka Gyɔɔn da di a danseɛ, a saŋ na a Gyuumine naŋ da toŋ a Naaŋmen bagmaalba ane a Levi boorɔ noba ka ba yi Gyɛruzɛlɛm a gaa te soore o, “Nembuo la fo?”

Gyɔɔn 1:32

A Gyɔɔn da di la danseɛ a yele, “N da nyɛ la a Vooroŋ Soŋ ka O waa ŋa ŋmanee a yi sazu sigi wa be O zie.

Gyɔɔn 1:34

Kyɛ maa meŋɛ nyɛɛ la kyɛ di danseɛ ka a Naaŋmen Bie la a ŋa.”

Gyɔɔn 11:31

A Gyuumine na naŋ da be a Mareya zie a yiri poɔ a moorɔ korɔ o da nyɛ o la ka o vaa-iri wieouŋ zaa a te yi yeŋ. Ba da iri tuuro o la, bonso, ba da teɛre ka o gɛrɛ la a yaa zie ka o te koŋ.

Gyɔɔn 11:42

N baŋɛɛ la ka fo maŋ kyɛlle woŋ la N puoruu tegitegilɛ, kyɛ a noba bama naŋ are a kyɛ zuiŋ la so ka N yeli a ŋaa ka ka ba na sage de ka fõõ la toŋ ma.”

Gyɔɔn 12:9

A Gyuumine yaga naŋ da wa woŋ ka Yeezu da be la a be, ba da ba wa a Yeezu yoŋ zuiŋ kyɛ ba da waɛ la ka ba wa nyɛ a Laazoro. Ona la ka Yeezu da e ka o leɛ-iri yi a kuuni poɔ.

Gyɔɔn 19:35

(A soba na naŋ da nyɛ a yeli ŋa da di la danseɛ ka ka yɛ meŋ na sage de. A o danseɛ e la yelmeŋɛ, kyɛ ka o baŋ ka a yelmeŋɛ la ka o yele.)

Gyɔɔn 21:24

A potuuro ŋa la dire a yɛlɛ ama danseɛ kyɛ sɛge a biŋ, ka te baŋ ka a o danseɛ e la yelmeŋɛ.

Toma 1:22

a piili ne a Gyɔɔn suobu teroo, a te ta a daare na ba naŋ da de O yi ne a te zie do ne, a ferɛɛ la ka ba kaŋ laŋne te ka te waa a O kũũ leɛ-iruu dansediribe.”

Toma 5:32

Te ne a Vooroŋ Soŋ la e a yɛlɛ ama dansediribe. A Vooroŋ Soŋ la ka Naaŋmen ko a banaŋ naŋ sage de O yɛlɛ.”

Yel-iriwulaa Gane 1:2

A Gyɔɔn da di la a Naaŋmen yelbiri danseɛ a Yeezu Kirista naŋ da di ane a yɛlɛ na zaa o naŋ da nyɛ danseɛ.