Gyɔɔn 10:29 - Naaŋmen Nɔpaalaa Gane

²⁹ Bonna N Saa naŋ ko ma waa la kpoŋ gaŋ ama zaa, ka neɛzaa koŋ baŋ faa o yi a Saa nuuri poɔ.

Gyɔɔn 10:29 ပူးပေါင်းရင်းမြစ်များ

Gyɔɔn 10:28

N ko a la nyɔvore naŋ ba taa baaroo, ka a daŋ koŋ kpi zaa. Neɛzaa koŋ baŋ faa a yi ne a N nuuri poɔ.

Gyɔɔn 10:30

Maa ne a Saa waa la yeni.”

Gyɔɔn 14:28

Yɛ woŋee la ka N da yeli ko yɛ, ‘N gɛrɛ la kyɛ na leɛ wa yɛ zie.’ Ka yɛnee da nɔŋ ma, yɛ da na kyellɛ la ne N naŋ gɛrɛ a Saa zie, bonso, a Saa taa la kpeɛ̃õ gaŋ ma.

Gyɔɔn 17:11

Kyɛ pampana, N ba la be a teŋɛzu, kyɛ bana eŋ naŋ be la a teŋɛzu kyɛ ka N waana fo zie. N Saa Soŋ, gu ba a fo yuori fo naŋ ko ma zuiŋ, ka ka ba na waa yeni aŋa maa ne fo naŋ waa yeni lɛ.

Gyɔɔn 17:2

Fo ko O la kpeɛ̃õ nensaalba zaa zu, ka O ko banaŋ zaa fo naŋ ko O nyɔvore naŋ ba taa baaroo.

Gyɔɔn 17:6

“A noba banaŋ fo naŋ da iri a tendaa poɔ ko ma, N eɛɛ la ka ba baŋ a fo yuori. Ba da waa la fo soobo, kyɛ ka fo da de ba ko ma ka ba da tuuro a fo yelbiri.

Gyɔɔn 17:9

A bana zuiŋ la ka N puoro. N ba puoro a tendaa noba zuiŋ, kyɛ banaŋ fo naŋ ko ma zuiŋ la ka N puoro, bonso, fõõ la so ba.

Gyɔɔn 6:37

Bonna zaa N Saa naŋ ko ma na wa la N zie, ka soba na zaa naŋ wa N zie, N koŋ digi o bare,