Gyɔɔn 1:5 - Naaŋmen Nɔpaalaa Gane

⁵ A veɛloŋ da kyaane la a lige poɔ, ka a lige da ba toɔ̃ a veɛloŋ.

Gyɔɔn 1:5 ပူးပေါင်းရင်းမြစ်များ

Matio Gane 5:15

Neɛzaa koŋ kyɔŋ fentelɛ a la de laa vɔgle pɔge, kyɛ o maŋ de dɔgle la fentel-daa zu ka o kyaane zie ko a die deme zaa.

Gyɔɔn 1:10

O da be la a teŋɛzu. O zie la ka a tendaa tu a wa bebe kyɛ ka a tendaa noba da ba baŋ O.

Toma 26:18

ka fo te yuo ba nimie ka ba na bare ligruŋ toma kyɛ kpɛ kyaane poɔ, a yi Setaana naaloŋ poɔ kyɛ kpɛ Naaŋmen naaloŋ poɔ, ka a lɛ na vɛŋ ka ba nyɛ yelbebe sudi kyɛ kpɛ a banaŋ yeldeebo naŋ e ka ba leɛ nensonne poɔ.’

Urom 1:28

Kyɛ ba naŋ da ba nyɛ ka a seŋɛɛ la ka ba ko Naaŋmen O gyeremɛ zuiŋ, a Naaŋmen da bare ba la ka ba taa ba teɛre faare a erɛ yelfaare naŋ ba seŋ ka ba e.

1 Kor 2:14

A banaŋ naŋ ba taa a Vooroŋ Soŋ, koŋ baŋ de a Naaŋmen Vooroŋ kyɔɔtaare, bonso, a waa la dambol-yɛlɛ ba zie, ka ba kontoɔ̃ baŋ a tɛgɛ, bonso, a Vooroŋ Soŋ yoŋ la na toɔ̃ e ka ba baŋ a tɛgɛ.