Gyɔɔn 11:51 - Naaŋmen Nɔpaalaa Gane

⁵¹ O meŋɛ naane da baŋ a yeli ŋa a yele, kyɛ o naŋ da e a Naaŋmen bagmaalkare neŋkpoŋ a yuoni na poɔ la so ka o da yele a Ŋmen-yelmanna yelyelii a kyaare ne a Yeezu, ka Ona la na kpi a faa a paaloŋ noba.

Gyɔɔn 11:51 ပူးပေါင်းရင်းမြစ်များ

Matio Gane 20:28

a ŋa lɛ a Nensaala Bie naŋ ba wa ka noba toŋ ko O, kyɛ O waɛ la ka O toŋ ko noba; a kyɛ de O nyɔvore yɔɔ de ne neŋyaga.”

Gyɔɔn 10:15

aŋa lɛ N Saa naŋ baŋ ma ka N meŋ baŋ O. Kyɛ N de la N nyɔvore tere a N peere zuiŋ.

Gyɔɔn 11:49

Kyɛ a ba kaŋ yuori naŋ da di Kayefa kyɛ da e a Naaŋmen bagmaalkare neŋkpoŋ a yuoni na poɔ, da yelee la, “Yɛ deɛ ba baŋ yelzaa togitogi!

Gyɔɔn 18:13

Ba da daŋ taa O la gaa ne Anaase naŋ da e Kayefa deɛndɔɔ zie. A Kayefa da la a Naaŋmen bagmaale wederebɛ nembɛrɛ zusoba a yuoni na poɔ.

1 Kor 13:2

Ka maa taa Ŋmen-yelmanna kpeɛ̃õ, a baŋ a Naaŋmen yelsɔglɔ zaa, a taa yɛmboorɔ zaa, a taa yeldeebo zaa naŋ na toɔ̃ iri tanne gaa ne ziyuo, kyɛ ba taa nɔmmo, N ba waa bonzaa.

Korinti 5:21

A te zuiŋ, Naaŋmen da eɛɛ la ka a Kirista naŋ da ba taa yelbieri, tuo a te yelbieri ka ka te na tu O zie a leɛ taa Naaŋmen mennoŋ.

Galesiya 3:13

A Kirista faa te la yi a bege kaa-emmo poɔ ne O meŋɛ naŋ leɛ neɛ ba naŋ kaa-eŋ te zuiŋ; bonso ba sɛgɛɛ la, “Soba na zaa ba naŋ yagle teɛ zu waa la neɛ ba naŋ kaa-eŋ.”

1 Pit 2:24

O meŋɛ la da tuo a te yelbebe a O eŋɛŋ a dagaraa zu, ka ka te na faa temenne yi yelbebe poɔ a kyɛnɛ mennoŋ poɔ. A O felɛ zuiŋ, yɛ nyɛ la baaloŋ sammo.

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

1 Gyn 2:2

Ona la de O nyɔvore maale a te yelbebe sudi bagre, a te yoŋ yelbebe sudi naane kyɛ a tendaa noba zaa yelbebe sudi eŋɛ la.