Gyɔɔn 10:28 - Naaŋmen Nɔpaalaa Gane

²⁸ N ko a la nyɔvore naŋ ba taa baaroo, ka a daŋ koŋ kpi zaa. Neɛzaa koŋ baŋ faa a yi ne a N nuuri poɔ.

Gyɔɔn 10:28 ပူးပေါင်းရင်းမြစ်များ

Marko Gane 13:22

Kaŋwaa mɛzaaya mine ane kaŋwaa Ŋmen-yelmanneba na wa la, a erɛ yelwulii kyɛ tonɔ toŋkpeɛne ka ba bɛlle noba ka ba tuli, ka ba naŋ na toɔ̃, ba na e la ka a neŋkaa-irri meŋ gba tuli.

Luka 23:46

A Yeezu pãã da kyeere la yaga zaa a yeli, “N Saa, fo nuuriŋ la ka N de N vooroŋ eŋ.” O naŋ da yeli a ŋaa la ka O da ŋmaa vooroŋ.

Gyɔɔn 10:29

Bonna N Saa naŋ ko ma waa la kpoŋ gaŋ ama zaa, ka neɛzaa koŋ baŋ faa o yi a Saa nuuri poɔ.

Gyɔɔn 11:25

Ka a Yeezu da yeli ko o, “Maa la a kuuni poɔ leɛ-iruu ane a nyɔvore. Banaŋ naŋ sage de N yɛlɛ, ka ba naŋ kpi gba, ba na leɛ voorɔ la,

Gyɔɔn 14:19

A koŋ la kɔɔre yaga kyɛ ka a teŋɛzu deme koŋ la nyɛ ma, kyɛ yɛnee na nyɛ ma la, N naŋ voorɔ zuiŋ yɛ meŋ na voorɔ la.

Gyɔɔn 17:2

Fo ko O la kpeɛ̃õ nensaalba zaa zu, ka O ko banaŋ zaa fo naŋ ko O nyɔvore naŋ ba taa baaroo.

Gyɔɔn 18:9

A ŋaa da eɛɛ la ka a na tu lɛ O naŋ da yeli, “A banaŋ fo naŋ da ko ma, N ba e ka ba kanzaa bɔre.”

Gyɔɔn 3:36

Soba na zaa naŋ sage de a Bidɔɔ yɛlɛ, taa la nyɔvore naŋ ba taa baaroo. Soba na zaa meŋ naŋ zagre a Bidɔɔ yɛlɛ koŋ nyɛ nyɔvore, kyɛ ka Naaŋmen supuriyaaraa dɔgle o zu.

Gyɔɔn 4:14

Kyɛ banaŋ naŋ nyu a koɔ̃ N naŋ na ko ba, kɔŋnyuuri daŋ koŋ la kpɛ ba zaa. A koɔ̃ na N naŋ na tere, na leɛ la bulnimiri ba poɔŋ, ka a bullo yire a terɛ nyɔvore naŋ ba taa baaroo.”

Gyɔɔn 5:24

Serɛzaa ka N yele korɔ yɛ, soba na zaa naŋ woŋ N yelbie, a sage de a soba na naŋ toŋ ma yɛlɛ, taa la nyɔvore naŋ ba taa baaroo. Ba koŋ di o soba sɛrɛɛ, kyɛ ka o yi kuuni poɔ a te kpɛ nyɔvore poɔ.”

Gyɔɔn 6:27

Yɛ ta tonɔ boɔrɔ bondirii naŋ na maŋ wɛ, kyɛ yɛ boɔrɔ anaŋ naŋ na terɛ nyɔvore naŋ ba taa baaroo. Ana la ka a Nensaala Bie na ko yɛ, bonso, Ona la ka a Saa Naaŋmen tere kpeɛ̃õ.”

Gyɔɔn 6:37

Bonna zaa N Saa naŋ ko ma na wa la N zie, ka soba na zaa naŋ wa N zie, N koŋ digi o bare,

Gyɔɔn 6:47

Yelmeŋɛ zaa ka N yele korɔ yɛ, neɛ na zaa naŋ wa sage de N yɛlɛ nyɛ la nyɔvore naŋ ba taa baaraa.

Gyɔɔn 6:68

Ka Saamon Piita da yeli sɔge O, “Daana, aŋ zie ka te pãã na gaa? Fõõ la taa a nyɔvore naŋ ba taa baaroo yelbie.

Toma 7:59

Ba naŋ da zaara a Stefanuu ne a kubo, o da puoree la a yele, “Daana Yeezu de n vooroŋ.”

Urom 5:17

Ka a naŋ e ka neŋyeni yelbieri eebo zuiŋ la ka kũũ tu be di naaloŋ, a banaŋ naŋ de a garaase-kpoŋ ane a mennoŋ kyɔɔtaa naŋ e weɛlɛ na di la naaloŋ gaŋ a lɛ a yi a neŋyeni meŋ zie, a Yeezu Kirista.

Urom 5:2

A Yeezu Kirista zie la ka te tu a nyɛ garaaseɛ ŋa te naŋ taa; kyɛ ka te erɛ pɔloo a te teɛretɔroo te naŋ taa ka te ne Naaŋmen na laŋ la puubu.

Urom 5:21

ka aŋa lɛ yelbieri naŋ dire naaloŋ kũũ zu, a lɛ ka garaaseɛ meŋ na di naaloŋ mennoŋ zu, a waana ne nyɔvore naŋ ba taa baaraa a yi a Yeezu Kirista, te Daana zie.

Urom 5:9

A gaŋ a zaa, pampana ŋa Naaŋmen naŋ e ka te leɛ nemmenne a Kirista zẽẽ zuiŋ, te pãã na tu la O zie a nyɛ faabo yi a Naaŋmen supuriyaaraa poɔ.

Urom 6:23

Bonso, yelbieri san-yɔɔ la kũũ, kyɛ Naaŋmen kyɔɔtaa naŋ e weɛlɛ la nyɔvore naŋ ba taa baaroo a Kirista Yeezu te Daana poɔ.

Urom 8:1

Ŋaa, saanaa zaa ba la kyebe a ko banaŋ naŋ be a Kirista Yeezu poɔ.

Urom 8:29

Bonso, a banaŋ O naŋ da daŋ baŋ, bana la ka O da daŋ nare bare ka ba na taa a O Bidɔɔ waaloŋ, ka ka O na toɔ̃ e a bidɛndɛŋ a yideme naŋ waa yaga poɔ.

Filipai Deme Gane 1:6

N ba bonnɔ ne a yeli ŋa, ka a soba na naŋ da piili a tonsoŋ yɛ poɔ na toŋ a la ka a te baare, a te ta a Yeezu Kirista waabo daare.

II Tesa 2:13

Te yɔɔmine ane te yɔɔpuuli, a Daana poyɛŋ noba, a ferɛɛ la ka te puoro Naaŋmen bareka yɛ zuiŋ, bonso, Naaŋmen kaa-iri yɛ la ka yɛ waa a wɔŋ dɛndɛŋ naŋ na tu a Vooroŋ Soŋ pɛgeyiibu ane yɛ naŋ sage de a yelmeŋɛ zuiŋ a nyɛ faabo.

1 Tim 1:16

Kyɛ a yeli ŋa zuiŋ, ba da zo la n nembaaloŋ, ka ka a Yeezu Kirista na toɔ̃ wuli O kannyiri kpoŋ naŋ seŋ lɛ ko maa naŋ e yelbieri gaŋ neɛzaa, a e ka N waa yelmannaa ko a banaŋ naŋ na wa sage de O yɛlɛ a nyɛ nyɔvore naŋ ba taa baaraa.

2 Tim 1:12

kyɛ a ŋaa zuiŋ la ka N wono a tuo ŋa N naŋ wono. Kyɛ vi ba kpeɛrɛ ma, bonso, N baŋ la neɛ na N naŋ dɛle. N sereŋ baŋɛɛ la ka O na toɔ̃ gu la bonna N naŋ de ko O te ta a bebiri na daare.

Hiburu 7:25

A lɛ zuiŋ O na toɔ̃ faa la banaŋ naŋ tu O zie a wa Naaŋmen zie vuo zaa poɔ, O naŋ voorɔ tegitegilɛ kyɛ puoro korɔ ba zuiŋ.

1 Pit 1:5

A Naaŋmen kpeɛ̃õ zuiŋ, yeldeebo gu yɛ la taa ka yɛ na nyɛ faabo ba naŋ nare biŋ ka o na wa sãã a baaraa saŋ.

1 Gyn 1:2

A nyɔvore ŋa da sããɛ la ka te da nyɛ O, a di O danseɛ, kyɛ manne a nyɔvore naŋ ba taa baaraa naŋ da be a Saa zie yɛlɛ ko yɛ. Ona la ka ba iri wuli te.

1 Gyn 2:19

Ba da yi la te poɔ, kyɛ ba da ba e te noba, bonso, ka ba naŋ da e te noba, ba da na kyɛnɛ be la te poɔ. Kyɛ ba naŋ yi a te poɔ gaa wulee weliweli ka ba kanzaa ba waa te neɛ.

1 Gyn 2:25

A bon ŋa la ka a Kirista da eŋ noɔre ka o na ko te la: nyɔvore naŋ ba taa baaraa.

1 Gyn 5:11

Kyɛ a danseɛ la ŋa: Naaŋmen ko te la nyɔvore naŋ ba taa baaraa, ka a nyɔvore ŋa be a O Bie poɔ.

Gyud 1:1

Maa Gyud naŋ e a Yeezu Kirista tontonɔ kyɛ waa Gyimisi yɔɔ la sɛgrɛ a lɛtɛ korɔ a banaŋ a Saa Naaŋmen naŋ boɔle ka ba e O poyɛŋ noba, ka O gu ba taa velaa ko a Yeezu Kirista:

Gyud 1:21

yɛ be a Naaŋmen nɔmmo poɔ; yɛ kyɛllɛ a te Daana Yeezu Kirista nembaalonzoe ka O taa yɛ gaa ne a nyɔvo-babaaraa poɔ.

Gyud 1:24

Ka a soba na naŋ toɔ̃ gu yɛ taa ka yɛ ta le, kyɛ e ka yɛ are O puubu niŋesogɔ ne popeɛloŋ a ba taa faaloŋ zaa,