Gyɔɔn 10:18 - Naaŋmen Nɔpaalaa Gane

¹⁸ Neɛzaa kontoɔ̃ de a N nyɔvore, kyɛ maa meŋɛ la boɔrɔ a de o tere. N taa la kpeɛ̃õ ka N de o tere, kyɛ la taa a kpeɛ̃õ ka N la leɛ de o. N nyɛ la a noɔre ŋa yi a N Saa zie.”

Gyɔɔn 10:18 ပူးပေါင်းရင်းမြစ်များ

Gyɔɔn 10:11

“Maa la a pekyee-meŋɛ. A pekyee-meŋɛ maŋ de la o nyɔvore biŋ ko a peere.

Gyɔɔn 10:15

aŋa lɛ N Saa naŋ baŋ ma ka N meŋ baŋ O. Kyɛ N de la N nyɔvore tere a N peere zuiŋ.

Gyɔɔn 10:17

A ŋaa zuiŋ la ka a Saa nɔŋ ma, bonso, N de la N nyɔvore tere ka ka N na leɛ de o.

Gyɔɔn 14:31

Kyɛ N erɛ la lɛ N Saa naŋ eŋ noɔre ko ma ka ka a teŋɛzu noba na baŋ ka N nɔŋ la a Saa. Yɛ iri ka te gaa.”

Gyɔɔn 15:10

Ka yɛnee wa sagra a N nɔɛ, yɛ na be la a N nɔmmo poɔ, aŋa lɛ N naŋ sagra a N Saa nɔɛ a be a O nɔmmo poɔ lɛ.

Gyɔɔn 19:11

Ka a Yeezu da leɛ yeli ko o, “Fo da koŋ taa kpeɛ̃õ N zu, ka Naaŋmen da ba ko fo sori. A lɛ zuiŋ, a soba na naŋ de ma ko fo la e yelbieri naŋ e kpoŋ yaga.”

Gyɔɔn 5:26

Aŋa a Saa naŋ e a nyɔvore zaa yiibu zie, lɛ la ka O e ka a O Bidɔɔ meŋ e a nyɔvore zaa yiibu zie.

Gyɔɔn 5:30

“N koŋ baŋ e yelzaa ne N meŋɛ kpeɛ̃õ. A lɛ Naaŋmen naŋ maŋ wuli ma, lɛ ka N maŋ di a sɛrɛɛ kyaare ne. N sɛrɛɛdiibu maŋ e meŋɛ, bonso, N meŋɛ poboɔbo naane ka N erɛ, kyɛ a soba na naŋ toŋ ma poboɔbo la.”

Gyɔɔn 6:38

bonso, N yi la tenvelaa wa ka N toŋ a soba na naŋ toŋ ma poboɔbo, kyɛ a ba e N meŋɛ poboɔbo.

Toma 2:24

Kyɛ Naaŋmen da faa O la, a e ka O leɛ-iri a kuuni poɔ, bonso, kũũ da ba taa faŋ a na toɔ̃ nyɔge O taa.

Toma 2:32

A Yeezu ŋa la ka Naaŋmen da e ka o leɛ-iri, ka te zaa e a yeli ŋa dansediribe.

Toma 3:15

kyɛ ka yɛ da ko a Nyɔvore zaa soba, a Onaŋ Naaŋmen naŋ da e ka o leɛ-iri a kuuni poɔ, tenee la a yeli ŋa dansediribe.

TITU 2:14

Ona la da de O meŋɛ tere ka O faa te yi yelbebe zaa poɔ kyɛ peere te ka te yi fanana a waa O meŋɛ noba naŋ kyerɛ ne tonsonne tommo.

Hiburu 2:9

kyɛ te nyɛ la Yeezu, Ona la ka Naaŋmen da sigri bebie belaa lɛ gaŋ a malekere. Kyɛ pampana, Naaŋmen ko O la puubu ane emmo, a dɔgɛɛ kũũ O naŋ kpi zuiŋ ka ka a Naaŋmen garaaseɛ eŋɛ ka O na kpi ko neɛzaa.