Gyɔɔn 1:34 - Naaŋmen Nɔpaalaa Gane

³⁴ Kyɛ maa meŋɛ nyɛɛ la kyɛ di danseɛ ka a Naaŋmen Bie la a ŋa.”

Gyɔɔn 1:34 ပူးပေါင်းရင်းမြစ်များ

Matio Gane 11:27

A N Saa de la a boma zaa ko ma. Neɛzaa ba baŋ a Bidɔɔ, ka a Saa yoŋ naane, ka neɛzaa meŋ ba baŋ a Saa ka a Bidɔɔ yoŋ naane, ane banaŋ yoŋ a Bidɔɔ naŋ boɔrɔ ka O wuli ba a Saa.”

Matio Gane 16:16

Ka Saamon Piita yeli sɔge, “Fõõ la a Mɛzaaya, a Naaŋmen-vore Bidɔɔ.”

Matio Gane 17:5

Piita naŋ da naŋ yele a yɛlɛ, a daadaalɛ la ka zunzug-pelaa deɛ wa pilli pɔge ba, kyɛ ka kɔkɔre yele yɛlɛ a zunzugri poɔ, “A N Bidɔɔ la a ŋa, N Poyɛŋ Bie; N poɔ pɛle ne O la; yɛ kyɛllɛ O yɛlɛ!”

Matio Gane 26:63

Kyɛ a Yeezu da taŋ la O noɔre. Lɛ la ka a Naaŋmen bagmaalkare neŋkpoŋ yeli ko O, “Pɔ a Naaŋmen-vore, a yeli ko te, ka fõõ wa la a Mɛzaaya, a Naaŋmen Bie”

Matio Gane 27:40

kyɛ yele, “Fõõ naŋ yeli ka fo na toɔ̃ ŋmore la a Naaŋmen die, kyɛ la leɛ mɛ o beri ata poɔ, faa fo meŋɛ wɛ! Ka Fõõ wa waa Naaŋmen Bie, wa sigi a dagaraa zu.”

Matio Gane 27:43

O dɛle la Naaŋmen, O e ka a Naaŋmen wa faa O a pampana ŋa zaa, ka O naŋ wa boɔrɔ, bonso, O yelee la, ‘N waa la Naaŋmen Bie.’ ”

Matio Gane 27:54

A sogyɛre kɔɔ neŋkpoŋ ane banaŋ naŋ da be o zie guuro a Yeezu, naŋ da nyɛ a teŋɛ naŋ gbigri ane a yɛlɛ zaa naŋ e, dabeɛ̃ da kpɛ ba la yaga, ka ba yeli, “Serɛzaa, a dɔɔ ŋa da waa la Naaŋmen Bie.”

Matio Gane 3:17

Ka kɔkɔre kaŋ yi sazu a yeli, “N Bidɔɔ la aŋa, N Poyɛŋ Bie, N poɔ pɛle ne O la yaga.”

Matio Gane 4:3

A sebɛlbɛllɛ da wa yeli ko O la, “Ka fõõ wa waa Naaŋmen Bie, yeli a kubo ama ka a leɛ boroboro.”

Matio Gane 4:6

a yeli ko O, “Ka fõõ wa sereŋ waa Naaŋmen Bie, ɛge kyinni teŋɛ, bonso, ba sɛgɛɛ la: ‘Naaŋmen na toŋ la O malekere fo zuiŋ,’ kyɛ la sɛge, ‘Ba na sogi nyɔge fo la eŋ ba nuuri poɔ, ka fo gbɛre na ta wa ŋmɛ kuuri.’ ”

Matio Gane 8:29

Tɔntɔbaalɛ ka ba kyeere ne kɔkɔkpeɛne a soorɔ, “Naaŋmen Bie, boŋ ka fo taa na e ne te? Fo mɔɔ wa la a kyɛ ka fo dɔgre te, kyɛ ka a saŋ naŋ ba ta be?”

Marko Gane 1:1

A Naaŋmen Bie, Yeezu Kirista yelnoore piiluu.

Marko Gane 1:11

Ka kɔkɔre kaŋ da yi sazu a yele, “Fõõ la N Bidɔɔ, N Poyɛŋ Bie; fõõ la ka N poɔ pɛle ne yaga zaa.”

Luka 1:35

Ka a maleke yeli ko o, “A Vooroŋ Soŋ na wa la fo zie, ka a Naaŋmen kpeɛ̃õ wa sigi fo, a zuiŋ a bie fo naŋ na dɔge na e la bi-soŋ, ka ba boɔlɔ O Naaŋmen Bie.

Luka 3:22

ka a Vooroŋ Soŋ da sigi wa dɔɔ O zuŋ aŋa ŋmanee. Ka kɔkɔre kaŋ yi sazu a yele, “Fõõ la N Bidɔɔ, N Poyɛŋ Bie, fõõ la ka N poɔ pɛle ne.”

Gyɔɔn 1:18

Neɛzaa daŋ ba nyɛ Naaŋmen. A Naaŋmen Bi-yeni yoŋ naŋ peɛle a Saa, Ona la e ka noba baŋ a Naaŋmen.

Gyɔɔn 1:49

Ka Nataneɛl da leɛ yeli, “Wulwullo, fõõ la a Naaŋmen Bie! Fõõ la a Izerayɛl Naa!”

Gyɔɔn 10:30

Maa ne a Saa waa la yeni.”

Gyɔɔn 10:36

wola ka yɛ na baŋ yeli ka a soba na a Saa naŋ maale ka O waa soŋ, ka O toŋ O a teŋɛzu, toorɔ la Naaŋmen zone. N naŋ da yeli, ‘N waa la Naaŋmen Bie zuiŋ’?

Gyɔɔn 11:27

Ka a Maata da yeli ko O, “Õõ, Daana, N sage deɛ la ka fõõ la a Mɛzaaya, a Naaŋmen Bie na naŋ waana a teŋɛzu.”

Gyɔɔn 19:7

Ka a Gyuumine da yeli sɔge a Pilato, “Te taa la noɔre kaŋ, ka a noɔre wuli ka O seŋ ne la kũũ, O naŋ yeli ka O waa la Naaŋmen Bie zuiŋ.”

Gyɔɔn 20:28

Ka a Tɔmaase da leɛ yeli sɔge O, “N Daana ane N Naaŋmen!”

Gyɔɔn 20:31

Kyɛ ba sɛge la a ama ka ka yɛ na sage de ka Yeezu la a Mɛzaaya, a Naaŋmen Bie. A yɛ sagedeebo zie la ka yɛ na tu a nyɛ nyɔvore a O yuori eŋɛ.

Gyɔɔn 6:69

Te sage deɛ la kyɛ baŋ ka fõõ la a Naaŋmen Nensoŋ.”

Urom 1:4

kyɛ ka a Vooroŋ Soŋ da wuli ka O waa la Naaŋmen Bie naŋ taa kpeɛ̃õ ne O naŋ leɛ-iri yi a kuuni poɔ. Ona la a Yeezu Kirista a te Daana.

Korinti 1:19

Bonso, a Naaŋmen Bie Yeezu Kirista yɛlɛ te naŋ da moɔle ko yɛ, maa, Silvano ane Timoti ba e, “Õõ ane Ai”; kyɛ Ona eŋ zie a waa la, “Õõ” tegitegilɛ.

Hiburu 7:3

O ba taa Saa, a ba taa ma, a ba taa Sããkompare, a ba taa piiluu bee baaroo. Kyɛ o ne a Naaŋmen Bidɔɔ yi la taa, ka o waa Naaŋmen bagmaale wederɛ tegitegilɛ.

1 Gyn 2:23

Neɛ na zaa naŋ zagre a Bie ba taa a Saa, ka neɛzaa naŋ sage de a Bie yɛlɛ meŋ taa a Saa.

1 Gyn 3:8

Neɛzaa naŋ erɛ yelbebe e la a sebɛlbɛllɛ bie, bonso, a sebɛlbɛllɛ la erɛ yelbebe a yi a piiluu saŋ. A yeli ŋa zuiŋ la ka a Naaŋmen Bie wa, ka O wa sãã a sebɛlbɛllɛ toma bare.

1 Gyn 4:9

Ŋaa la ka a Naaŋmen nɔmmo da sãã te poɔ, Naaŋmen da toŋ la O Bidɔɔ yeni ka O wa a teŋɛzu, ka ka te na tu O zie a nyɛ nyɔvore.

1 Gyn 5:20

Te baŋ ka a Naaŋmen Bie waɛ la, a wa ko te yelbammo ka ka te na baŋ neɛ na naŋ waa a yelmeŋɛ soba. Kyɛ te be la a O Bie Yeezu Kirista naŋ e a yelmeŋɛ soba poɔ. O sereŋ waa la Naaŋmen ane nyɔvore naŋ ba taa baaroo.

2 Gyn 1:9

Neɛzaa naŋ ba kyɛnɛ a Kirista wuluu poɔ, kyɛ maŋ gaŋ a wuluu bare ba taa Naaŋmen. Soba na zaa naŋ kyɛnɛ a wuluu poɔ taa la a Saa ane a Bie.

Yel-iriwulaa Gane 2:18

“Sɛge ko a puoruu laŋne maleke naŋ be Taatira teŋɛ poɔ: A Naaŋmen Bie yelbie la ama. Ona la ka O nimie waa ŋa vũũzele, ka O gbɛɛ waa ŋa kur-zeɛ: