Gyɔɔn 10:3 - Naaŋmen Nɔpaalaa Gane

³ A dendɔ-guuro maŋ yuo la a dendɔre ko o, ka a peere maŋ woŋ a o kɔkɔre. O maŋ boɔle la a o peere kanzaa yuori, a taa a yi ne.

Gyɔɔn 10:3 ပူးပေါင်းရင်းမြစ်များ

Gyɔɔn 10:14

Maa la a pekyee-meŋɛ. N baŋ la N peere, ka a N peere meŋ baŋ ma,

Gyɔɔn 10:16

N taa la a peere mine naŋ ba e a zage ŋa peere. A ferɛɛ la ka N taa a meŋ wa poɔ a zage ŋa peere poɔ, ka a na kyɛlle woŋ a N kɔkɔre. A lɛ la ka a pãã na e zage yeni peere ane pekyee-yeni.

Gyɔɔn 10:4

Ka o naŋ wa taa a o peere zaa yi ne baare, o maŋ de la a weɛ, ka a tuuro o, bonso, a baŋ la o kɔkɔre.

Gyɔɔn 10:9

Maa la a dendɔre. Soba na zaa naŋ tu N zie kpɛ na nyɛ la faabo. O na maŋ kpɛ la kyɛ yi, a nyɛ mɔmaara.

Gyɔɔn 6:37

Bonna zaa N Saa naŋ ko ma na wa la N zie, ka soba na zaa naŋ wa N zie, N koŋ digi o bare,

Gyɔɔn 6:45

Ba da sɛge la a Ŋmen-yelmanneba gane poɔ, ‘Naaŋmen na wuli la ba zaa.’ Neɛzaa naŋ woŋ kyɛ zanne bon naŋ yi a Saa zie maŋ wa la N zie.

Urom 8:30

Ka a banaŋ O naŋ da daŋ nare bare, bana meŋ la ka O boɔle, ka a banaŋ O naŋ boɔle, bana meŋ la ka O e ka ba leɛ nemmenne; ka a banaŋ O naŋ e ka ba leɛ nemmenne, bana meŋ la ka O e ka ba nyɛ puubu.

1 Kor 16:9

bonso, sori yuo ko ma la ka N toŋ toma velaa a be kyɛ a dɔndɔnne meŋ bebe la yaga.

Filipai Deme Gane 4:3

Serɛzaa, N sɔrɔ la fo meŋ n tontontɔ naŋ taa yelmeŋɛ, soŋ a pɔgeba bama, bonso, ba da be la n lamboriŋ ka te di dɔgɛɛ a Ŋmen-yelnoore toma poɔ, a laŋ ne Kelɛmɛnte a de ne a n tonton-taaba na zaa yoe ba naŋ sɛge eŋ a nyɔvore gane poɔ.

KOLO 4:3

Yɛ puoro korɔ te meŋ a yɛ puoruu poɔ ka Naaŋmen yuo sori ko te ka te moɔle a Kirista yelsɔglaa na eŋɛ N naŋ be a nempagdie poɔ,

2 Tim 2:19

Kyɛ a Naaŋmen yiri pare naŋ e kpeɛŋaa naŋ arɛɛ la a taa ŋmaaroŋ ŋa, “A Daana baŋ la banaŋ naŋ e O noba,” kyɛ “Vɛŋ ka neɛzaa naŋ boɔlɔ a Daana yuori leɛ yi potuoloŋ poɔ.”

1 Pit 1:12

Ba da iri wuli la a Ŋmen-yelmanneba ka bamenne naane ka ba da tonɔ terɛ kyɛ yɛnee la ka ba da tonɔ terɛ a kyaare ne a yɛlɛ ba naŋ moɔle ko yɛ pampana. Ba da tu la a banaŋ naŋ da taa a yelnoore wa ne yɛ zie a yi a Vooroŋ Soŋ ba naŋ da toŋ ka o yi tenvelaa wa. A malekere da taa la vɔlaa ka ba nyɛ a yɛlɛ ama.

1 Gyn 4:6

Te yi la Naaŋmen zie. Soba na zaa naŋ baŋ Naaŋmen maŋ kyɛlle woŋ la te yɛlɛ, kyɛ soba na zaa naŋ ba yi Naaŋmen zie ba kyɛllɛ te yɛlɛ. A ŋaa zie la ka te maŋ baŋ a yelmeŋɛ vooroŋ ane a tuluu vooroŋ.

3 Gyn 1:14

Kyɛ N taa la teɛroŋ ka a koŋ kɔɔre kyɛ ka te nyɛ taa niŋesogre a laŋ yeli yɛlɛ.

Yel-iriwulaa Gane 20:15

Kyɛ ba da de la soba na zaa yuori ba naŋ ba sɛge eŋ a nyɔvore gane poɔ lɔɔ eŋ a baa vũũ poɔ.

Yel-iriwulaa Gane 3:20

Nyɛ! N are la a dendɔre noɔre a kpaara; ka fooŋ wa woŋ a N kɔkɔre, a yuo a pane, N na wa kpɛ la, a laŋ ne fo di, ka fo meŋ laŋ ne ma di.

Yel-iriwulaa Gane 7:17

bonso, a Pilee naŋ be a nakogi sogɔŋ na e la ba kyeenɛ, O na taa ba la gaa ne bulnimie koɔ̃ naŋ terɛ nyɔvore zie, kyɛ Naaŋmen na eɛre la ba nentaŋ bare a ba nimie poore.”