I Tesa 3:3 - Naaŋmen Nɔpaalaa Gane

³ ka ka neɛzaa nuuri ta wa yoɔre ne a dɔgɛɛ ama. Serɛzaa yɛmenne baŋ ka a yɛlɛ ama la na pɔge te.

I Tesa 3:3 ပူးပေါင်းရင်းမြစ်များ

Luka 21:12

“A yɛlɛ ama zaa koŋ e sɛre, kyɛ ka ba nyɔgre yɛ, a dɔgre yɛ yaga. Ba na de yɛ la eŋ a puoruuderi ane a nempɔgderi poore. Ba na taa yɛ la wa ne a namine ane a gɔbena mine zie a N yuori zuiŋ.

Gyɔɔn 16:2

Ba na digi yɛ la bare a puoruu deri poore. Serɛzaa, a saŋ waana la ka noba na ko yɛ kyɛ maŋ teɛre ka Naaŋmen la ka ba puoro.

Gyɔɔn 16:33

N daŋ yeli la a ŋaa ko yɛ ka ka yɛ na taa emmaaroŋ N zie. Yɛ na nyɛ la dɔgroŋ a teŋɛzu, kyɛ yɛ nyɔge yɛmenne, bonso, N zɔɔtoɔ̃ la a tendaa!”

Toma 14:22

A be, ba da yeli la yɛlɛ teɛ a potuuribo a ko ba faŋ paalaa ka ba na eŋ faŋ a kyɛnɛ a ba yeldeebo poɔ, a yele, “A ferɛɛ la ka te nyɛ dɔgroŋ yaga kyɛ pãã kpɛ a Naaŋmen naaloŋ poɔ.”

Toma 2:25

Bonso, Davil da yeli kyaare ne o la: ‘N nyɛ la a Daana n niŋesogɔ tegitegilɛ, bonso o be la n nuduluŋ ka N na ta miine;

Toma 21:11

O da wa la te zie, a wa de a Pɔɔl kpagre a leŋ ne o meŋɛ gbɛɛ ane o nuuri kyɛ yeli, “Ŋaa ka a Vooroŋ Soŋ yeli, ‘A ŋaa ne o zu la ka a Gyuumine naŋ be a Gyɛruzɛlɛm poɔ na leŋ a kpagre ŋa soba, a de o eŋ a Nemboore-yobo nuuriŋ.’ ”

Toma 21:13

Lɛ la ka a Pɔɔl da yeli sɔge, “Boŋ la ka yɛ erɛ, a kono a saana n poɔ? Maa eŋ, N ba nare ka ba leŋ ma yoŋ, kyɛ N narɛɛ la ka N kpi a Gyɛruzɛlɛm poɔ a Daana Yeezu yuori eŋɛ.”

Toma 9:16

Maa meŋɛ na wuli o la lɛ o naŋ na di dɔgɛɛ seŋ a N zuiŋ.”

Urom 5:3

Kyɛ a lɛ yoŋ naane, te erɛ la pɔloo meŋ a te dɔgɛɛ diibu poɔ, a baŋ ka dɔgɛɛ diibu maŋ waana ne la kannyiri,

1 Kor 15:58

Azuiŋ, n poyɛŋ noba, yɛ are kpeɛŋaa, a ta wa leɛrɛ puori. Yɛ tonɔ a Daana toma tegitegilɛ a gɛrɛ nimitɔɔre kyɛ baŋ ka a yɛ toma koŋ waa weɛlɛ a Daana eŋɛ.

1 Kor 4:9

Bonso, N teɛre ka Naaŋmen eɛɛ la ka tenee apostoliimine leɛ a noba zaa parebaaraa, a waa ŋa noba ba naŋ di ba sɛrɛɛ a yeli ka ba seŋ ne la kũũ, bonso, te waa la noba, a andonɛɛ, a malekere ane nensaalba naŋ kaara.

EFESU 3:13

Azuiŋ, N puoro la ka ka yɛ nuuri ta wa yoɔre ne a dɔgɛɛ N naŋ dire yɛ zuiŋ; a e la yɛ puubu.

Filipai Deme Gane 1:28

ka a yɛ dɔndɔnne koŋ baŋ tɔ dabeɛ̃ eŋ yɛ sori zaa poɔ. Bana eŋ zie a ŋaa e la yelwulaa naŋ wullo ba weɛbo, kyɛ wullo yɛnee faabo. A Naaŋmen tontonne la a zaa.

KOLO 1:23

ka a naŋ wa e ka yɛ naŋ kyɛnɛ are la kpeɛŋaa kyɛ kpimare a yeldeebo, a ba wa tagra yire a teɛretɔroo na ba naŋ da eŋ noɔre ka yɛ woŋ yi a Ŋmen-yelnoore poɔ, a na ka ba da moɔle ko a bon-iri zaa naŋ be a teŋɛzu. Maa Pɔɔl wa leɛ la a Ŋmen-yelnoore ŋa tontonɔ.

I Tesa 5:9

Bonso, Naaŋmen ba nare te biŋ gu a O supuriyaaraa kyɛ O nare te la biŋ ka te na tu a te Daana Yeezu Kirista zie a nyɛ faabo,

II Tesa 1:4

Azuiŋ temenne ŋmeɛrɛ la nyaa yɛ zuiŋ a Naaŋmen puoruu laŋne yie poore ne a yɛ kpimaroo ane yɛ yeldeebo a saŋ yɛ naŋ da dire dɔgɛɛ ane a woore zaa yɛ naŋ nyɛrɛ.

2 Tim 1:8

A lɛ zuiŋ, ta wa zoro vi ka fo di danseɛ kyaare ne a te Daana bee maa naŋ waa a O nempɔgraa kyɛ dɛle a Naaŋmen kpeɛ̃õ a laŋ ne ma wono tuo a Ŋmen-yelnoore zuiŋ.

1 Pit 2:21

A ŋaa zuiŋ la ka ba boɔle yɛ, bonso, a Kirista meŋ da di la dɔgɛɛ a yɛ zuiŋ, a bare yelwulaa ko yɛ, ka ka yɛ na tuuro a O gbɛbogri.

Yel-iriwulaa Gane 2:10

Ta zoro a tuo na fo naŋ na woŋ dabeɛ̃. Gu fo meŋɛ velaa, a sebɛlbɛllɛ boɔrɔ la ka o de yɛ mine eŋ nempagdie poɔ, ka ba na toɔ̃ e yɛ nyɛ, kyɛ ka yɛ be woore poɔ beri pie. Taa yelmennoŋ te ta fo kũũ saŋ, kyɛ N na ko fo la nyɔvore nazupili.

Yel-iriwulaa Gane 2:13

“N baŋ la zie fo naŋ kpeɛrɛ, benee Setaana nakogi naŋ be. Kyɛ fo nyɔge la a N yuori taa kpeɛŋaa zaa, a da ba zagre a yeldeebo fo naŋ taa ne ma bare, haali a bebie na ba naŋ da ko a N dansedire Antepa, a onaŋ naŋ da taa yelmeŋɛ ne ma a yɛ sogɔŋ, benee Setaana naŋ kpeɛrɛ.