Gyɔɔn 11:45 - Naaŋmen Nɔpaalaa Gane

⁴⁵ A Gyuumine yaga naŋ da tu a Mareya wa, a da wa nyɛ bonna a Yeezu naŋ da e, da sage de la O yɛlɛ.

Gyɔɔn 11:45 ပူးပေါင်းရင်းမြစ်များ

Gyɔɔn 10:41

Noba yaga da wa la O zie, a da yele, “A Gyɔɔn da ba e yelwulaa zaa, kyɛ yɛlɛ na zaa a Gyɔɔn naŋ da yeli kyaare ne a dɔɔ ŋa waa la yelmeŋɛ.”

Gyɔɔn 11:19

A Gyuumine yaga da yi la a Gyɛruzɛlɛm a wa ka ba moore ko a Maata ane Mareya a ba yɔɔdɔɔ kũũ eŋɛ.

Gyɔɔn 11:31

A Gyuumine na naŋ da be a Mareya zie a yiri poɔ a moorɔ korɔ o da nyɛ o la ka o vaa-iri wieouŋ zaa a te yi yeŋ. Ba da iri tuuro o la, bonso, ba da teɛre ka o gɛrɛ la a yaa zie ka o te koŋ.

Gyɔɔn 12:42

Kyɛ anealɛzaa, a noba yaga, a laŋ ne a nembɛrɛ mine da sage de la a Yeezu yɛlɛ. Kyɛ a Faraziimine zuiŋ ba da ba sage na yeli ka a yi, ba naŋ da zoro dabeɛ̃ ka ba na digi ba la bare a puoruu die poɔ zuiŋ,

Gyɔɔn 2:23

A Yeezu naŋ da wa be a Gyɛruzɛlɛm poɔ a Ista tigri saŋ, noba yaga da sage de la O yɛlɛ, bonso, ba da nyɛ la a yelwulii O naŋ da erɛ.

Gyɔɔn 7:31

Kyɛ noba yaga naŋ da be a nembeɛoŋ poɔ da sage de la a O yɛlɛ a da yele, “Ka a Mɛzaaya wa te wa, O na e la yelwulii a gaŋ a dɔɔ ŋa naŋ e be?”