Gyɔɔn 1:14 - Naaŋmen Nɔpaalaa Gane

¹⁴ Ka a Yelbiri da leɛ nensaala, a wa zeŋ te poɔ, ka te nyɛ O puubu. Ka a O puubu te tɔgle ne a saa bidɔɔ yeni puubu, naŋ paale ne garaaseɛ ane yelmennoŋ.

Gyɔɔn 1:14 ပူးပေါင်းရင်းမြစ်များ

Matio Gane 1:16

ka Gyekɔb dɔge Yuzɛb, a Mareya serɛ. A Mareya la dɔge a Yeezu, ba naŋ boɔlɔ a Mɛzaaya.

Luka 2:11

A zenɛ ŋa, ba dɔge la a yɛ Faara a Davil teŋkpoŋ poɔ, Ona la a Mɛzaaya, a Daana.

Luka 2:7

Ka o da dɔge o bidɔɔ dɛndɛŋ, a pilli O ne pɛmɛ, a gaale O donne bondi gbori poɔ, zie naŋ da ba kyebe a saama kpɛzie zuiŋ.

Luka 9:32

Goɔŋ da zeɛ la Piita ne o taaba na, kyɛ ba naŋ da wa te iri a goɔŋ poɔ, ba da nyɛ la a Yeezu veɛloŋ ane a dɔbɔ bayi ka ba are O zie.

Gyɔɔn 1:1

A piiluu saŋ a Yelbiri da bebe la. A Yelbiri da be la Naaŋmen zie, ka a Yelbiri da waa Naaŋmen.

Gyɔɔn 11:40

A Yeezu da leɛ yeli ko o la, “N da ba yeli ko fo ka ka fõõ wa sage de, fo na nyɛ la a Naaŋmen puubu be?”

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 14:9

Ka a Yeezu da soore o, “Filipi, N naŋ be a yɛ zie te kɔɔre seŋ a ŋaa, kyɛ ka yɛ naŋ ba baŋ ma? Neɛ na zaa naŋ nyɛ ma nyɛ la a Saa. Wola ka fo na yeli, ‘Wuli te a Saa’?

Gyɔɔn 17:22

A puubu na fo naŋ ko ma, N meŋ de ko ba la, ka ba meŋ na e yeni aŋa te naŋ waa yeni lɛ.

Gyɔɔn 17:24

N Saa, N nɔnɔ la ka a banaŋ fo naŋ ko ma meŋ na laŋ ne ma a zie N naŋ be, ka ba na nyɛ a puubu fo naŋ ko ma, bonso, fo nɔŋ ma la sɛre kyɛ ka a tendaa wa piili.”

Gyɔɔn 18:37

Ka a Pilato da soore O, “Ka lɛ fo waa la naa wɛ?” Ka a Yeezu da leɛ yeli, “Fõõ la yeli ka N waa la naa. A ŋaa zuiŋ la ka ba dɔge ma, ka N wa di a yelmeŋɛ danseɛ ko a tendaa noba. Neɛzaa naŋ waa a yelmeŋɛ soba maŋ kyɛllɛ la a N noɔre yɛlɛ.”

Gyɔɔn 2:11

A yeli ŋa a Yeezu naŋ da e, da la O yelwulii dɛndɛŋ soba O naŋ da e a Keeina teŋɛ naŋ be a Galili paaloŋ poɔ. A da iri la a Yeezu yuori ka O potuuribo da sage de O yɛlɛ.

Gyɔɔn 3:16

“Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

Gyɔɔn 3:18

Banaŋ naŋ sage de O yɛlɛ koŋ le sɛrɛɛ poɔ, kyɛ banaŋ naŋ ba sage de O yɛlɛ le la sɛrɛɛ poɔ baare, ba naŋ ba sage de a Naaŋmen Bi-yeni yuori zuiŋ.

Gyɔɔn 6:51

Maa la a nyɔvore bondiraa naŋ yi tenvelaa sigi wa. Neɛ na zaa naŋ di a bondiraa ŋa, na voorɔ la tegitegilɛ. Kyɛ a bondiraa na N naŋ na tere, ka o ko a teŋɛzu deme nyɔvore la a N meŋɛ eŋɛ.”

Gyɔɔn 8:32

Yɛ na baŋ la a yelmeŋɛ, ka a yelmeŋɛ e ka yɛ so yɛmenne.”

Toma 13:33

O da eɛɛ la ka a tu a tuubu, tenee a ba biiri zie, a e ka Yeezu leɛ-iri a kuuni poɔ a seŋ ba naŋ sɛge a yieluŋ gane ayi soba poɔ lɛ, ‘Fõõ la N Bidɔɔ; zenɛ ka N dɔge fo.’

Urom 8:3

Bonso, Naaŋmen da e la bonna a bege naŋ da kontoɔ̃ e, a nensaala bambaaloŋ naŋ da e ka o ba taa faŋ zuiŋ: A Naaŋmen da toŋ la O meŋɛ Bidɔɔ ka O wa de nensaala waaloŋ naŋ e yelbieri eŋɛ, kyɛ O naŋ da boɔrɔ ka O zɔɔ ne yelbieri, O da sãã la yelbieri yi nensaaloŋ eŋɛ,

Urom 9:5

Bana la so a sããkommine, a ba boorɔ poɔ la ka a Mɛzaaya yi a nensaaloŋ poɔ, Ona la di naaloŋ a noba zaa zu. Ka Naaŋmen nyɛ puubu tegitegilɛ. Ameena.

1 Kor 15:47

A nensaal-dɛndɛŋ da yi la tɛne poɔ, a waa tɛne, ka a bayi soba yi tenvelaa.

Korinti 12:9

kyɛ ka a Daana da yeli ko ma, “A N garaaseɛ seŋɛɛ la ko fo, bonso, bambaaloŋ poɔ la ka N kpeɛ̃õ maŋ sãã.” Azuiŋ, N na maaleŋ duoro la n meŋɛ yaga zaa ane n bambaaloŋ ka ka a Kirista kpeɛ̃õ na be n zie.

Galesiya 4:4

Kyɛ a saŋ naŋ da wa ta, Naaŋmen da toŋ la O Bidɔɔ, ka pɔge dɔge O, a dɔge O a bege puliŋ,

EFESU 3:8

Aneazaa ka N waa la a bile soba a nensonne zaa poɔ, ba ko ma la a garaaseɛ ŋa ka N taa a Kirista bondaanoŋ naŋ ba taa mannoo duoro wa ko a Nemboore-yobo,

KOLO 1:19

Bonso, a Kirista poɔŋ la ka a Naaŋmen waaloŋ zaa da nɔŋ ka O be.

KOLO 2:3

A Kirista poɔŋ la ka yɛŋ ane yelbammo naboma zaa sɔgle.

KOLO 2:9

Bonso, O eŋɛŋ la ka a Naaŋmennoŋ zaa be a eŋgannoŋ poɔ,

1 Tim 3:16

Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.

Hiburu 1:3

Ona la a Naaŋmen veɛloŋ naŋ kyuoli sãã ane a Naaŋmen waaloŋ meŋɛ zaa tɔre, kyɛ nyɔge a boma zaa taa ka a are ne a O yelbiri kpeɛ̃õ. O naŋ da wa peere yelbebe zaa bare, O da zeŋ la a Naaloŋ Soba nuduluŋ seŋ a sazu poɔ.

Hiburu 1:5

Ka a Malekere buo soba la ka Naaŋmen daŋ yeli: “Fo waa la N Bidɔɔ; zenɛ la ka N dɔge fo”? Bee a la yeli: “N na waa la o Saa, kyɛ ka o waa N Bidɔɔ”?

Hiburu 10:5

A lɛ zuiŋ, a Kirista naŋ da wa a teŋɛzu O da yelee la: “Fo ba boɔrɔ bagmaale ane kyɔɔtaare, kyɛ fo nare la eŋɛ ko ma.

Hiburu 2:11

Bonso, a soba na naŋ peerɛ yelbebe bara ane banaŋ yelbebe ba naŋ peere bare zaa taa la Saa yeni. A ŋaa zuiŋ la ka Yeezu ba zoro vi ka O boɔle ba O yɔɔmine ane n yɔɔpuuli,

Hiburu 5:5

A lɛ meŋ zuiŋ la ka Kirista da ba duori O meŋɛ a leɛ Naaŋmen bagmaalkare neŋkpoŋ, kyɛ a soba na naŋ da kaa-iri O la da yeli ko O: “Fo waa la N Bidɔɔ, zenɛ ka N dɔge fo”,

1 Gyn 4:14

Te nyɛɛ la kyɛ di danseɛ ka a Saa toŋ la a O Bidɔɔ ka O wa e a andonɛɛ Faara.

1 Gyn 4:9

Ŋaa la ka a Naaŋmen nɔmmo da sãã te poɔ, Naaŋmen da toŋ la O Bidɔɔ yeni ka O wa a teŋɛzu, ka ka te na tu O zie a nyɛ nyɔvore.

2 Gyn 1:7

Bɛlbɛlbɛ yaga wa la a teŋɛzu, banaŋ naŋ ba sage ka Yeezu Kirista wa leɛ la nensaala. A neɛ ŋa kanzaa tɔ waa la bɛlbɛllɛ ane zirii kirista!

Yel-iriwulaa Gane 19:13

O da su la kparoo ba naŋ da de toŋ zẽẽ poɔ, ka ba da boɔlɔ O yuori ka A Naaŋmen Yelbiri.

Yel-iriwulaa Gane 21:3

N da woŋ la kɔkɔkpeɛŋaa ka o yele yɛlɛ yire a nakogi zie a yele: “Nyɛ, a Naaŋmen kpeɛbozie be la nensaalba sogɔŋ. O na kpeɛrɛ la ba poɔ a waa ba Naaŋmen; ka ba meŋ waa O noba, kyɛ Naaŋmen meŋɛ zaa na be la ba zie;