Gyɔɔn 11:4 - Naaŋmen Nɔpaalaa Gane

⁴ Kyɛ Yeezu naŋ da wa woŋ a duoro, O da yelee la, “A baaloŋ ŋa ba e o kũũ baaloŋ, kyɛ o beɛrɛ la ka Naaŋmen yuori na nyɛ puubu, ka a Naaŋmen Bie na tu a be a nyɛ puubu.”

Gyɔɔn 11:4 ပူးပေါင်းရင်းမြစ်များ

Gyɔɔn 10:38

Kyɛ ka maa wa tonɔ a N Saa toma, aneazaa ka yɛ ba sage de N yɛlɛ, kyɛ yɛ sage de a N tontonne, ka a lɛ vɛŋ ka yɛ woŋ kyɛ baŋ a tɛgɛ ka a Saa be la N poɔ ka N meŋ be a Saa poɔ.”

Gyɔɔn 11:40

A Yeezu da leɛ yeli ko o la, “N da ba yeli ko fo ka ka fõõ wa sage de, fo na nyɛ la a Naaŋmen puubu be?”

Gyɔɔn 12:28

N Saa, e ka a fo yuori nyɛ puubu.” Lɛ la ka kɔkɔre kaŋ yi sazu a yele, “N eɛɛ la ka a N yuori nyɛ puubu, kyɛ N na la e ka o la nyɛ puubu.”

Gyɔɔn 17:1

A Yeezu naŋ da wa yeli a yelbie ama baare, O da gbole kaa la sazu kyɛ yeli, “N Saa, a saŋ taɛ la. Iri a fo Bidɔɔ yuori, ka a fo Bidɔɔ meŋ pãã iri a fo yuori.

Gyɔɔn 17:10

Banaŋ zaa N naŋ so e la fo soobo, ka banaŋ zaa fo naŋ so meŋ e N soobo, ka N yuori na nyɛ puubu ba zie.

Gyɔɔn 17:5

Pampana ŋa, N Saa, pãã iri N yuori a fo meŋɛ niŋesogɔ ne a yuori na N naŋ da taa fo zie kyɛ ka a tendaa wa bebe.”

Gyɔɔn 2:11

A yeli ŋa a Yeezu naŋ da e, da la O yelwulii dɛndɛŋ soba O naŋ da e a Keeina teŋɛ naŋ be a Galili paaloŋ poɔ. A da iri la a Yeezu yuori ka O potuuribo da sage de O yɛlɛ.

Gyɔɔn 5:23

ka ka noba zaa na de emmo ko a Bidɔɔ aŋa lɛ ba naŋ eŋnɛ a Saa. Soba na zaa naŋ ba eŋnɛ a Bidɔɔ, ba eŋnɛ a Saa naŋ toŋ a Bidɔɔ.

Gyɔɔn 8:54

Ka Yeezu da yeli sɔge: Ka maa korɔ N meŋɛ puubu, a N puubu koŋ taa tɛgɛ. A N Saa la korɔ ma puubu. Ona la ka yɛ yeli, ‘O waa la te Naaŋmen,’

Gyɔɔn 9:24

Azuiŋ ba da leɛ boɔle la a dɔɔ ŋa naŋ da zɔŋ a boyi soba a yeli ko o, “Yeli a yelmeŋɛ Naaŋmen niŋesogɔ! Te baŋ ka a dɔɔ ŋa waa la yelbe-erɛ.”

Gyɔɔn 9:3

Ka a Yeezu da yeli sɔge, “A o meŋɛ bee o dɔgrebɔ ba e yelbieri. Ba da dɔge o la ka o zɔŋ ka ka Naaŋmen toma na tu o zie sãã.

Urom 11:11

Lɛnso N soorɔ la, ba mɔɔ ŋmɛ la gbɛre a na le be? A koŋ baŋ e a lɛ! Kyɛ a yi a ba gbɛŋmɛ eŋɛŋ la ka faabo wa a Nemboore-yobo zie, ka ka lɛ e ka nyuuri kpɛ a Izerayɛl biiri.

Filipai Deme Gane 1:11

a taa a Yeezu Kirista mennoŋ, a Naaŋmen puubu ane O dannoo zuiŋ.

Filipai Deme Gane 1:20

N kyɛllɛ ne la n poɔ zaa ane teɛretɔroo ka N koŋ di vi yelzaa poɔ, kyɛ N naŋ yele a yɛlɛ a ba zoro dabeɛ̃ togitogi zaa zuiŋ, a Kirista na nyɛ la puubu pampana aŋa lɛ O naŋ maŋ nyɛ puubu n eŋɛŋ tegitegilɛ, ka N voorɔ la bee ka N kpie la.

1 Pit 1:21

A Kirista zie la ka yɛ tu a wa sage de a Naaŋmen yɛlɛ; Ona la e ka a Yeezu leɛ-iri yi a kũũ poɔ, a ko O puubu, ka ka yɛ yeldeebo ane teɛretɔroo na be Naaŋmen eŋɛ.

1 Pit 4:11

Soba na zaa naŋ moɔlɔ a yelbiri seŋ ka o moɔlɔ aŋa neɛ naŋ moɔlɔ a Naaŋmen meŋɛ yelbie; soba na zaa naŋ tonɔ, seŋ ka o tonɔ ne a kpeɛ̃õ na Naaŋmen naŋ ko o. Lɛ la ka Naaŋmen pãã na nyɛ puubu yelzaa poɔ a Yeezu Kirista eŋɛ. Ona la so puubu ane kpeɛ̃õ tegitegilɛ. Ameena.

1 Pit 4:14

Ka ba naŋ wa toorɔ yɛ a Kirista yuori eŋɛ, yɛ nyɛ la maaloo, bonso, a puubu vooroŋ naŋ waa a Naaŋmen Vooroŋ be la yɛ zie.