Gyɔɔn 1:3 - Naaŋmen Nɔpaalaa Gane

³ O zie la ka boma zaa tu a wa bebe. Bonzaa da ba kyebe naŋ tu ziyuo wa bebe ka O yoŋ zie naane.

Gyɔɔn 1:3 ပူးပေါင်းရင်းမြစ်များ

Gyɔɔn 1:10

O da be la a teŋɛzu. O zie la ka a tendaa tu a wa bebe kyɛ ka a tendaa noba da ba baŋ O.

Gyɔɔn 1:2

A Yelbiri da be la Naaŋmen zie a piiluu saŋ zaa.

1 Kor 8:6

kyɛ tenee eŋ zie, Naaŋmen yeni yoŋ la bebe, Ona la a Saa. O zie la ka a boma zaa yi kyɛ ka te voorɔ O zuiŋ. Kyɛ Daana yeni yoŋ la bebe, a Yeezu Kirista, a Onaŋ zie a boma zaa naŋ tu yi a wa bebe kyɛ ka te tu O zie a voorɔ.

EFESU 3:9

kyɛ e ka neɛzaa nyɛ a yelsɔgle ba naŋ nare biŋ ka a sɔgle yuomo naŋ tɔle a Naaŋmen poɔ. A Naaŋmen la iri boma zaa

Hiburu 11:3

A yeldeebo zuiŋ la ka te baŋ ka Naaŋmen da iri la a teŋɛ ne O yelbiri. O da iri la a boma zaa te naŋ nyɛrɛ a yi boma te naŋ ba nyɛrɛ zie.

1 Gyn 5:1

Neɛzaa naŋ sage de ka Yeezu la a Kirista waa la neɛ Naaŋmen naŋ dɔge. Neɛzaa naŋ nɔŋ a bidɔgrɔ maŋ nɔŋ la a bie meŋ.

Yel-iriwulaa Gane 3:14

“Sɛge ko a puoruu laŋne maleke naŋ be Laodisiya teŋɛ poɔ: A Ameena, a yelmeŋɛ soba ane a yelmeŋɛ dansedire, a Naaŋmen bon-iri yiibu zie yelbie la ama:

Yel-iriwulaa Gane 4:11

“Te Daana Naaŋmen, fo seŋ ne la ka fo nyɛ puubu, emmo ane kpeɛ̃õ, bonso, fõõ la da iri a boma zaa, kyɛ a fo poboɔbo zuiŋ la ka fo da iri a, ka a da bebe.”