Gyɔɔn 10:27 - Naaŋmen Nɔpaalaa Gane

²⁷ A N peere maŋ woŋ la a N kɔkɔre. N baŋ a la, ka a maŋ tuuro ma.

Gyɔɔn 10:27 ပူးပေါင်းရင်းမြစ်များ

Matio Gane 16:24

Lɛ la ka a Yeezu da yeli ko a O potuuribo, “Ka neɛzaa wa boɔrɔ ka o tuuro ma, o daŋ zagre o meŋɛ yɛlɛ bare, kyɛ de o dagaraa tuo tuuro ne ma.

Matio Gane 17:5

Piita naŋ da naŋ yele a yɛlɛ, a daadaalɛ la ka zunzug-pelaa deɛ wa pilli pɔge ba, kyɛ ka kɔkɔre yele yɛlɛ a zunzugri poɔ, “A N Bidɔɔ la a ŋa, N Poyɛŋ Bie; N poɔ pɛle ne O la; yɛ kyɛllɛ O yɛlɛ!”

Matio Gane 25:12

Kyɛ ka o leɛ yeli, ‘Serɛzaa ka N yele korɔ yɛ, N ba baŋ yɛ.’

Matio Gane 7:23

Kyɛ N pãã na leɛ yeli ko ba la, ‘Maa ba baŋ yɛ togitogi; yɛ tage yi be N zie, yɛnee yelfa-erebɛ ŋa.’

Marko Gane 10:21

Ka a Yeezu da kaa a dɔɔ tĩĩ, a deɛ nɔŋ o, kyɛ yeli, “Yeli yenaa kaŋ yoŋ la ka fo ba taa, gaa te koɔre a fo boma zaa a de a libie ko nembaalba, fo na taa la bondaaboma tenvelaa poɔ, kyɛ pãã wa tuuro ma.”

Marko Gane 8:34

A Yeezu pãã da boɔle la a nembeɛoŋ ane a O potuuribo lantaa a yeli ko ba, “Ka neɛzaa wa boɔrɔ ka o leɛ N potuuro, a seŋ ka o soba ta taa o meŋɛ yɛlɛ a kyɛ de o dagaraa tuo tuuro ne ma.

Luka 13:27

Kyɛ O na yeli la, ‘N ba baŋ zie na yɛ naŋ yi. Yɛ tage yi be N zie, yɛnee zaa naŋ waa yelbe-erebɛ!’

Luka 9:23

Lɛ la ka O da yeli ko ba zaa, “Banaŋ zaa naŋ boɔrɔ ka ba waa N potuuribo, a ferɛɛ la ka ba ta taa bamenne yɛlɛ, kyɛ de ba dagarre tuo bebiri zaa a tuuro ne ma.

Gyɔɔn 10:14

Maa la a pekyee-meŋɛ. N baŋ la N peere, ka a N peere meŋ baŋ ma,

Gyɔɔn 10:16

N taa la a peere mine naŋ ba e a zage ŋa peere. A ferɛɛ la ka N taa a meŋ wa poɔ a zage ŋa peere poɔ, ka a na kyɛlle woŋ a N kɔkɔre. A lɛ la ka a pãã na e zage yeni peere ane pekyee-yeni.

Gyɔɔn 10:8

A banaŋ zaa naŋ daŋ de N weɛ wa, waa la nannyigri ane fafareba, kyɛ a peere da ba kyɛlle woŋ ba yɛlɛ.

Gyɔɔn 12:26

Soba na zaa naŋ tonɔ korɔ ma, a ferɛɛ la ka o tuuro ma. Zie N naŋ be la ka N tontonɔ meŋ na be. Soba na zaa naŋ tonɔ korɔ ma, a N Saa na eŋ la o soba.”

Gyɔɔn 21:22

Ka Yeezu da yeli ko o, “Ka anaŋ e N poboɔbo ka o bebe te ta saŋ N naŋ na leɛ wa, fo boŋ yeli la bebe? Tuuro ma!”

Gyɔɔn 5:25

“Serɛzaa ka N yeli ko yɛ, a saŋ tara la; a saŋ gba taɛ la pampana ŋa, ka kuuni na woŋ a Naaŋmen Bie kɔkɔre. Kyɛ banaŋ naŋ na woŋ a kɔkɔre na taa la nyɔvore.

Gyɔɔn 8:12

A Yeezu da laboreŋ yeli la yɛlɛ ko a noba, a yele, “Maa la a andonɛɛ kyaane. Soba na zaa naŋ tuuro ma daŋ koŋ baŋ kpɛ lige poɔ, kyɛ o na taa la nyɔvore kyaane.”

Gyɔɔn 8:43

Boŋ la so ka yɛ ba baŋ a yɛlɛ N naŋ yele tɛgɛ? Yɛ naŋ kontoɔ̃ sage de N yɛlɛ la so.

Toma 3:23

Kyɛ soba na zaa naŋ koŋ kyɛlle woŋ a Ŋmen-yelmanna ŋa yɛlɛ, ba na wɛle o la bare a Naaŋmen noba poɔ.’

1 Kor 8:3

kyɛ neɛ na zaa naŋ nɔnɔ Naaŋmen, a Naaŋmen maŋ baŋ la a soba.

Galesiya 4:9

Kyɛ pampana, yɛ naŋ wa baŋ Naaŋmen kyɛ bee Naaŋmen naŋ wa baŋ yɛ, wola ka yɛ na la leɛ gaa a andonɛɛ se-foglo naŋ ba taa faŋ bee tɛgɛ zie? Wola ka yɛ na boɔrɔ ka yɛ la te leɛ a gbaŋgbaare?

2 Tim 2:19

Kyɛ a Naaŋmen yiri pare naŋ e kpeɛŋaa naŋ arɛɛ la a taa ŋmaaroŋ ŋa, “A Daana baŋ la banaŋ naŋ e O noba,” kyɛ “Vɛŋ ka neɛzaa naŋ boɔlɔ a Daana yuori leɛ yi potuoloŋ poɔ.”

Hiburu 3:7

Azuiŋ, aŋa lɛ a Vooroŋ Soŋ naŋ yeli: “Zenɛ, ka yɛnee wa woŋ a O kɔkɔre,

Yel-iriwulaa Gane 14:4

A bama la da ba dɛge bamenne ne pɔgeba, bonso, ba da waa la bitorri. A bama la da tuuro a Pilee zie na zaa O naŋ da maŋ gɛrɛ. Ba da faa ba la yi ne nensaalba poɔ ka ba waa dɛndɛŋ noba ko Naaŋmen ane a Pilee,

Yel-iriwulaa Gane 3:20

Nyɛ! N are la a dendɔre noɔre a kpaara; ka fooŋ wa woŋ a N kɔkɔre, a yuo a pane, N na wa kpɛ la, a laŋ ne fo di, ka fo meŋ laŋ ne ma di.