Gyɔɔn 11:25 - Naaŋmen Nɔpaalaa Gane

²⁵ Ka a Yeezu da yeli ko o, “Maa la a kuuni poɔ leɛ-iruu ane a nyɔvore. Banaŋ naŋ sage de N yɛlɛ, ka ba naŋ kpi gba, ba na leɛ voorɔ la,

Gyɔɔn 11:25 ပူးပေါင်းရင်းမြစ်များ

Luka 23:43

Ka a Yeezu yeli sɔge o, “Serɛzaa ka N yele korɔ fo, a zenɛ ŋa, fõõ ne ma na laŋ la taa a tenvelaa poɔ.”

Gyɔɔn 1:4

O poɔ la ka nyɔvore da be, ka a nyɔvore da waa nensaalba zaa kyaane.

Gyɔɔn 14:19

A koŋ la kɔɔre yaga kyɛ ka a teŋɛzu deme koŋ la nyɛ ma, kyɛ yɛnee na nyɛ ma la, N naŋ voorɔ zuiŋ yɛ meŋ na voorɔ la.

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 3:16

“Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

Gyɔɔn 3:36

Soba na zaa naŋ sage de a Bidɔɔ yɛlɛ, taa la nyɔvore naŋ ba taa baaroo. Soba na zaa meŋ naŋ zagre a Bidɔɔ yɛlɛ koŋ nyɛ nyɔvore, kyɛ ka Naaŋmen supuriyaaraa dɔgle o zu.

Gyɔɔn 5:21

Serɛzaa, aŋa a Saa naŋ maŋ seŋ a kuuni lɛ, a e ka ba leɛ voorɔ, a lɛ meŋ ka a Bidɔɔ meŋ maŋ ko banaŋ zaa O naŋ boɔrɔ, nyɔvore.

Gyɔɔn 5:26

Aŋa a Saa naŋ e a nyɔvore zaa yiibu zie, lɛ la ka O e ka a O Bidɔɔ meŋ e a nyɔvore zaa yiibu zie.

Gyɔɔn 6:35

Ka a Yeezu da yeli ko ba, “Maa la a nyɔvore bondiraa. Neɛ na zaa naŋ wa N zie, kɔŋ daŋ koŋ kpɛ o zaa, ka neɛ na zaa naŋ sage de N yɛlɛ, kɔŋnyuuri daŋ koŋ kpɛ o zaa.

Gyɔɔn 6:44

Neɛzaa koŋ baŋ wa N zie, ka a Saa naŋ toŋ ma ba tage o soba wa ne, ka N pãã e ka o soba leɛ-iri a bebi-baaraa daare.

Toma 3:15

kyɛ ka yɛ da ko a Nyɔvore zaa soba, a Onaŋ Naaŋmen naŋ da e ka o leɛ-iri a kuuni poɔ, tenee la a yeli ŋa dansediribe.

Urom 4:17

aŋa ba naŋ da sɛge, “N eɛɛ la ka fo leɛ nemboore yaga saa”); a Naaŋmen na a Aboraham naŋ da sage de, Ona la maŋ korɔ a kuuni nyɔvore kyɛ maŋ e ka boma naŋ daŋ ba kyebe wa bebe.

Urom 8:2

Bonso, a Vooroŋ Soŋ bege naŋ terɛ nyɔvore a Kirista Yeezu poɔ, faa yɛ la yi ne a yelbieri ane kũũ bege poɔ.

1 Kor 15:18

Ka anaŋ waa lɛ, a banaŋ naŋ sage de a Kirista yɛlɛ kyɛ kpi meŋ wɛɛ la.

1 Kor 15:29

Ka lɛ naane, wola ka a noba na naŋ de suobu a kuuni gbɛbogriŋ na e? Ka ba naŋ da koŋ e ka a kuuni leɛ-iri togitogi, bonso ka ba na ko noba suobu ba gbɛbogriŋ?

Korinti 4:14

bonso, te baŋ ka a soba na naŋ da e ka a Daana Yeezu leɛ-iri a kuuni poɔ meŋ na e la ka te laŋ ne a Yeezu leɛ-iri a kuuni poɔ, ka O taa te a laŋ ne yɛ a wa ne a O niŋesogɔ.

Filipai Deme Gane 1:23

A ama ayi feere ma la yaga zaa: N boɔrɔ la ka N yi a kyɛ a te be a Kirista zie, bonso a lɛ la seɛ yaga zaa;

Filipai Deme Gane 3:10

N boɔrɔ la ka N baŋ a Kirista ane a O kũũ poɔ leɛ-iruu kpeɛ̃õ, kyɛ laŋ ne O di dɔgɛɛ a waa ŋa lɛ O naŋ da waa a O kũũ poɔ,

I Tesa 4:14

Bonso, te naŋ sage de ka a Yeezu da kpie la kyɛ leɛ-iri yi a kũũ poɔ, a lɛ meŋ gba ka Naaŋmen na tu a Yeezu zie kyɛ de O ne a banaŋ naŋ da kpi wa ne.

Yel-iriwulaa Gane 1:18

ane a soba na naŋ voorɔ. N da kpie la, kyɛ nyɛ, N voorɔ la tegitegilɛ; kyɛ N taa la Kũũ ane Dazugovũũ naaloŋ safobie.

Yel-iriwulaa Gane 20:5

(A kuuni na naŋ kyɛre da ba la leɛ-iri voorɔ kyɛ te ta saŋ na a yuomo turi naŋ baare.) A kũũ leɛ-iruu dɛndɛŋ soba la a ŋa.

Yel-iriwulaa Gane 21:4

O na eɛre la nentaŋ zaa bare ba nimieŋ. Kũũ koŋ la bebe; konni ane kpɛlle ŋmeɛbo ane woore koŋ la bebe, bonso, a dɛndɛŋ yɛlɛ wa tɔle gaaɛ la.”

Yel-iriwulaa Gane 22:1

A maleke pãã da wuli ma la a nyɔvore baa koɔ̃ ka a koɔ̃ pɛle aŋa sakuurii a da zoro yire a Naaŋmen ane a Pilee nakogi zie,

Yel-iriwulaa Gane 22:17

A Vooroŋ Soŋ ane a pɔgpaalaa yelee la, “Wa.” Kyɛ vɛŋ ka neɛ na zaa naŋ kyɛlle woŋ meŋ yeli, “Wa.” Neɛ na zaa kɔŋnyuuri naŋ kpɛ, vɛŋ ka o wa. Neɛzaa naŋ boɔrɔ a nyɔvore koɔ̃, o wa de nyu weɛlɛ.