Gyɔɔn 1:29 - Naaŋmen Nɔpaalaa Gane

²⁹ A nyaazie daare, Gyɔɔn da nyɛ la a Yeezu ka O waana o zie, ka o da yeli, “Yɛ nyɛ a Naaŋmen Pilee. Ona la na peere a andonɛɛ yelbieri bare!

Gyɔɔn 1:29 ပူးပေါင်းရင်းမြစ်များ

Matio Gane 1:21

O na dɔge la bidɔɔ ka fo pore O yuori ka Yeezu, bonso, O na faa la O noba a yi ne ba yelbebe poɔ.”

Matio Gane 20:28

a ŋa lɛ a Nensaala Bie naŋ ba wa ka noba toŋ ko O, kyɛ O waɛ la ka O toŋ ko noba; a kyɛ de O nyɔvore yɔɔ de ne neŋyaga.”

Gyɔɔn 1:35

A nyaazie daare, Gyɔɔn da la are ne la o potuuribo bayi,

Gyɔɔn 1:36

kyɛ nyɛ Yeezu ka O wa tɔlɔ, ka a Gyɔɔn kyaare yeli, “Yɛ nyɛ, a Naaŋmen Pilee la kyɛ!”

Gyɔɔn 1:43

A nyaazie daare Yeezu da maale la O teɛroŋ ka O yi gaa Galili teŋɛ. O da nyɛ la Filipi, a yeli ko o, “Wa tuuro ma.”

Gyɔɔn 2:1

A beri ata daare, pɔgde tigri da be la a Keeina teŋɛ naŋ be a Galili paaloŋ poɔ, ka Yeezu ma da be a be.

Gyɔɔn 3:16

“Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

Gyɔɔn 4:42

Ba da yeli ko la a pɔge, “A ba la e ka fo yeluu la so ka te sage de O yɛlɛ, bonso, temenne woŋ la a O kannoo a baŋ ka serɛzaa, Ona la a andonɛɛ Faara.”

Gyɔɔn 6:51

Maa la a nyɔvore bondiraa naŋ yi tenvelaa sigi wa. Neɛ na zaa naŋ di a bondiraa ŋa, na voorɔ la tegitegilɛ. Kyɛ a bondiraa na N naŋ na tere, ka o ko a teŋɛzu deme nyɔvore la a N meŋɛ eŋɛ.”

Toma 13:39

Neɛ na zaa naŋ sage de a Yeezu ŋa yɛlɛ, na nyɛ la faabo a yi a yelbebe na zaa poɔ a Moozul nɔɛ naŋ da kontoɔ̃ faa.

Toma 8:32

A gane zie na o naŋ da kanna la ŋa: “O da waa ŋa peroo ba naŋ taa gaa ne o koobo zie, aŋa pilee naŋ are neɛ naŋ ŋmaara o kɔɔloŋ niŋesogɔ gbilli lɛ, o da ba haa o noɔre.

1 Kor 15:3

Bonso, N da de la weɛ a moɔle ko yɛ a yɛlɛ na maa meŋɛ naŋ da de: ka a Kirista da kpie la te yelbebe zuiŋ, a seŋ a gansoŋ naŋ yeli lɛ.

Korinti 5:21

A te zuiŋ, Naaŋmen da eɛɛ la ka a Kirista naŋ da ba taa yelbieri, tuo a te yelbieri ka ka te na tu O zie a leɛ taa Naaŋmen mennoŋ.

Galesiya 1:4

A Yeezu Kirista la de O meŋɛ tere te yelbebe zuiŋ, ka O faa te yi a zenɛ bebiri faaloŋ poɔ, a seŋ a te Saa Naaŋmen naŋ boɔrɔ lɛ.

Galesiya 3:13

A Kirista faa te la yi a bege kaa-emmo poɔ ne O meŋɛ naŋ leɛ neɛ ba naŋ kaa-eŋ te zuiŋ; bonso ba sɛgɛɛ la, “Soba na zaa ba naŋ yagle teɛ zu waa la neɛ ba naŋ kaa-eŋ.”

1 Tim 2:6

a da de O meŋɛ tere a yɔɔ de nensaalba zaa; ba da di la a yeli ŋa danseɛ a saŋ meŋɛ naŋ da wa ta.

TITU 2:14

Ona la da de O meŋɛ tere ka O faa te yi yelbebe zaa poɔ kyɛ peere te ka te yi fanana a waa O meŋɛ noba naŋ kyerɛ ne tonsonne tommo.

Hiburu 1:3

Ona la a Naaŋmen veɛloŋ naŋ kyuoli sãã ane a Naaŋmen waaloŋ meŋɛ zaa tɔre, kyɛ nyɔge a boma zaa taa ka a are ne a O yelbiri kpeɛ̃õ. O naŋ da wa peere yelbebe zaa bare, O da zeŋ la a Naaloŋ Soba nuduluŋ seŋ a sazu poɔ.

Hiburu 2:17

A lɛ zuiŋ a da ferɛɛ la ka O waa ŋa a O yɔɔmine ane O yɔɔpuuli yelzaa poɔ, ka ka O na waa Naaŋmen bagmaalkare neŋkpoŋ naŋ taa nembaalonzoe ane yelmennoŋ, ka O maale bagre a nensaalba yelbebe zuiŋ.

Hiburu 9:28

lɛ la ka Kirista da de O meŋɛ maale bagre dayeni yoŋ ka O de neŋyaga yelbebe bare. O na la leɛ wa la a boyi soba kyɛ a koŋ e yelbebe zuiŋ, kyɛ O na wa la ka O faa banaŋ naŋ eŋ faŋ a kyɛllɛ O.

1 Pit 1:19

kyɛ a Kirista zẽẽ naŋ taa yuori la ka ba de faa ne yɛ; aŋa pilee naŋ ba taa faaloŋ bee saanaa zaa.

1 Pit 2:24

O meŋɛ la da tuo a te yelbebe a O eŋɛŋ a dagaraa zu, ka ka te na faa temenne yi yelbebe poɔ a kyɛnɛ mennoŋ poɔ. A O felɛ zuiŋ, yɛ nyɛ la baaloŋ sammo.

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

1 Gyn 2:2

Ona la de O nyɔvore maale a te yelbebe sudi bagre, a te yoŋ yelbebe sudi naane kyɛ a tendaa noba zaa yelbebe sudi eŋɛ la.

1 Gyn 3:5

Yɛ baŋ ka O da waɛ la ka O wa de yelbebe bare, ka yelbieri zaa ba kye O poɔ.

1 Gyn 4:10

Ŋaa la nɔmmo: a ba e ŋa tenee la da nɔŋ Naaŋmen, kyɛ Ona la da nɔŋ te, a toŋ O Bie ka O wa leɛ te yelbebe sane bagmaale bon.

Yel-iriwulaa Gane 1:5

Ka a Yeezu Kirista, a yelmeŋɛ dansedire, a bidɛndɛŋ naŋ leɛ-iri yi a kũũ poɔ a kyɛ di naaloŋ a tendaa namine zaa zu ko yɛ garaaseɛ ane maaroŋ. Ka a Onaŋ naŋ nɔnɔ te a kyɛ faa te yi a te yelbebe poɔ ne a O zẽẽ,

Yel-iriwulaa Gane 12:11

Kyɛ ba zɔɔtoɔ̃ o la ne a Pilee zẽẽ ane a ba yelbiri danseɛ, bonso, ba da ba kpimare nyɔvore, haali ka ba naŋ da na kpi gba.

Yel-iriwulaa Gane 13:8

ka a noba zaa naŋ be a teŋɛzu na puoro o, neɛzaa yuori ba naŋ da ba sɛge eŋ a Pilee ba naŋ da ko nyɔvore gane poɔ a yi a tendaa piiluu saŋ.

Yel-iriwulaa Gane 14:1

N pãã da kaaɛ la a da nyɛ a Pilee ka O are a Zaayɔn Taŋzu! Ka noba turi lezaapoi ne turi anaare ba naŋ da sɛge a Pilee yuori ane a O Saa yuori eŋ a ba gberi eŋɛ da be O zie.

Yel-iriwulaa Gane 14:10

meŋ na nyu la a Naaŋmen supuriyaaraa dããkpeɛŋaa ba naŋ pore a yoŋ ka bonzaa ba pulli, a eŋ a O suuri ŋmanlee poɔ. Ba na dɔgre ba la ne vũũ ane gyirimuri a maleke sonne niŋesogɔ ane a Pilee niŋesogɔ.

Yel-iriwulaa Gane 14:4

A bama la da ba dɛge bamenne ne pɔgeba, bonso, ba da waa la bitorri. A bama la da tuuro a Pilee zie na zaa O naŋ da maŋ gɛrɛ. Ba da faa ba la yi ne nensaalba poɔ ka ba waa dɛndɛŋ noba ko Naaŋmen ane a Pilee,

Yel-iriwulaa Gane 15:3

Ba da yiele la a Naaŋmen tontonɔ Moozul yieluŋ ane a Pilee yieluŋ a yele: “Naaŋmen Kpeɛ̃õ Zaa Daana, a fo toma waa la kpoŋ kyɛ taa nɔmaa! A tenne zaa Naa, a fo sobie waa la meŋɛ ane yelmeŋɛ!

Yel-iriwulaa Gane 17:14

Ba na zɔɔ ne la a Pilee, kyɛ a Pilee na zɔɔtoɔ̃ ba la, bonso, Ona la a daanema zaa Daana ane namine zaa Naa, ka a banaŋ naŋ be O zie waa noba ba naŋ boɔle, a kaa-iri kyɛ ka ba taa yelmeŋɛ.”

Yel-iriwulaa Gane 19:7

Yɛ e ka te kyellɛ kyɛ zɛge O yuori a kyɛ de a puubu ko O, bonso, a Pilee pɔge deebo saŋ taɛ la, ka a O pɔge nare o meŋɛ baare.

Yel-iriwulaa Gane 19:9

Ka a maleke da yeli ko ma, “Sɛge a yeli ŋa: Banaŋ ba naŋ da boɔle ka ba wa a Pilee pɔgde tigri nyɛ la maaloo.” Ka o da yeli ko ma, “A Naaŋmen yelbie naŋ waa meŋɛ la ama.”

Yel-iriwulaa Gane 21:14

A teŋɛ daŋkyini da taa la daŋkyinpare pie ne ayi ka ba da sɛge a Pilee apostolii pie ne bayi yoe eŋ a daŋkyinpare pie ne ayi eŋɛ.

Yel-iriwulaa Gane 21:27

Kyɛ bondɛgre zaa koŋ kpɛ o poɔ, ka neɛzaa naŋ erɛ yelfa-dɛgɛ bee a ŋmaara zirii meŋ koŋ kpɛ o poɔ. A banaŋ yoŋ yoe ba naŋ sɛge eŋ a Pilee nyɔvore gane poɔ la na kpɛ o poɔ.

Yel-iriwulaa Gane 21:9

A malekere bayopoi na kaŋ naŋ da taa a laare ayopoĩ naŋ da paale ne a baaraa yelwolɔ ayopoĩ pãã da wa yeli ko ma la, “Wa, N na wuli fo la a pɔgpaalaa, a Pilee pɔge.”

Yel-iriwulaa Gane 5:6

Lɛ la ka N da nyɛ a Pilee ka o are a nakogi ane a bonvoba anaare ane a nembɛrɛ sogɔŋ, a da waa ŋa ba naŋ ko, ka O da taa eelɛ ayopoĩ ane nimie ayopoĩ naŋ waa a Naaŋmen seere ayopoĩ ba naŋ da toŋ a tendaa ziiri zaa.

Yel-iriwulaa Gane 5:8

O naŋ da wa te de a gane baare, a bonvoba anaare ane a nembɛrɛ lezare ne banaare da le vɔgle la muro a Pilee niŋesogɔ, ka ba kanzaa taa koriŋgyo ane salema laa naŋ paale ne ensɛnse, ana la a nensonne puoruu.

Yel-iriwulaa Gane 6:1

N pãã da nyɛ la a Pilee ka O lage a suni ayopoĩ na kaŋ, kyɛ ka N da woŋ a bonvoba anaare na kaŋ ka o boɔle, ka a o kɔkɔre waa ŋa saa tannoo, “Wa!”

Yel-iriwulaa Gane 6:16

Ba da boɔlɔ la a tanne ane a piiri a yele, “Yɛ le pɔge te ka te sɔgle ka a soba na naŋ zeŋ a nakogi zu ta nyɛrɛ te, kyɛ sɔgle te yi a Pilee supuriyaaraa eŋɛ;

Yel-iriwulaa Gane 7:14

Ka N da yeli sɔge o, “Neŋkpoŋ, fõõ la a soba na naŋ baŋ.” Lɛ la ka o da yeli ko ma, “A bama la a noba na naŋ yi a dɔgroŋ kpoŋ na poɔ; ba pɛge la a ba kparre a Pilee zẽẽ poɔ a e ka a e pelaa.

Yel-iriwulaa Gane 7:17

bonso, a Pilee naŋ be a nakogi sogɔŋ na e la ba kyeenɛ, O na taa ba la gaa ne bulnimie koɔ̃ naŋ terɛ nyɔvore zie, kyɛ Naaŋmen na eɛre la ba nentaŋ bare a ba nimie poore.”